Whatsapp પર હવે આવી રીતે દેખાશે You Tube Video

નવી દિલ્હી: હાલમાં દેશભરમાં સૌથી વધુ ચેટિંગ માટે ઉપયોગ થતી એપ્લીકેશ whatsapp છે. whatsapp માં સમયાંતરે નવા નવા ફીચર્સ આવતાં રહે છે. જેનાથી ગ્રાહકો લાભ ઉઠાવી શકે છે. ઓડિયો કોલ, વિડિયો કોલ, એક સાથે 30 ફોટો સેન્ડ કરી શકાય, સ્ટોરી સ્ટેટસ મૂકી શકાય. દુનિયાભરમાં લગભગ 1 બિલીયનથી વધુ યૂઝર એક્ટિવ છે અને 42 બિલીયનથી વધુ મેસેજ દરરોજ સેન્ડ થાય છે.

હવે એપને વધુ પૉપ્યુલર બનાવવા માટે whatsapp પર હાલમાં એક નવું ફીચર ટેસ્ટ કરવામાં આવી રહ્યું છે. જેમાં તમે યૂટ્યૂબની વિડીયોઝને સીધું તમારા whatsappના ચેટ વિન્ડોમાં જોઇ શકશો. ઉદાહરણ તરીકે તમને તમારો કોઇ ફ્રેન્ડ યૂટ્યૂબ વિડીયો મોકલે છે. એને જોવા માટે તમે એની પર ટેપ કરો છો તો એ વીડિયો એ જ ચેટ બોક્સમાં પ્લે થઇ જશે. ટેપ કરવા પર તમારા ફોન પર અલગથી યૂટ્યૂબ એપ લોન્ચ થશે નહીં.

આટલું જ નહીં, જ્યારે આ વીડિયો તમારા ચેટ વિન્ડોમાં પ્લે થઇ રહ્યો હશે, તો તમે એને ઝૂમ કરી શકશો, ફુલ સ્ક્રીન મોડમાં વઇ જઇ શકશો અને ચાલી રહેલા પ્લેબેકને હટાવીને એ જ ચેટના અન્ય મેસેજ પણ વાંચી શકશો. જો કે તમે કોઇ પણ ચેટમાં વીડિયો જોઇ રહ્યા છો, તો એને બંધ કર્યા વગર બીજા ચેટ પર જઇ શકશો નહીં.

મળતી માહિતી અનુસાર આ ફીચર હલમાં માત્ર ios પર છે અને આઇફોન 6 અથવા એની ઉપરના મોડલ્સ પર જ સપોર્ટેડ છે. એપના એન્ડ્રોઇડ અને વિન્ડોઝ ફોન ક્લાયન્ટ્સ પર આવી કોઇ ટેસ્ટ જોવા મળી નથી.

જો ટેસ્ટિંગ બરોબર રહ્યું તો ios યૂઝર whatsappના નવી આ એપ યૂટ્યૂબની મજા લઇ શકશો.

http://sambhaavnews.com/

You might also like