Categories: Sports

દામ્બુલામાં નવ વર્ષ પછી ટીમ ઇન્ડિયાનો કેપ્ટન વિરાટ એ જ ખુરશી પર શા માટે બેઠો?

દામ્બુલાઃ વર્ષ ૨૦૦૮ વિરાટ કોહલીની ક્રિકેટ કરિયર માટે બહુ મહત્ત્વનું સાબિત થયું હતું. એ વર્ષે વિરાટની કેપ્ટનશિપમાં ભારતે અંડર-૧૯ વર્લ્ડકપનો ખિતાબ જીત્યો હતો અને ત્યાર બાદથી તેને ટીમ ઇન્ડિયામાં સામેલ કરી લેવામાં આવ્યો હતો. ૧૮ ઓગસ્ટ, ૨૦૧૮ના રોજ વિરાટે શ્રીલંકા સામે દામ્બુલામાં ભારત તરફથી આંતરરાષ્ટ્રીય વન ડે ક્રિકેટમાં પદાર્પણ કર્યું હતું અને હવે એ જ દામ્બુલામાં ૨૮ વર્ષીય વિરાટ આવતી કાલે પોતાની ૧૯૦મી વન ડે રમશે.

બીસીસીઆઇએ ટ્વિટ કરીને વિરાટની એક તસવીર શેર કરી છે. સાથે લખ્યું છે, ”કેટલીક ચીજો ક્યારેય નથી બદલાતી, ફક્ત મહાન લોકો પોતાનું કદ વધારી લે છે. વિરાટ એ જ ખુરશી પર બેઠો છે, જેના પર તે પોતાની પદાર્પણ મેચ દરમિયાન બેઠો હતો.” બાદમાં વિરાટે પણ એ તસવીર સાથે ટ્વિટ કરીને લખ્યું, ”આ ખુરશીથી એ બધું શરૂ થયું. એ દિવસ, એ ગ્રાઉન્ડ… ભારતીય ક્રિકેટ ટીમ સાથે નવ વર્ષ પૂરાં થયાં. શાનદાર સફર રહી. બહુ જ આભારી છું.”

એ પહેલી મેચ, એ પહેલી ઇનિંગ્સ…
પોતાની એ પદાર્પણ મેચમાં કોહલીએ ૧૨ રનની ઇનિંગ્સ રમી હતી. ત્યારે તેણે ગૌતમ ગંભીર સાથે ઇનિંગ્સની શરૂઆત કરી હતી. એ મેચ ભારત આઠ વિકેટે હારી ગયું હતું. ટીમ ઇન્ડિયાની બેટિંગ સદંતર ફ્લોપ રહી હતી. ભારત તરફથી યુવરાજસિંહે સૌથી વધુ ૨૩ રનની ઇનિંગ્સ રમી હતી અને આખી ટીમ ૧૪૬ રનમાં ઓલઆઉટ થઈ ગઈ હતી. કોહલીએ એ મેચમાં ટીમ ઇન્ડિયા તરફથી પહેલો ચોગ્ગો ફટકાર્યો હતો અને એ પણ ચામિંડા વાસની બોલિંગમાં. કોહલી ૨૨ બોલમાં ૧૨ રન બનાવીને નુવાન કુલસેકરાની બોલિંગમાં એલબી આઉટ થયો હતો.

વિરાટે દામ્બુલામાં પોતાની કરિયરની શરૂઆત કરી અને ત્યાર બાદ તે અહીં આઠ વન ડે રમ્યો. આ મેદાન પર પોતાની કુલ નવ વન ડેમાં વિરાટ જેવો બેટ્સમેન હજુ એક પણ અર્ધસદી ફટકારી શક્યો નથી. તેણે આ મેદાન પર કુલ નવ મેચમાં ૧૬૧ રન જ બનાવ્યા છે. અહીં તેનો સર્વોચ્ચ સ્કોર ૩૭ રનનો છે. છેલ્લી વાર વિરાટ આ મેદાન પર ઓગસ્ટ- ૨૦૧૦માં રમ્યો હતો. હવે સાત વર્ષ પછી આવતી કાલે વિરાટ ફરી આ મેદાનમાં ઊતરશે. જોકે હવે પરિસ્થિતિ ઘણી બદલાઈ ગઈ છે. વિરાટ હાલ વિશ્વનો ટોચનો બેટ્સમેન બની ગયો છે.

divyesh

Recent Posts

કોશિશ ચાલુ રહેશે, હાર નહીં માનું: નેહા શર્મા

અભિનેત્રી નેહા શર્માએ ૨૦૦૭માં તેલુગુ ફિલ્મ 'ચિરુથા'થી એક્ટિંગ કરિયરની શરૂઆત કરી હતી અને ત્રણ વર્ષ બાદ ૨૦૧૦માં મોહિત સુરીની ફિલ્મ…

14 hours ago

બેઠાડું નોકરી કરો છો? તો હવે હેલ્ધી રહેવા માટે વસાવી લો પેડલિંગ ડેસ્ક

આજકાલ ડેસ્ક પર બેસીને કરવાની નોકરીઓનું પ્રમાણે વધી ગયું છે. લાંબા કલાકો બેસી રહેવાની ઓબેસિટી, ડાયાબિટીસ અને હાર્ટ ડિસીઝનું જોખમ…

14 hours ago

શહેરમાં ૧૮ ફાયર ઓફિસરની સીધી ભરતી સામે સર્જાયો વિવાદ

અમદાવાદઃ મ્યુનિસિપલ કોર્પોરેશન સંચાલિત ફાયર બ્રિગેડની તંત્ર દ્વારા કરાતી ઉપેક્ષાનું સામાન્ય ઉદાહરણ વર્ષોથી સ્ટેશન ઓફિસર વગરના ફાયર સ્ટેશનનું ગણી શકાય…

15 hours ago

૨૬૦ કરોડનું ફૂલેકું ફેરવનાર ચીટર દંપતી વિદેશ નાસી છૂટ્યાંની આશંકા

અમદાવાદઃ થલતેજમાં આવેલ પ્રેસિડેન્ટ પ્લાઝામાં વર્લ્ડ ક્લેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની…

15 hours ago

રાજ્ય સરકારનો મહત્વનો નિર્ણય, વિવિધ યોજનાઓમાં દિવ્યાંગોને અપાશે અગ્રિમતા

ગાંધીનગરઃ ગુજરાત સરકારે એક મહત્વનો નિર્ણય કર્યો છે. જેમાં દિવ્યાંગોને વિવિધ યોજનામાં અગ્રિમતા આપવામાં આવશે. ભરતીમાં 4 ટકાનાં ધોરણે લાભ…

15 hours ago

ન્યૂઝીલેન્ડનાં ખેલાડી IPLનાં અંત સુધી રહેશે ઉપલબ્ધ

મુંબઈઃ ન્યૂઝીલેન્ડ ક્રિકેટ (NZC)એ આઇપીએલની આગામી સિઝનમાં પોતાના ખેલાડીઓને આખી ટૂર્નામેન્ટ રમવાની મંજૂરી આપી દીધી છે. NZCના અધિકારી જેમ્સ વિયરે…

16 hours ago