Categories: Lifestyle

અદ્ભુત આભૂષણનો અદમ્ય દબદબો

આજે બજારમાં વૈવિધ્યસભર આભૂષણો મળી રહ્યાં છે. વિવિધ પ્રકારનાં વસ્ત્રપરિધાન સાથે વિવિધ પ્રકારના આભૂષણ અલગ જ પ્રકારનો દેખાવ આપે છે. ત્યારે વિન્ટેજ જ્વેલરીમાં થોડા ફેરફાર કરીને તૈયાર કરવામાં આવેલી ડિઝાઇનર જ્વેલરી દરેક પ્રકારનાં કપડાં પર પહેરી શકાય તેવી હોય છે. આ રીતની જ્વેલરી વિન્ટેજ સાથે થોડો મોડર્ન ટચ આપીને તૈયાર કરવામાં આવે છે. દેખાવમાં ભારે લાગતી આ જ્વેલરી પહેરવામાં સાવ હળવી હોય છે.

સમય સાથે કપડાંમાં જે રીતે રેટ્રો થીમ પાછી આવી રહી છે તેવી જ રીતે જ્વેલરીમાં પણ જૂના સમયનાં આભૂષણોમાં થોડા ફેરફાર સાથેની ડિઝાઇનર જ્વેલરીનો ટ્રેન્ડ ચાલી રહ્યો છે. જ્વેલરી ડિઝાઇનર નીના શાહ કહે છે કે, “એન્ટિક જ્વેલરી ક્યારેય પણ આઉટડેટ થતી નથી, પરંતુ આજની યુવાપેઢી હંમેશાં કાંઇક નવું માગતી હોય છે. ત્યારે વેસ્ટર્ન, ટ્રેડિશનલ અને ઇન્ડો-વેસ્ટર્ન ત્રણેય પ્રકારનાં કપડાં પર પહેરી શકાય તેવી જ્વેલરી ડિઝાઇન કરી છે. હાલ માર્કેટમાં સિલ્વર અને ગોલ્ડ બેઝની જ્વેલરી તો મળી જ રહી છે, પરંતુ મેં સિલ્વર અને ગોલ્ડ બંનેના કોમ્બિનેશન સાથેની જ્વેલરી ડિઝાઇન કરી છે.

જે દેખાવમાં તો અદ્ભુત લાગે જ છે, પરંતુ તે દરેક પ્રકારનાં વસ્ત્રો સાથે મેચ પણ થાય છે.” ટેમ્પલ જ્વેલરી, અફઘાની સ્ટાઇલ, મોગલાઇ સ્ટાઇલની એન્ટિક જ્વેલરીમાં કેટલાક કન્ટેમ્પરરી ફેરફાર કરીને નેકલેસ, હાથનાં કડાં, બુટ્ટી અને ડુલ્સ જેવી વિવિધ જ્વેલરી ડિઝાઇન કરી છે. વળી આ જ્વેલરીની સૌથી મોટી ખાસિયત એ છે કે તે દેખાવમાં જ ભારે લાગે છે. પહેરવામાં તે ખૂબ જ હળવી હોય છે. આ જ્વેલરી બનાવવામાં ખાસ પ્રકારની હસ્તકલાનો ઉપયોગ પણ કરવામાં આવે છે. તેથી તેને તૈયાર થતા થોડો સમય લાગે છે.

પ્રતીક્ષા શાહ કહે છે કે, ” મેં વિવિધ સ્ટોનની અને જડતર બેઝની જ્વેલરી તો ઘણી પહેરી છે, પરંતુ આવી જ્વેલરી મારી પાસે ન હતી. તેથી મેં રાજસ્થાની અને અફઘાની સ્ટાઇલની જ્વેલરીનું કોમ્બિનેશન કરીને ડિઝાઇનર નેકલેસ કરાવ્યો છે. દેખાવમાં ભારે લાગતો આ સેટ પહેરવામાં હળવો છે. જે તમે સાડી અને સૂટ બંને પર પહેરી શકો છો.”

