VIDEO: ભુવાથી જતાં જીવમાં ગુજરાત દેશમાં ચોથા ક્રમે, 2017માં 228નાં મોત

અમદાવાદઃ શહેરમાં પડેલાં ધોધમાર વરસાદે કોર્પોરેશનનાં પ્રિ-મોન્સુન પ્લાનની પોલ ખોલી નાખી છે. પહેલાં જ વરસાદે શહેરમાં ચારે બાજુ ઠેર-ઠેર ભૂવા પાડી દીધાં છે. શહેરનાં અનેક રોડ રસ્તા પર અનેક ભૂવા પડ્યાં છે કે જેનાં કારણે શહેરીજનોને ભારે હાલાંકીનો સામનો કરવો પડી રહ્યો છે. પ્રજા પાસેથી કરોડોનો ટેક્સ ઉઘરાવતી AMC સામે આ મામલે અનેક સવાલો પણ ઉઠી રહ્યાં છે.

દ્રશ્યોમાં દેખાતો ભૂવો એ શહેરનાં પોશ વિસ્તાર કહેવાતાં એવાં જજીસ બંગલા વિસ્તારનો છે. તો આ દ્રશ્યોમાં દેખાતો ભૂવો એ શહેરનાં પ્રહલાદનગર વિસ્તારનો છે. આ વિસ્તાર પણ શહેરનો પોશ એરિયા કહેવાય છે. રાજ્યની આર્થિક રાજધાની કહેવાતાં એવાં અમદાવાદનાં શું હાલ છે તે પણ આપ જોઇ રહ્યાં છો. પોશ એરિયાનાં પણ આવાં હાલ છે તો અન્ય વિસ્તારનું તો વિચારવાનું જ શું.

હજુ એક ભૂવો દેશની શાન ગણાતા ઈસરો નજીક પણ પડ્યો છે તો મોતનાં ભૂવામાં પૂર્વ વિસ્તાર પણ બાકાત નથી. જી હાં અમરાઈવાડી વિસ્તારમાં ઉત્કર્ષ શાળા સામે મસમોટો ભૂવો પડ્યો છે. ઉલ્લેખનીય છે કે, ગયા વર્ષમાં પાલડી વિસ્તારમાં એક મહિલા એક્ટીવા લઈને ભૂવામાં પડી હતી છતાં કુંભકર્ણની નિંદ્રામાં પોઢેલાં અધિકારીઓ જાગતાં નથી.

બીજી તરફ ગત ચોમાસાનાં તૂટેલાં રોડનાં જવાબદાર હજી સુધી દંડાયા નથી. 7 એડિશનલનાં ઈજનેરો સહિત 70થી વધુ અધિકારીઓને નોટિસ અપાઇ હતી. જો કે આ મામલે આજ દિન સુધી કોઈ જવાબદાર અધિકારીને દંડવામાં આવ્યાં નથી. ત્યારે અહી અનેક પ્રકારનાં સવાલ થાય છે. આને અમદાવાદ કહીએ કે ભૂવાવાદ. શું તંત્ર મોતની રાહ જુએ છે. શું મોત થયાં બાદ તંત્ર જાગશે. જો જાગશે તો તંત્ર આખરે કયારે જાગશે. જેવાં તમામ પ્રકારનાં અનેક સવાલો ઊભા થાય છે.

You might also like