વિન્ડીઝ વિરુદ્ધ ટી-ર૦ રમવા ટીમ ઇન્ડિયા અમેરિકા પહોંચી

ફ્લોરિડા: વેસ્ટ ઇન્ડીઝ વિરુદ્ધ બે ટી-ર૦ મેચ રમવા માટે મિયામી પહોંચેેલા ટીમ ઇન્ડિયાના ખેલાડીઓએ અમેરિકાના આ શહેરનો ભરપૂર આનંદ ઉઠાવ્યો હતો. દ‌િક્ષણ-પૂર્વ ફ્લોરિડામાં એટલાન્ટિક સમુદ્રના કિનારે આવેલ મિયામીમાં ર૭ અને ર૮ ઓગસ્ટના રોજ અમેરિકાની ધરતી પર પ્રથમ વખત બે આંતરરાષ્ટ્રીય ટી-ર૦ મેચ રમવામાં આવશે.

ભારતીય ક્રિકેટરો મિયામી શહેરમાં હરવા-ફરવામાં વ્યસ્ત જોવા મળ્યા હતા. રવિચંદ્રન અશ્વિન, શિખર ધવન અને ભુવનેશ્વરકુમારે અહીં અમેરિકન બાસ્કેટ બોલ ટીમ ‘મિયામી હિટસ’ના ઘરેલુ મેદાનનો પ્રવાસ કર્યો હતો. જ્યારે કેટલાક ખેલાડીઓએ આરામ કર્યો હતો તો કેટલાક શોપિંગમાં વ્યસ્ત હતા.
ટેસ્ટ કેપ્ટન વિરાટ કોહલી અને સ્ટુઅર્ટ બિન્ની હિપહોપ મ્યુઝિકનો આનંદ ઉઠાવવા માટે એક ટેક્સીમાં શહેરમાં ફરવા નીકળ્યા હતા.

અમેરિકન એરલાઇન્સ એરિના સ્થિત પોતાના હોમ ગ્રાઉન્ડ પર ભારતીય ખેલાડીઓનું સ્વાગત મિયામી હિટસના નવા ખેલાડી ટેલર જોન્સન અને બ્રાયન્ટ વેબરે કર્યું હતું. તેમણેે અશ્વિન, શિખર અને ભુવનેશ્વરને પોતાની બાસ્કેટબોલ ટીમનો લોકર રૂમ, જિમનેશિયમ રૂમ બતાવ્યા હતા અને સાથે જ કોર્ટ પર બાસ્કેટ બોલની ટેકનિક અંગે ટ્રેનિંગ આપી હતી. અશ્વિનને પોતાના શાળાના દિવસો યાદ આવી ગયા હતા કે જ્યારે તે બાસ્કેટ બોલ રમતો હતો.

You might also like