વિરાટ સેના એલિસ્ટર કૂકની ફેરવેલ પાર્ટી બગાડવાના ઇરાદા સાથે મેદાનમાં

લંડનઃ દક્ષિણ આફ્રિકા બાદ ઈંગ્લેન્ડની ધરતી પર સતત બીજી ટેસ્ટ શ્રેણી ગુમાવી ચૂકેલી દુનિયાની નંબર વન ભારતીય ટીમ પાસે હવે ઈંગ્લેન્ડના ભૂતપૂર્વ કેપ્ટન એલિસ્ટર કૂકની ફેરવેલ પાર્ટી ખરાબ કરવાની તક છે. ઈંગ્લેન્ડ તરફથી સૌથી વધુ ટેસ્ટ રન બનાવનારા કૂકની આ અંતિમ ટેસ્ટ મેચ છે, જ્યારે ભારત માટે આ સન્માન બચાવવાની અંતિમ તક રહેશે.

વિરાટ કોહલીની કેપ્ટનશિપમાં ૩૯મી ટેસ્ટ (સાઉથમ્પ્ટન ખાતેની ચોથી ટેસ્ટ)માં પહેલી વાર એવું બન્યું હતું કે તેણે સતત બે ટેસ્ટમાં એકસરખી ટીમ મેદાનમાં ઉતારી હતી, પરંતુ એ ટેસ્ટમાં પરાજય બાદ ટીમ ઇન્ડિયા ફરી એકવાર પરિવર્તન માટે તૈયાર છે.

આર. અશ્વિન સંપૂર્ણપણે ફિટ નથી અને તેણે પ્રેક્ટિસ સેશન દરમિયાન બોલિંગ પણ નહોતી કરી. સાઉથમ્પ્ટન ટેસ્ટમાં અશ્વિને ૩૭.૧ ઓવર બોલિંગ કરી અને ફક્ત એક વિકેટ ઝડપી શક્યો. એ ઉપરાંત ઓલરાઉન્ડર હાર્દિક પંડ્યાનાં પ્રદર્શન સામે પણ સવાલો ઊઠી રહ્યા છે. તેના સ્થાને રવીન્દ્ર જાડેજા અને હનુમા વિહારીને આજથી શરૂ થઈ રહેલી શ્રેણીની અંતિમ ટેસ્ટમાં તક મળે તેવી શક્યતા છે.

ચોથી ટેસ્ટ ચાર દિવસમાં જ ગુમાવ્યા બાદ ભારતીય ટીમ ગત મંગળવારે લંડન પહોંચી હતી અને બુધવારથી પ્રેક્ટિસ શરૂ કરી દીધી હતી. જો ટીમ ઇન્ડિયાની પ્રેક્ટિસ પેટર્નને જોવામાં આવે તો એવું લાગતું નથી કે વિરાટ કોહલી અને ટીમ મેનેજમેન્ટ ખરાબ પ્રદર્શનને કારણે ટોચના બેટિંગ ક્રમમાં પરિવર્તન કરવા ઇચ્છતા હોય.

એક વર્ગ જરૂર સતત નિષ્ફળ જઈ રહેલા કે. એલ. રાહુલના સ્થાને પૃથ્વી શોને મેદાનમાં ઉતારવાની વાત કરી રહ્યો હોય, પરંતુ પ્રેક્ટિસ સેશનમાં તેને બહુ સમય બાદ ઉતારવામાં આવ્યો હતો.

સૌથી પહેલાં બેટિંગ પ્રેક્ટિસ શિખર ધવન, રાહુલ અને ત્રીજા નંબરના બેટ્સમેન ચેતેશ્વર પૂજારાએ કરી હતી. એ દરમિયાન વિરાટ નેટની બહાર પ્રેક્ટિસ કરતો રહ્યો હતો. કેદાર જાધવ તેને પ્રેક્ટિસ કરાવી રહ્યો હતો. પ્રેક્ટિસની આશ્ચર્યજનક વાત એ હતી કે હનુમા વિહારીએ છઠ્ઠા નંબર પર પ્રેક્ટિસ કરી હતી.

ભારત-એ, અંડર-૧૯ અને સનરાઇઝર્સ હૈદરાબાદ તરફથી રમી ચૂકેલા ૨૪ વર્ષીય હનુમાએ જોરદાર પ્રેક્ટિસ કરી. સામાન્ય રીતે પ્રેક્ટિસમાં છઠ્ઠા નંબર પર હાર્દિક પંડ્યા ઊતરે છે. હનુમા જમણેરી બેટ્સમેન છે અને સાથે સાથે ઓફ બ્રેક બોલિંગ પણ કરે છે. હનુમા અને પૃથ્વી શોને અંતિમ બે ટેસ્ટ માટેની ટીમમાં પસંદ કરવામાં આવ્યા છે.

