Categories: Gujarat

કદમાં વધારો કરવાનો રૂપાણીનો પ્રયાસ

વિજય રૂપાણી ભાજપના પ્રદેશ પ્રમુખ બન્યા બાદ પોતાના કદમાં વધારો થાય તેવા પ્રયાસ કરતાં રહે છે. સવર્ણોને ૧૦ ટકા અનામતની જાહેરાત તેમના દ્વારા કરીને ભાજપ અને સરકારમાં તેમનું કદ વધ્યું હોવાનો અહેસાસ કરાવી દીધો છે. રાજકોટના રાજકારણથી પ્રદેશના રાજકારણમાં તેઓ સૌથી વધુ નસીબદાર બન્યા છે. થોડાં જ વર્ષોમાં તેઓ અનેક પદ તેઓ ભોગવી ચૂક્યા છે.

રૂપાણી પ્રદેશ પ્રવક્તા હતા ત્યારે મીડિયા સાથે તેમને સારો નાતો રહ્યો છે. મીડિયામાં સતત દેખાવું તેમને ગમે પણ છે. આથી જ હવે પ્રદેશ પ્રમુખ બન્યા બાદ ભાજપના પ્રવક્તાની ભૂમિકા પણ તેઓ જ ભજવી લે છે. પ્રદેશ પ્રવક્તા ભરત પંડ્યાનો પ્રવક્તા તરીકે ભૂમિકા ભજવવાનો વારો બહુ ઓછો આવે છે. સચિવાલયમાં ચર્ચા પણ શરૂ થઇ છે કે પહેલાં સરકારની વાત પ્રવક્તા નીતિન પટેલ અને સૌરભ પટેલ જ કરતા. રૂપાણી પ્રમુખ બન્યા બાદ હવે તેમને કોણ ના પાડી શકે. તાજેતરમાં મુખ્યમંત્રીએ જૈનોને લઘુમતીમાં સમાવેશ કરવાનો નિર્ણય લીધો તેની જાહેરાત પણ રૂપાણીએ પોતાના મંત્રીના નિવાસસ્થાને જ કરી દીધી. આથી સરકારના પ્રવક્તાઓ પણ હવે કામધંધા વગરના બન્યાની લાગણી વ્યક્ત કરી રહ્યા છે.

કે.કૈલાશનાથનની સેવાઓ ફરી વધારવાના મુદ્દા પર કેન્દ્ર સહમત
રાજ્ય સરકારમાં પાવરફુલ અધિકારીઓમાં સૌથી ઉપર કે.કૈલાશનાથનનું નામ આવે છે. આમ તો તેઓ રાજ્ય સરકારની સેવામાંથી નિવૃત્ત થઇ ગયા છે. જોકે વડા પ્રધાન નરેન્દ્ર મોદી અને ભાજપના રાષ્ટ્રીય અધ્યક્ષ અમીત શાહના સૌથી પ્રિય અધિકારી ગણાતા હોવાથી તેમની સેવાઓ નિવૃત્તિ બાદ પણ ચાલુ જ રખાઈ હતી. હવે ૩૧ મેના રોજ ફરી એક વાર તેમની મુદત પૂરી થઇ રહી છે.

તેમની સેવાઓ ૨૦૧૭ની વિધાનસભાની ચૂંટણી સુધી લેવાશે તેવો વિશ્વાસ સમગ્ર આઇએએસ લોબી અને મુખ્યમંત્રીથી માંડીને તમામ મંત્રીઓને છે, કારણ કે મોદી દિલ્હી ગયા પછી તેઓ કડીરૂપ અધિકારી બન્યા છે. તેમને અમીત શાહની સૌથી વધુ નજીકના માનવામાં આવે છે. આથી જ ગૃહ વિભાગમાં માજી ગૃહપ્રધાન અમીત શાહનો દબદબો આજે પણ બરકરાર રહ્યો હોવાની સચિવાલયમાં ચર્ચા છે.

