બામ નથી આવતો કામ! બજારમાં અસલીનાં નામે નકલી વિક્સનું કૌભાંડ

એક બાજુ નાગરિકોને ઓછા દરે અને ગુણવત્તાસભર દવાઓ મળે તેવાં સરકાર સતત પ્રયત્નો કરી રહી છે. તો બીજી તરફ, વર્ષોથી ઉપયોગમાં લેવાતી વિક્સ વેપોરેબ બામની દવામાં નકલી બોટલોની કેમિસ્ટ્સ ભેળવવા અંગે ગ્રાહકો દ્વારા વ્યાપક ફરિયાદ ઉઠી છે. સેમી સોલિડ તરીકે વેચાતો આ ઘન પદાર્થ સામાન્ય તાપમાને પણ પીગળી રહ્યો હોવાની ફરિયાદ ઉઠી છે.

જો કે હવે આ બામ વાપરતા પહેલાં તમે થઈ જાઓ સાવધાન. કારણ કે હવે આ પ્રોડક્ટની ગુણવત્તા સામે અનેક મોટાં પ્રશ્નો ઊભા થયાં છે. પ્રોક્ટર એન્ડ ગેમ્બલ આ પ્રોડક્ટનું માર્કેટિંગ કરે છે અને અને તેવા ફાર્મા ઈઝરાયેલ કંપનીનાં છે. જે અમદાવાદનાં સાણંદ ખાતે આ બામનું ઉત્પાદન કરે છે. ત્યારે કંપની છેલ્લાં ચારેક મહિનાથી કેમિસ્ટ્સને હલકી કક્ષાનો બામ આપી રહ્યા હોવાનાં આક્ષેપ થયાં છે.

વર્ષોથી ગ્રાહકોની પસંદ બની ચૂકેલા વિક્સ વેપોરેબ પરથી હવે ગ્રાહકોનો વિશ્વાસ ધીમે ધીમે ઓછો થઈ રહ્યો છે. હલકી કક્ષાનો બામ શરીર પર લગાવ્યાં પછી બિલકુલ તેની અસર થતી નથી. જેથી કેમિસ્ટસ પણ આ બામનું વેચાણ કરતાં અચકાય છે કારણ કે સીધો જ ગ્રાહકો સાથે આ બાબતને લઈને સંઘર્ષ થાય છે

વિક્સની હલકી ગુણવત્તાને લઈને અમદાવાદ કેમિસ્ટ એસોસિએશનને પણ પાંચથી વધુ ફરિયાદ મળી છે અને કેમિસ્ટ એસોસિએશને કંપનીને પણ આ મામલે રજૂઆત કરી છે. પરંતુ હજુ સુધી કોઈ નક્કર પરિણામ મળ્યું જ નથી. બીજી તરફ, Vtvએ પણ ફૂડ એન્ડ ડ્રગ્સ વિભાગને ઓગળેલા વિક્સ વેપોરેબની બોટલો બતાવતા ફૂડ કમિશ્નરે પ્રાથમિક દ્રષ્ટિએ જ પ્રોડક્ટ ડિક્રિપ્શન ટેસ્ટમાં ફેઈલ હોવાનું જણાવ્યું છે.

કેમિસ્ટસને પધરાવવામાં આવતી આ હલકી કક્ષાનાં બામની બોટલ જોતા પ્રોક્ટર એન્ડ ગેમ્બલ અને તેમાં કંપની જવાબદાર હોય તેવું લાગી રહ્યું છે કે પછી કંપનીનાં કેટલાંક અધિકારીઓની મીલી ભગતથી સમગ્ર કૌભાંડ આચરાઈ રહ્યું છે તે એક તપાસનો વિષય છે.

વિક્સ વેપોરેબ બામ પિગળવા મામલે Vtvનાં અહેવાલનાં પડઘા પડ્યાં છે. Vtvએ અહેવાલ પ્રસારીત કર્યા બાદ ફૂડ અને ડ્રગ્સ વિભાગે નારોલમાં આવેલા ગોડાઉનમાં તપાસ હાથ ધરી હતી અને વિક્સ વેપોરબ બામનાં સેમ્પલ લીધાં હતાં એટલું જ નહીં પરંતુ આ તપાસમાં પણ ગોડાઉનમાંથી પિગળેલી બામનો જથ્થો મળી આવ્યો છે.

મળતી માહિતી પ્રમાણે, આ ખીમજી રામદાસ વિક્સ વેપોરેબનાં ડિસ્ટ્રીબ્યુટર છે. જો કે ગોડાઉનમાંથી પિગળેલી બામનો જથ્થો મળી આવતાં ફૂડ એન્ડ ડ્રગ્સ વિભાગે આ સમગ્ર મામલે વધુ તપાસ હાથ ધરી છે.

Dhruv Brahmbhatt

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

3 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

3 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

4 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

4 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

4 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

5 hours ago