Categories: India Top Stories

૩૮ ભારતીયના અવશેષો લઈ વી. કે. સિંહ આજે રાત્રે ઇરાકથી ભારત આવશે

નવી દિલ્હી: મોસુલમાં બંધક બનાવીને મારી નાખવામાં આવેલા ૩૮ ભારતીય મજૂરના અવશેષો ભારતીય અધિકારીઓને સોંપી દેવામાં આવ્યા છે. વિદેશ રાજ્યપ્રધાન વી. કે. સિંહ ગઈ કાલે સ્પેશિયલ વિમાન દ્વારા મોસુલ ગયા હતા. ત્યારબાદ તેઓ આજે ભારત પાછા ફરી રહ્યા છે. વી. કે. સિંહે જણાવ્યું કે ૩૮ ભારતીયોના અવશેષો તેમને સોંપી દેવામાં આવ્યા છે.

તેમણે કહ્યું કે અવશેષો સોંપવા માટે ઇરાકની સરકારનો આભાર માનું છું. ૩૮ લોકોના અવશેષો અમને મળી ચૂક્યા છે, જ્યારે ૩૯મા મૃતદેહનું ડીએનએ મેચ કરવાનું હજુ બાકી છે. એવું લાગે છે કે તેમાંથી મોટા ભાગના લોકો આઇએસઆઇએસ આતંકીઓના હુમલાનો ભોગ બન્યા છે.

વી. કે. સિંહે આ તમામ અવશેષો લઇને ભારતીય વાયુસેનાનાના વિમાનમાં સૌથી પહેલાં પંજાબના અમૃતસર જશે. ત્યારબાદ પટણા અને બાદમાં કોલકાતા જઇને આ અવશેષો તેમનાં પરિવારજનોને સોંપી દેવામાં આવશે. અમૃતસરમાં પંજાબ સરકાર તરફથી કેબિનેટ પ્રધાન નવજોતસિંહ સિદ્ધુ આ અવશેષો લેવા માટે એરપોર્ટ જશે.

ત્યારબાદ સ્થાનિક તંત્રની મદદથી અવશેષો પરિવારજનો સુધી પહોંચાડવામાં આવશે. આ દરમિયાન શબપેટીઓને વિમાનમાં ચડાવતી વખતે ભારતના વિદેશ રાજ્ય પ્રધાન વી. કે. સિંહે તેમને સલામી આપી. સિંહે આતંકવાદીઓની ટીકા કરી અને આતંકવાદ વિરુદ્ધ લડાઇમાં ભારત સરકારનું વલણ જાહેર કર્યું હતું.

તેમણે આઇએસઆઇએસને અતિશય ક્રૂર સંગઠન જણાવીને કહ્યું કે અમારા દેશના નાગરિકો તેમની ગોળીઓનો શિકાર થયા છે. અમે દરેક પ્રકારના આતંકવાદની વિરુદ્ધમાં છીએ. મોસુલમાં આતંકી સંગઠન આઈએસઆઈએસએ ૩૯ ભારતીયોને મારી નાખ્યા હતા. વિદેશ પ્રધાન સુષમા સ્વરાજે આ જ મહિને આ વાતને સંસદમાં કહી હતી.

divyesh

Recent Posts

ગોવા સરકારનું નેતૃત્વ મનોહર પર્રિકર જ કરશેઃ અમિત શાહ

ન્યૂ દિલ્હીઃ તમામ વિવાદો પર વિરામ લગાવતા ભાજપનાં રાષ્ટ્રીય અધ્યક્ષ અમિત શાહે આખરે સ્પષ્ટ કરી દીધું છે કે, મનોહર પર્રિકર…

8 hours ago

મોઢેરા સૂર્યમંદિરમાં પ્રવેશ ફીનો ચાર્જ વધારતા પર્યટકોમાં રોષ

મહેસાણા: મોઢેરાનું ઐતિહાસિક સૂર્યમંદિર એ એક ઐતિહાસિક વારસો ધરાવે છે તેમજ દરેક નાગરિક આ વારસાથી પરિચિત છે. તેને જોવા માટે…

8 hours ago

આતંકવાદ અને વાતચીત એક સાથે ક્યારેય શક્ય ના બનેઃ બિપીન રાવત

ન્યૂ દિલ્હીઃ ભારતનાં આર્મી ચીફ જનરલ બિપીન રાવતે પાકિસ્તાનને સણસણતો જવાબ આપ્યો છે. આર્મી ચીફ બિપીન રાવતે નિવેદન આપતાં કહ્યું…

9 hours ago

ગણેશ વિસર્જન યાત્રાનાં નામે સુરતમાં PAAS અને SPGનું શક્તિપ્રદર્શન

સુરતઃ ગણેશ વિસર્જનની આડમાં SPG અને PAASએ સુરતમાં શક્તિ પ્રદર્શન કર્યું છે. અલ્પેશ કથીરિયાની જેલ મુક્તિની મુખ્ય માંગ સાથે હજારો…

11 hours ago

વિઘ્નહર્તાની અશ્રુભીની વિદાય, વિસર્જનને લઇ બનાવાયાં ભવ્ય કૃત્રિમ તળાવો

વડોદરાઃ આજે ઠેર-ઠેર ભગવાન ગણેશજીનું વિસર્જન થશે અને બાપ્પાને આવતા વર્ષે જલ્દી આવવા માટેની ભક્તો દ્વારા વિનંતી પણ કરાશે. ત્યારે…

12 hours ago

વિશ્વની સૌથી મોટી હેલ્થ સ્કીમ લોન્ચ, મોદીએ કહ્યું,”હવે ગરીબ પણ કરાવી શકશે મોંઘી સારવાર”

ઝારખંડઃ પ્રધાનમંત્રી નરેન્દ્ર મોદીએ ઝારખંડની રાજધાની રાંચીથી કેન્દ્ર સરકારની મહત્વાકાંક્ષી આયુષ્માન ભારત-રાષ્ટ્રીય સ્વાસ્થ્ય સુરક્ષા મિશનનું શુભારંભ કરાવાયું. આ યોજના અંતર્ગત…

12 hours ago