Categories: Gujarat

વી.અેસ. હોસ્પિટલની અા બીમારીઅોનો ઇલાજ ક્યારે?

અમદાવાદ: અમદાવાદ મ્યુનિસિપલ કોર્પોરેશન સંચાલિત વી.એસ. હોસ્પિટલ ગરીબોની હોસ્પિટલ ગણાતી હોઇ દૈનિક ૧૯૭૮ ઓપીડીના નવા-જૂના દર્દીઓ નોંધાતા હોવાનો તંત્રનો દાવો છે. પ્રતિવર્ષ વી.એસ. હોસ્પિટલના ઓપીડી અને અંદરના દર્દીઓની સંખ્યામાં વૃદ્ધિ થતી હોવાનું પણ તંત્ર જણાવે છે. તેમ છતાં આ હોસ્પિટલનો માહોલ એવો છે કે દર્દી પરિસરમાં પગ મૂકતાંની સાથે હેબતાઇ જાય. ચોતરફ ગટરનાં ઊભરાતાં પાણી, ગંદકી અને અવ્યવસ્થાને માત્ર જોઇને સાજા માણસને માંદા પાડે તેવું વાતાવરણ સત્તાવાળાઓની બેદરકારીના કારણે સર્જાયું છે, પરંતુ સત્તાધીશો જવાબદારી લેવા તૈયાર નથી.

તાજેતરમાં મેયરના હોદ્દાની રૂએ વી.એસ. હોસ્પિટલ મેનેજમેન્ટ બોર્ડના ચેરમેન ગૌતમ શાહે આગામી નાણાકીય વર્ષ ર૦૧૭-૧૮નું રૂ.૧૪૬.૧૪ કરોડનું રજૂ કરેલું બજેટ ફક્ત સ્ટાફનું ‘પગાર પત્રક’ હોય તેવું પહેલી નજરે દૃષ્ટિગોચર થાય છે. અંદરના દર્દીઓને પૂરતી દવા કે જેનરિક દવાની ઉપલબ્ધતામાં બેદરકાર સત્તાવાળાઓ વી.એસ. હોસ્પિટલને સ્વચ્છ પણ રાખી શકતા નથી.વી.એસ. હોસ્પિટલમાં અસ્વચ્છ વોર્ડ, શૌચાલયની ગંદકી, ઊભરાતી ગટરો, જયાં ત્યાં ફેંકી દેવાયેલો એઠવાડ, નકામા થયેલા પલંગ સહિતના ફર્નિચરનો ખડકલો,

જર્જરીત દીવાલો, ચોતરફ પસરેલા ઇંટો માટીના ઢગલા ઉપરાંત વાહનોનાં આડેધડ પાર્કિંગથી અરાજકતા જ ફેલાયેલી પ્રતિત થાય છે. અવ્યવસ્થા એટલી હદે છે કે નવી સિક્યોરિટી બેસાડાઇ હોવા છતાં નો પાર્કિંગમાં વાહન પાર્ક કરાય છે, મુલાકાતીઓના પ્રવેશ સિવાયના સમયમાં લોકો હોસ્પિટલની છેક અંદર ઘૂસી જાય છે.