કે.કૈલાશનાથનથી મુખ્યમંત્રી આનંદીબહેન પટેલને પણ અણગમો હોવાની ચર્ચા છે. મુખ્યમંત્રીની દરેક મૂવમેન્ટની જાણ આ અધિકારી દ્વારા જ દિલ્હી થતી હોવાથી મુખ્યમંત્રી મનેકમને તેમનો સ્વીકાર કરી રહ્યાં છે. સવર્ણોને ૧૦ ટકા અનામત આપવાની જાહેરાત જે પ્રકારે અમીત શાહની હાજરીમાં કમલમ્ પરથી કરાઈ તેમાં પણ તેમની ભૂમિકા મહત્ત્વની હોવાની જાણ હવે મુખ્યમંત્રીને થતાં મુખ્યમંત્રીએ અસુરક્ષા અનુભવી રહ્યાની લાગણી નજીકના સર્કલમાં વ્યક્ત કરી હોવાની ચર્ચા છે. આથી જ તેમની સેવાઓમાં વધારો કરવા સમયે મુખ્યમંત્રી ચોક્કસ ભૂમિકા અદા કરે તો નવાઇ નહીં. જોકે આ મુદ્દે આખરી નિર્ણય દિલ્હીથી જ લેવાશે તેમાં કોઇ શંકા નથી.

બદલીમાં અધિકારીઓની સત્તાનું રાજકારણ
રાજ્ય સરકારે આખરે ૮૩ આઇએએસ અધિકારીઓની બદલીના ઑર્ડરો કર્યા. જોકે આ લીસ્ટ તૈયાર કરવામાં સીએમઓના સિનિયર અધિકારીઓને બાજુ પર રાખીને મુખ્યમંત્રી આનંદીબહેન પટેલે પોતાનો પાવર બતાવ્યો હોવાની ચર્ચા સચિવાલયમાં થઈ રહી છે. સામાન્ય રીતે આઇએએસ અધિકારીઓની બદલી-બઢતીમાં સીએમઓના ઉચ્ચ અધિકારીઓના હાથ ઉપર રહેતા હોય છે.

બદલીમાં ૧૯થી વધુ કલેક્ટર્સની પણ બદલી કરાઈ જેમાં મુખ્યમંત્રી દ્વારા રસ લેવાયો. આથી સીએમઓના અધિકારીઓને બાજુ પર રાખવા અને મુખ્યમંત્રીની સીધી દરમ્યાનગીરી કરાવવામાં મુખ્ય સચિવ સફળ થયા હોવાની ચર્ચા ચાલી રહી છે. જોકે તેના કારણે મુખ્ય સચિવ અને સીએમઓમાં બેઠેલા અધિકારીઓ વચ્ચે નારાજગી વધી હોવાની પણ ચર્ચા છે. આ નારાજગી મુખ્ય સચિવને જૂન માસમાં તેમની નિવૃત્તિ સમયે મુશ્કેલીમાં મૂકી શકે છે.

સત્તા માટે ભાજપ કશું પણ કરી શકે
ગાંધીનગર મહાનગરપાલિકામાં સત્તા હાંસલ કરવા માટે ભાજપે અપનાવેલી રીતિનીતિની આકરી ટીકા થઇ. પ્રદેશથી કેન્દ્ર સુધી સત્તા હાંસલ કરવા ભાજપ કાંઈ પણ કરી શકે છે તેવી હવે કાર્યકરોને પણ ખબર પડી ગઇ છે. આથી કાર્યકરો પણ પદ હાંસલ કરવા કોઇ પણ રીત અપનાવે છે, જેનો ખરાબ અનુભવ ભાજપના પ્રદેશ સંગઠનને થયો છે. ગાંધીનગર મહાનગરપાલિકામાં કોંગ્રેસમાંથી ચૂંટાયેલા પ્રવીણ પટેલ પુનઃ ભાજપમાં આવતા તેઓને મેયર બનાવાયા.