રિન્કી દવે કહે છે કે, “મને વિવિધ પ્રકારનાં આભૂષણોનો ખૂબ જ શોખ છે. વળી હાલ કોઈ પણ ફંક્શનમાં ગોલ્ડ જ્વેલરી કરતાં આવી ઇમિટેશન જ્વેલરીનો ટ્રેન્ડ ખૂબ જ ચાલે છે. મેં સ્પિરિચ્યુઅલ સ્ટાઇલ ઝૂમકાં ડિઝાઇન કરાવ્યાં છે. જે જૅમ્સ સ્ટોન ને મોગલાઇ સ્ટાઇલનું કોમ્બિનેશન છે.” તો કાંઇક આવા જ નવા કોન્સેપ્ટ સાથેની ડિઝાઇનર જ્વેલરી પહેરીને તમે પણ મેળવી શકો છો એલિગન્ટ લુક.

પૂર્વી દવે વ્યાસ

Krupa

Recent Posts

ઇજાગ્રસ્ત હાર્દિક પંડયા બહાર, ટીમ ઇન્ડિયામાં ત્રણ ફેરફાર, જાડેજાનો ટીમમાં સમાવેશ

હાલમાં ચાલી રહેલા એશિયા કપની ભારતીય ટીમમાં ત્રણ ફેરફાર કરવામાં આવ્યા છે. ઇજાગ્રસ્ત હાર્દિક પંડયા ટૂર્નામેન્ટમાંથી બહાર થઇ ગયો છે.…

13 mins ago

એમેઝોન અને સમારાએ રૂ. 4,200 કરોડમાં આદિત્ય બિરલાની રિટેઈલ ચેઈન ‘મોર’ ખરીદી

નવી દિલ્હી: ઇ-કોમર્સની દિગ્ગજ કંપની એમેઝોન અને પ્રાઇવેટ ઇક્વિટી કંપની સમારા કેપિટલે મળીને આદિત્ય બિરલા ગ્રૂપની રિટેલ ચેઇન મોર (More)…

37 mins ago

ઈલાયચી-મરી સહિત તેજાનાના ભાવમાં 45 ટકા સુધીનો ઉછાળો

નવી દિલ્હી: દેશના જથ્થાબંધથી લઇને છૂટક બજારમાં ઇલાયચી, જાવિંત્રી, જાયફળ, મરી જેવા તમામ મસાલાના ભાવ ૪૫ ટકા જેટલા મોંઘા થઇ…

42 mins ago

રાજ્યના PSIને મળી મોટી રાહત, પ્રમોશનની પ્રક્રિયા પર મુકેલો સ્ટે હાઇકોર્ટે હટાવ્યો

અમદાવાદમાં રાજ્યના સેંકડો પોલીસ સબ ઇન્સપેક્ટર માટે હાઇકોર્ટે મોટી રાહત આપી છે. પોલીસ ઈન્સ્પેક્ટરના પ્રમોશનની પ્રક્રિયા પર મુકેલો સ્ટે હાઈકોર્ટે…

1 hour ago

ખેડૂૂત આક્રોશ રેલીમાં પથ્થરમારા મામલે કોંગ્રેસના કાર્યકરો સહિત 1000ના ટોળા સામે ગુનો દાખલ

અમદાવાદ: ગાંધીનગરના સેકટર-૬માં સત્યાગ્રહ છાવણીમાં મંગળવારે કોંગ્રેસ દ્વારા ખેડૂત આક્રોશ રેલીનું આયોજન કરાયું હતું. સભા પૂૂરી થયા બાદ રેલી સ્વરૂપે…

2 hours ago

‘તુમ ચલે જાઓ મૈં ઇનકો દેખ લેતા હૂં’ તેમ કહીને યુવકે પીઆઈની ફેંટ પકડી

અમદાવાદ: શહેરમાં પોલીસે ટ્રાફિકની ઝુબેશ શરૂ કર્યા બાદ વાહનચાલકો અને રાહદારીઓની પોલીસ કર્મચારીઓ સાથે ઉગ્ર બોલાચાલી કરીને ઝપાઝપી કરવાની અનેક…

2 hours ago