આ તો ઠીક પણ અત્યાધુનિક ટ્રોમા સેન્ટરની પાછળ ચાર મહિનાથી ગટર ઊભરાય છે. જેમાં તંત્ર એકબીજા પર દોષારોપણ કરે છે. વી.એસ. હોસ્પિટલના સુપરિન્ટેન્ડેન્ટ ડો.સંદીપ મલ્હાન કહે છે, આ બધી વહીવટી બાબતો હોઇ આ મારો વિષય નથી! જ્યારે વી.એસ. હોસ્પિટલના ડેપ્યુટી ડાયરેકટર એન.ડી. પરમાર કહે છે, હોસ્પિટલ બહાર રોડ ગટરનો પ્રશ્ન હોઇ ટ્રોમા સેન્ટરની પાછળ ગટર ઊભરાઇ છે. અમે તો અંદરના મેનહોલ ઊંચા કર્યા છે. હવે આ અંગે પશ્ચિમ ઝોનનો ઇજનેર વિભાગ વધુ માહિતી આપી શકશે. જ્યારે પશ્ચિમ ઝોનના ઇજનેર વિભાગના વડા હરપાલસિંહ ઝાલા કહે છે ‘વી.એસ. હોસ્પિટલની ગટર ચોકઅપ થઇ છે. એટલે બહારના રસ્તા પરની ગટરની મેનહોલિંગની કામગીરી હાથ ધરાઇ છે. ઉપરાંત વી.એસ. હોસ્પિટલમાં ગટર સફાઇ માટે જેટિંગ મશીન પણ મોકલાવાયું હતું.’
http://sambhaavnews.com/

divyesh

Recent Posts

શોપિયામાંથી અપહરણ કરાયેલા ત્રણ પોલીસ અધિકારીની હત્યાઃ એકને છોડી મૂક્યો

શ્રીનગર: જમ્મુ-કાશ્મીરના શોપિયામાં આતંકવાદીઓએ આજે સવારે જે ત્રણ સ્પેશિયલ પોલીસ ઓફિસર (એસપીઓ) અને ચાર પોલીસકર્મીઓનાં અપહરણ કર્યાં હતાં તેમાંથી આતંકવાદીઓએ…

42 mins ago

ખંડિત સ્ટેચ્યૂ, તૂટેલી રેલિંગ… શહેરની શોભા વધારતા ટ્રાફિક આઇલેન્ડની આ છે હાલત

અમદાવાદ: અમદાવાદ મ્યુનિસિપલ કોર્પોરેશને શહેરના વિવિધ ટ્રાફિક આઇલેન્ડની શોભા વધારવા માટે અલગ અલગ થીમ પર સ્ટેચ્યૂ મૂક્યાં છે જે હાલ…

1 hour ago

અનંત ચતુર્દશીએ શ્રીજીની પ્રતિમાના વિસર્જન માટે 34 કુંડ બનાવાયા

અમદાવાદ: આવતા રવિવારે અનંત ચતુર્દશી હોઈ દુંદાળાદેવ ગણેશજીની મૂર્તિની દશ દિવસ માટે પ્રતિષ્ઠા કરનારા ભક્તો દ્વારા શ્રદ્ધા અને ભાવપૂર્વક વિસર્જન…

1 hour ago

દબાણખાતા અને પોલીસને પૈસા આપવા તેમ કહી લારીવાળાઓને લુખ્ખા તત્વોની ધમકી

અમદાવાદ: શહેરમાં અાડેધડ પાર્કિંગ અને રોડ પર ગેરકાયદે દબાણને લઇને ટ્રાફિક પોલીસ દ્વારા ઝુંબેશ ચલાવી ટ્રાફિક સમસ્યા હલ કરવાના પ્રયાસો…

1 hour ago

મ્યુનિ. ઢોર પકડવામાં-પશુપાલકો તેના રજિસ્ટ્રેશન માટે ઉદાસીન

અમદાવાદ: હાઈકોર્ટના કડક આદેશ છતાં શહેરમાં રખડતાં ઢોર અને ખાસ કરીને ગાયોનાે ત્રાસ હજુ ઓછો થયો નથી. અનેક વિસ્તારમાં ગાયોના…

2 hours ago

બેન્કમાં જ યુવકનાં રોકડ અને મોબાઈલ લૂંટી બે શખસો ફરાર

અમદાવાદ: હેબતપુર ગામમાં રહેતા અને થલતેજની એક કંપનીમાં નોકરી કરતા યુવક પાસેથી કોઇ બે અજાણ્યા શખસ બેન્કમાં લાઇનમાં ઊભા રહેવાની…

2 hours ago