INDvsENG: ત્રીજી ટેસ્ટમાં ટીમ ઇન્ડીયાનું કોણ કરશે નેતૃત્વ?

ઇંગ્લેન્ડ સામેની ત્રીજી ટેસ્ટમાં કપ્તાન વિરાટ કોહલી ઇજાના કારણે ન રમે તેવી સંભાવના જોવામાં આવી રહી છે. ઇંગ્લેન્ડ સામે લોર્ડસમાં રમાયેલ બીજી ટેસ્ટમાં ભારતને મળેલા પરાજયે ટીમ ઇન્ડીયાની મુશ્કેલીમાં વધારો કર્યો છે ત્યારે સુકાની વિરાટ કોહલીના પીઠ દર્દે પણ ભારતની મુશ્કેલીમાં વધારો કર્યો છે.

જો વિરાટ કોહલી નોટિંધામમાં રમાવામાં આવનાર ત્રીજી ટેસ્ટ પહેલા ફીટ નહી થાય તો ત્રીજી ટેસ્ટમાં ભારતનું નેતૃત્વ આર. અશ્વિનને સોંપવામાં આવે. આમ શ્રેણીમાં 2-0થી પાછળ રહેલા ભારત માટે આ એક ઝટકા સમાન સમાચાર છે. ત્રીજી ટેસ્ટ પહેલા ભારતીય ટીમ માટે કોહલીનું ઇજાગ્રસ્ત થવું એક મોટી સમસ્યા બની શકે છે.

બીજી ટેસ્ટ દરમિયાન કોહલીને પીઠનો દુઃખાવો ફરી થયો હતો. આમ જો કોહલી 18 ઓગસ્ટે શરૂ થનારી ત્રીજી ટેસ્ટ પહેલા ફિટ નહી થાય તો તેની જગ્યાએ ટીમનું સુકાન કોને સોંપવામાં આવશે તેને લઇને દ્વિધાની સ્થિતિ છે.

જો કે ટીમ ઇન્ડિયાના ઉપસુકાનીને જ આ જવાબદારી સોંપવામાં આવે છે પરંતુ રહાણે પણ હાલ બેટિંગમાં નિષ્ફળ છે ત્યારે ટીમ ઇન્ડિયાનું સુકાની પદ કોને સોંપવુ તેને લઇને ટીમ મેનજમેન્ટની ચિંતા વધી છે.

You might also like