આથી પ્રદેશ પ્રમુખ વિજય રૂપાણીના નિવાસે યોજાયેલી બેઠકમાં ભાજપના ચૂંટાયેલા કોર્પોરેટર મનુ પટેલે સંગઠનને ખુલ્લી ધમકી આપી હતી કે, જો પ્રવીણ પટેલ ભાજપમાં આવે અને તમે તેને મેયર બનાવી દેતા હોય તો હું પણ કોંગ્રેસમાં જઇને મેયર બની શકું છું. આથી જ પ્રદેશ ભાજપે સંનિષ્ઠ કાર્યકર અને પૂર્વ શહેર પ્રમુખ નીતિન પટેલ અને પૂર્વ ડેપ્યુટી મેયર કાર્તિક પટેલને બાજુ પર રાખીને મનુ પટેલને સ્ટેન્ડિંગ કમિટીના ચેરમેન ફરજિયાત બનાવવા પડ્યા હોવાની ચર્ચાએ જોર પકડ્યું છે.

હિતલ પારેખ

admin

Recent Posts

10 નવેમ્બર સુધીમાં ઉડાડી દઇશું યૂપીનાં અનેક રેલ્વે સ્ટેશનઃ લશ્કર-એ-તૈયબા

આતંકી સંગઠન લશ્કર-એ-તૈયબાનાં નામથી અંબાલા રેલ્વે સ્ટેશન ડાયરેક્ટરને પત્ર મોકલીને સહારનપુર રેલ્વે સ્ટેશન અને શાકંભરી દેવી મંદિર સહિત યૂપી, હરિયાણાનાં…

55 mins ago

આધાર પર SCનાં ચુકાદાથી વિદ્યાર્થીઓને મોટી રાહત, જાણો શેમાંથી અપાઇ મુક્તિ?

બુધવારનાં રોજ અપાયેલા સુપ્રિમ કોર્ટનાં નિર્ણય અનુસાર CBSE અને NEETની પરીક્ષાઓને માટે હવે આધાર અનિવાર્ય નથી. પરંતુ તમને જણાવી દઇએ…

3 hours ago

રાજકોટમાં ડેકોરા ગ્રૂપ પર IT વિભાગનાં દરોડા, જપ્ત કરાઇ 3 કરોડની રકમ

રાજકોટ: શહેરમાં આઈટી વિભાગે બોલાવેલાં સપાટા બાદ કુલ રૂપિયા 3 કરોડની રોકડ રકમ ઝડપાઈ છે. આઈટી વિભાગે ડેકોરા ગ્રુપ, સ્વાગત…

3 hours ago

સુરતનાં કેબલ બ્રિજનું PM મોદી નહીં કરે લોકાર્પણ, CMને અપાશે આમંત્રિત

સુરતઃ શહેરનો કેબલ બ્રિજ ખુલ્લો મુકવા મામલે પ્રધાનમંત્રી નરેન્દ્ર મોદી હવે આ બ્રિજનું ઓપનિંગ નહીં કરે. 8 વર્ષ પહેલાં શરૂ…

4 hours ago

વડોદરામાં ઉજવાયો 86મો ઇન્ડિયન એરફોર્સ ડે, જવાનોએ બતાવ્યાં વિવિધ કરતબો

વડોદરાઃ શહેરનાં આકાશમાં એરફોર્સનાં જવાનોએ વિવિધ કરતબો કર્યા. આકાશી ઉડાનનાં કરતબો જોઈને વડોદરાવાસીઓ સ્તબ્ધ રહી ગયાં. શહેરમાં 86મો ઇન્ડિયન એરફોર્સ…

5 hours ago

ટ્રમ્પે સંયુક્ત રાષ્ટ્ર મહાસભામાં કરી ભારતની પ્રશંસા, પાકિસ્તાનને આપી ગંભીર ચેતવણી

અમેરિકી રાષ્ટ્રપતિ ડોનાલ્ડ ટ્રમ્પે સંયુક્ત રાષ્ટ્ર મહાસભામાં ભારતની પ્રશંસા કરી છે. ટ્રમ્પે જણાવ્યું કે, ગરીબોને માટે ભારતે અનેક સફળ પ્રયાસો…

5 hours ago