Categories: Sports

વધુ ને વધુ નિખરી રહેલા વિરાટે ટીમ ઇન્ડિયાને નવી ઊંચાઈ આપી

અમદાવાદઃ ટીમ ઇન્ડિયાનાે ટેસ્ટ કેપ્ટન વિરાટ કોહલી સમયની સાથે વધુ ને વધુ વિરાટ થઈ રહ્યો છે. તેના આવ્યા બાદથી ટીમ ઇન્ડિયામાં એક નવી સંસ્કૃતિ પણ આવી છે, જ્યાં સ્કિલ, એટિટ્યુડ, કંઈ કરી નાખવાની જબરદસ્ત ભૂખ, પરિસ્થિતિ અને સમય પ્રમાણે સર્વશ્રેષ્ઠ નિર્ણયો લેવાની ક્ષમતાનો જબરદસ્ત સંગમ જોવા મળી રહ્યો છે. ચાહકોની નજરમાં કોહલી તો ત્યારથી જ આવી ગયોહતો, જ્યારે તેણે પોતાની કેપ્ટનશિપમાં ભારતને અંડર-૧૯ વર્લ્ડકપ અપાવ્યો હતો, પરંતુ ત્યારથી લઈને અત્યાર સુધી તેનામાં જબરદસ્ત ફેરફાર થયા છે. સમયની સાથે કોહલી ખુદને અપગ્રેડ કરતો જઈ રહ્યો છે.

માર્ચ ૨૦૦૮ઃ મલેશિયાના કુઆલાલમ્પુરમાં ક્રિકેટ ગ્રાઉન્ડ દિલ્હીના એક છોકરાની હુંકારથી ગૂંજી રહ્યું હતું. એ છોકરો જાણે કે ગર્જના કરી રહ્યો હતો કે સાંભળો દુનિયાવાળા, હવેથી અમારો સમય શરૂ થઈ રહ્યો છે. હવે અમે છીએ ક્રિકેટના નવા બાદશાહ. દિલ્હીનો એ છોકરો ‘કમ ઓન’ની બૂમો પાડતો ગ્રાઉન્ડનું ચક્કર લગાવી રહ્યો હતો, તેની કેપ્ટનશિપમાં ભારતની અંડર-૧૯ ટીમ વર્લ્ડકપ જીતી ચૂકી હતી.

ડિસેમ્બર ૨૦૧૪ઃ ઓસ્ટ્રેલિયા સામે ૩૬૪ રનના બહુ જ મુશ્કેલ લક્ષ્યનો પીછો કરતા કેપ્ટન કોહલીએ ખુદ મોરચો સંભાળઅયો હતો. ભારત પાસે મેચ ડ્રો કરાવવાનો વિકલ્પ હતો, પરંતુ ટીમ જીતના લક્ષ્ય સાથે બેટિંગ કરી રહી હતી. છેવટે ટીમ ૪૮ રને હારી ગઈ. સમીક્ષકોએ કોહલીની ઇનિંગ્સની પ્રશંસા તો કરી, પરંતુ એ સવાલ પણ ઊઠ્યો કે શું કોહલીએ જરૂર કરતા વધારે આક્રમકતા દેખાડી?

…અને અત્યારેઃ કોહલીની કેપ્ટનશિપમાં ટીમ ઇન્ડિયા ઈંગ્લેન્ડ સામે ૩-૦ની અપરાિજત સરસાઈ લઈ ચૂકી છે. પાછલી ૧૭ મેચમાં ટીમ ઇન્ડિયા એક પણ મેચ હારી નથી. આ એક નવો રેકોર્ડ છે. કોહલી એક આક્રમક યુવા બેટ્સમેનમાંથી હવે સંપૂર્ણ ક્રિકેટરના રૂપમાં વિકસિત થઈ ચૂક્યો છે. ઈંગ્લેન્ડ સામે મુંબઈમાં રમાયેલી ચોથી ટેસ્ટમાં કોહલીના ત્રણ પાસા જોવા મળ્યા અને એ ત્રણેયમાં પૂર્ણ બેટ્સમેન, કેપ્ટન અને સાચા અર્થમાં ક્રિકેટની રમતના એમ્બેસેડર તરીકે જોવા મળ્યો. ઉલ્લેખનીય છે કે કોહલી હજુ ફક્ત ૨૮ વર્ષનો જ છે. તેણે ૨૩૫ રનમની શાનદાર ઇનિંગ્સ રમીને ઈંગ્લેન્ડની જાણે કે કમર જ તોડી નાખી. જુલાઈ બાદથી આ તેની ત્રીજી ડબલ સેન્ચૂરી હતી. જ્યારે અશ્વિન અને એન્ડરસન મેદાન પર ઝઘડી પડ્યા ત્યારે કોહલીએ દખલ દઈને બંનેને શાંત પાડ્યા. એન્ડરસન અને અશ્વિન વચ્ચેના ઝઘડાનું કારણ ઈંગ્લિશ બોલરની એ કોમેન્ટ હતી, જે ખુદ વિરાટ કોહલી અંગેની હતી.

કોહલીએ ટીમમાં નવા પ્રાણ ફૂંક્યા છે. તેણે ટીમને ડિફેન્સિવ માઇન્ડસેટની બહાર કાઢી છે. આ બધામાં કોચ અનિલ કુંબલેનાં કુશળ માર્ગદર્શનનો પણ હાથ છે, જેના કારણે ફક્ત કોહલી જ નહીં, બલકે વિરાટના નેતૃત્વમાં આખી ટીમ નીખરી રહી છે. મેદાન પર હવે કોહલી જે કંઈ કરે છે તેનાથી એ દેખાઈ આવે છે કે તે પરિપક્વ થઈ ગયો છે. તેણે વધુ સારી રીતે પોતાની જાત પર નિયંત્રણ રાખવાનું શીખી લીધું છે.
http://sambhaavnews.com/

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

20 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

20 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

20 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

20 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

20 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

20 hours ago