Categories: Gujarat

શિયાળાની શરૂઆતે શાકભાજીના ભાવમાં ભડકો, ભાજી ખોવાઈ

અમદાવાદ: સામાન્ય રીતે શિયાળાની શરૂઆત થતાંની સાથે જ લીલા શાકભાજીથી બજારો ઊભરાય છે. સામાન્ય સિઝનમાં મોંઘાં મળતાં શાકભાજીના ભાવ શિયાળો આવતાં જ અડધા થાય છે. સારું ચોમાસુ વીત્યું હોવા છતાં શાકભાજીના ભાવ ભડકે બળતા ગૃહિણીઓના બજેટ ખોરવાયાં છે. રીંગણ અને દૂધી સિવાયનાં બધાં જ શાકભાજીના ભાવ રૂ.૮૦થી ૧૫૦ સુધી બોલાઈ રહ્યા છે. આ સિઝનમાં મળતી ભાજી હજુ સુધી બજારમાં દેખાઈ રહી નથી. રૂ.૧૦ની પુણી દીઠ મળતી ભાજીના ભાવ રૂ.૩૦ બોલાઈ રહ્યા છે.

દિવાળી પછી ગુલાબી ઠંડીની સાથે જ બજારમાં ઊંધિયાની સામગ્રીના મુખ્ય ગણાતા પાપડી, વાલોળ, વટાણા, તુવેર સહિતના શાકભાજીથી બજારમાં ઊભરાય છે. પરંતુ અત્યારે કોઈ પણ શાક રૂ.૮૦થી નીચે નહીં હોવાના કારણે તહેવાર બાદ ફરી એક
વાર ગૃહિણીઓના બજેટ ખોરવાયાં છે.

વટાણા, પાપડી, વાલોળ અને કંદના ભાવ રૂ.૧૫૦ સુધી પહોંચ્યા છે તો દાળ-શાકમાં વપરાતાં ટામેટાંનો ભાવ રૂ.૫૦ને આંબ્યો છે અને કોથમીર રૂ.૩૦૦ તો લીંબુ પણ રૂ.૧૦૦ના ભાવની હરીફાઈ કરી રહી છે. આ સિઝનમાં મળતી ભાજી પણ અદૃશ્ય છે. અને મળે છે તો પણ ડબલ ભાવે વેચાઈ રહી છે.

હોલસેલ વેપારીઓનું કહેવું છે કે છેલ્લા એક મહિનાથી પડી રહેલી સખત ગરમીના કારણે શાકભાજીની આવકમાં ઘટાડો નોંધાઈ રહ્યો છે.
પાછલી સિઝનમાં થયેલો વરસાદ અને ગરમીના કારણે મહારાષ્ટ્રમાંથી આવતાં શાકભાજીની આવક ૫૦ ટકા ઘટી જતા ભાવો ઘટવાનું નામ લેતા નથી. હજુ પણ આગામી ૧૫ દિવસ સુધી ગૃહિણીઓએ શાકભાજીના ભાવ ઘટવા માટે રાહ જોવી પડશે.

શાકભાજીનું હાલનો બજાર
નામ ભાવ (કિલો)
પરવળ રૂ.૮૦થી ૧૦૦
ફલાવર રૂ.૧૦૦થી ૧૨૦
ટામેટાં રૂ.૫૦થી ૬૦
તુવેર રૂ.૧૨૯થી ૧૪૦
પાપડી રૂ.૧૩૦થી ૧૫૦
ગવાર રૂ.૮૦થી ૧૦૦
રીંગણ રૂ.૪૦થી ૫૦
ભીંડા રૂ.૮૦થી ૧૦૦
તુરિયાં રૂ.૭૦થી ૯૦
કોથમીર રૂ.૨૫૦થી ૩૦૦
ચોરી રૂ.૮૦થી ૯૦
દૂધી રૂ.૬૦
કારેલાં રૂ.૮૦
સરગવો રૂ.૮૦
વટાણા રૂ.૧૬૦થી ૧૮૦
રવૈયાં રૂ.૪૦થી ૫૦
કોબી રૂ.૫૦થી ૬૦
મરચાં રૂ.૭૦થી ૮૦
પાલક રૂ.૮૦થી ૧૦૦
મેથીની ભાજી રૂ.૮૦થી ૧૦૦

divyesh

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

11 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

12 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

12 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

12 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

13 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

13 hours ago