સાડા ચાર બોલરનો વિકલ્પ
અત્યાર સુધી રમાયેલી ચારેય ટેસ્ટ મેચમાં વિરાટ કોહલી પાંચ બોલર સાથે મેદાનમાં ઊતરતો રહ્યો છે, જેમાં ત્રણ નિષ્ણાત ફાસ્ટ બોલર, એક સ્પિનર અશ્વિન અને પાંચમા ફાસ્ટ બોલર તરીકે હાર્દિક પંડ્યા સામેલ હતા. અશ્વિન સંપૂર્ણપણે ફિટ નથી. આ સ્થિતિમાં વિરાટ જસપ્રીત બૂમરાહ, ઈશાંત શર્મા અને શામી જેવા ફાસ્ટ બોલરની સાથે સ્પિનર રવીન્દ્ર જાડેજા અને ઓલરાઉન્ડર હનુમા વિહારીને ઉતારી શકે છે. વિહારી પાંચમા બોલર તરીકે કામ કરશે. જાડેજાને ટેસ્ટ શ્રેણીમાં રમવાની હજુ સુધી તક મળી નથી.

હાલ પીચ પર ઘાસ છે
ઓવલની પીચ હાલ તો ઘાસ દેખાઈ રહ્યું છે, પરંતુ આજે કદાચ થોડું ઘાસ કાપવામાં આવશે. પીચ શરૂઆતમાં ફાસ્ટ બોલરને અનુકૂળ રહેશે, બાદમાં સ્પિનર કમાલ કરી શકે છે. આ મેદાનના આંકડા દર્શાવે છે કે પ્રથમ બેટિંગ કરનારી ટીમ વધુ રન બનાવે છે.

જોકે ઈંગ્લેન્ડ અહીં રમાયેલી પાછલી ત્રણ ટેસ્ટમાંથી બે મેચ- પાકિસ્તાન અને ઓસ્ટ્રેલિયા સામે હારી ચૂક્યું છે, જ્યારે દક્ષિણ આફ્રિકા સામે ઈંગ્લેન્ડે જીત મેળવી છે. મોઇન અલીને દક્ષિણ આફ્રિકા સામે રમાયેલી ટેસ્ટ મેચમાં ચાર વિકેટ ઝડપી હતી. પાકિસ્તાની સ્પિનર યાસિર શાહે ૨૦૧૬માં આ મેદાન પર ત્રીજી ઇનિંગ્સમાં પાંચ વિકેટ ઝડપી હતી. આ બધું જોતાં ભારત અહીં ચોથી ઇનિંગ્સ રમવા નહીં જ ઇચ્છે.  આજે દિવસ દરમિયાન હળવો વરસાદ પડે તેવી આગાહી અહીંના હવામાન વિભાગ દ્વારા કરવામાં આવી છે.

divyesh

Recent Posts

ઘેર બેઠા બનાવો ટેસ્ટી અને પૌષ્ટિક આઇટમ ફ્રૂટ લસ્સી

સૌ પ્રથમ તમારે ફ્રુટ લસ્સી બનાવવા માટે આપે ઢગલાબંધ સિઝનેબલ ફળોનો ઉપયોગ કરવો પડશે. તમને આજે અમે ફ્રૂટ લસ્સી કઈ…

4 hours ago

ભગવાન શિવ બાદ રામની શરણે રાહુલ ગાંધી, જઇ શકે છે ચિત્રકૂટ

ન્યૂ દિલ્હીઃ તાજેતરમાં જ થોડાંક દિવસો પહેલાં જ માનસરોવર યાત્રાએથી પરત ફરેલ કોંગ્રેસનાં અધ્યક્ષ રાહુલ ગાંધી હવે ભગવાન રામની શરણે…

5 hours ago

રાજકોટ ખાતે વડોદરા PSIનાં આપઘાત મામલે કરણીસેનાનો ઉગ્ર વિરોધ

રાજકોટઃ વડોદરાનાં પોલીસ સબ ઈન્સ્પેક્ટર અજયસિંહ જાડેજાનાં આપઘાત મામલે કરણીસેનાએ ઉગ્ર વિરોધ કર્યો હતો. ગ્રીનલેન્ડ ચોકડી પાસે ચક્કાજામ કરીને કરણીસેનાએ…

6 hours ago

અમદાવાદ સહિત રાજ્યભરમાં મેઘરાજાનું ધમાકેદાર આગમન, લોકોને ગરમીથી રાહત

ગુજરાતઃ ઓરિસ્સામાં હાહાકાર મચાવ્યાં બાદ 'ડેઈ તોફાને' હવે દેશનાં અન્ય રાજ્યોને પણ પોતાની લપેટમાં લઇ લીધાં છે. ત્યારે ડેઈ તોફાનને…

7 hours ago

સુરતઃ પાકિસ્તાનનાં PM ઇમરાન ખાનનાં પુતળાનું કોંગ્રેસ દ્વારા જાહેરમાં દહન

સુરતઃ શહેરમાં પાકિસ્તાન પીએમ ઈમરાન ખાનનાં પુતળાનું દહન કરવામાં આવ્યું છે. કોંગ્રેસ દ્વારા પૂતળાનાં દહનનું આયોજન કરવામાં આવ્યું હતું. સુરતનાં…

8 hours ago

વડોદરાઃ ડભોઇ ખાતે બે ટ્રકો સામસામે અથડાતાં એકનું મોત, ત્રણને બહાર કઢાયાં

વડોદરાઃ ડભોઈ તાલુકા અંબાવ ગામ નજીક બે ટ્રકો સામસામે ભટકાતાં ઘટના સ્થળે જ એકનું મોત નિપજ્યું હતું જ્યારે અન્ય ૩…

9 hours ago