Categories: Ahmedabad Gujarat

શહેરીજનોને પૂરા પડાતા પાણી પૈકી ૨૫ ટકા વેડફાઈ જાય છે

અમદાવાદ, બુધવાર
ગુજરાતની જીવાદોરી સમાન નર્મદા નદીનાં નીર સુકાતાં અમદાવાદમાં આગામી ઉનાળામાં પાણીની કટોકટી સર્જાય તેવી શક્યતાના પગલે મ્યુનિસિપલ તંત્રમાં દહેશત ફેલાઇ ગઇ છે, જોકે પાણીના એક અથવા બીજા પ્રકારે થતા રપ ટકા સુધીના વેડફાટને રોકવામાં સત્તાવાળાઓ નાકામ થયા છે.

ગઇ કાલે મળેલી સ્ટેન્ડિંગ કમિટીની બેઠકમાં તમામ ૧ર સભ્યએ ઉનાળામાં ઊભી થનારી પાણીની તંગીનો મુદ્દો ઉપસ્થિત કર્યો હતો. ચેરમેન પ્રવીણ પટેલે પણ સભ્યોની ચિંતામાં સહભાગી થઇને આગામી દિવસોમાં તંત્ર દ્વારા લેવાનારાં પગલાંથી તેમને માહિતગાર કર્યા હતા. બીજી તરફ પાણીના થતા વેડફાટના મામલે પણ લાંબી ચર્ચા થઇ હતી.

તે વખતે ખુદ કમિશનર મૂકેશકુમારે પણ પાણી લીકેજ અને પાણી લોસેસને અટકાવવા સંબંધિત વિભાગને કડક તાકીદ કરી હતી. તંત્રની કાટ ખાધેલી પાણીની લાઇન, લોકો દ્વારા લેવાતાં પાણીનાં ગેરકાયદે કનેક્શન, આડેધડ મોટર મૂકીને કરાતું મોટરિંગ તેમજ ટુ વ્હિલર-ફોર વ્હિલરનાં સર્વિસ સ્ટેશન, પોળમાં ધોવાતા ઓટલા, કાર ધોવા કે ગાર્ડનિંગમાં વેડફાતા પાણીથી પણ તંત્ર પરેશાન છે. મૂકેશકુમાર દ્વારા આ તમામ પાસાંઓને ધ્યાનમાં રાખીને તત્કાળ જે તે જવાબદારને નોટિસ ફટકારવાની તાકીદ તંત્રને કરાઇ હતી.

જોકે આમાં આશ્ચર્યજનક બાબત એ છે કે મ્યુનિસિપલ વોટર સપ્લાય કમિટીના ચેરમેન રમેશ દેસાઇએ દસ દિવસ પહેલાં પાણીનો વેડફાટ કરનારા વિરુદ્ધ નોટિસ ફટકારીને શિક્ષાત્મક પગલાં ભરવાની તમામ ઝોનના ઇજનેર વિભાગને તાકીદ કરી હતી, પરંતુ જ્યારે ગયા ગુરુવારે સંબંંધિત અધિકારીઓ પાસે આને લગતી માહિતી માગી તો તેમને ભોંઠા પડવાનો વારો આવ્યો હતો, કેમ કે એક પણ અધિકારીએ કોઇની પણ સામે પગલાં લીધાં ન હતા. આમ, શાસક પક્ષના આદેશને પણ અધિકારીઓ ઘોળીને પી ગયા હોઇ કમિશનરના આદેશનું પાલન કરાશે કે કેમ? તે અંગે ચર્ચા ઊઠી છે.

જાણકાર સૂત્રો કહે છે કે ગયા ઉનાળામાં જે તે ઝોનમાં મોટ‌િરંગ સ્કવોડ કાર્યરત કરીને મોટરિંગ કરીને પાણી ખેંચતા લોકોની મોટર જપ્ત કરવાની તાકીદ પણ એક ટોચના હોદ્દેદારે કરી હતી, પરંતુ તેનો ‌ડિસેમ્બરની ચૂંટણીના કારણે અન્ય ટોચના હોદ્દેદારે વિરોધ કરતાં શાસક ભાજપમાં જ ભડકો થયો હતો. આ ઉનાળામાં મોટરિંગ સ્કવોડ કાર્યરત કરવાની ગત ઉનાળા કરતાં વધારે જરૂર છે. તેમ છતાં શાસકોમાં આ મામલે આજે પણ મતભેદ જોવા મળે છે.

Navin Sharma

Recent Posts

એશિયા કપઃ પાકિસ્તાન સામે ભારતનો ભવ્ય વિજય, 8 વિકેટે આપ્યો પરાજય

દુબઇઃ એશિયા કપમાં આજે ટીમ ઇન્ડીયા અને પાકિસ્તાન વચ્ચે પાંચમી એવી ભવ્ય મેચનો દુબઇમાં મુકાબલો થયો. જેમાં પાકિસ્તાનની ટીમે 43…

5 hours ago

જિજ્ઞેશ મેવાણીનો બેવડો ચહેરો, કહ્યું,”ધારાસભ્યોની સાથે મારો પણ પગાર વધ્યો, સારી વાત છે”

અમદાવાદઃ ધારાસભ્યોનાં પગાર વધારા મામલે કોંગ્રેસનાં ધારાસભ્ય જીજ્ઞેશ મેવાણીએ વિશેષ પ્રતિક્રિયા આપી છે. જીજ્ઞેશ મેવાણીએ સોશિયલ મીડિયા પર પોસ્ટ કરીને…

6 hours ago

વિધાનસભા ગૃહમાં હોબાળો, નીતિન પટેલે કહ્યું,”કોંગ્રેસની અવિશ્વાસની દરખાસ્ત નિયમ વિરૂદ્ધ”

ગાંધીનગરઃ વિધાનસભા ગૃહમાં કોંગ્રેસનાં સભ્યોએ આજે ફરી વાર હોબાળો કર્યો હતો. ભાજપ વિરોધી સૂત્રોચ્ચાર કરીને હોબાળો કર્યો હતો. કોંગ્રેસનાં ધારાસભ્યો…

7 hours ago

સુરતઃ 3 વર્ષની માસૂમ બાળકીનું બિસ્કિટ અપાવવા બહાને કરાયું અપહરણ

સુરતઃ આપણી નજર સમક્ષ અવારનવાર નાની બાળકીઓ પર દુષ્કર્મ અને અપહરણ થયા હોવાનાં કિસ્સાઓ સામે આવતા હોય છે. ત્યારે આવો…

8 hours ago

નવાઝ પુત્રી-જમાઇ સહિત થશે જેલમુક્ત, ઇસ્લામાબાદ HCનો સજા પર પ્રતિબંધ

ઇસ્લામાબાદ હાઇકોર્ટે પાકિસ્તાનનાં પૂર્વ પ્રધાનમંત્રી નવાઝ શરીફની સજા પર પ્રતિબંધ લગાવી દીધો છે.નવાઝની દીકરી મરિયમ નવાઝ અને જમાઇ મોહમ્મદ સફદરની…

9 hours ago

રાજકોટઃ વાસફોડ સમાજે ઉચ્ચારી આત્મવિલોપનની ચીમકી, તંત્ર એલર્ટ

રાજકોટઃ શહેરમાં સરકાર દ્વારા ફાળવવામાં આવેલા પ્લોટની અધિકારીઓ દ્વારા માપણી ન કરવામાં આવતા વાસફોડ સમાજે આત્મવિલોપનની ચીમકી ઉચ્ચારી હતી. જો…

10 hours ago