VMCની લાલ આંખ, “વેમ્બે આવાસ” યોજનાનાં મકાનો એકાએક કરાયાં સિલ

વડોદરાઃ શહેરમાં હાઉસીંગનાં મકાનો ભાડે ચઢાવીને ભાડું કમાવવાનો કીમીયો અપાવનારા માલીકોને વડોદરા કોર્પોરેશને સબક શિખવાડવાનું શરૂ કર્યું છે. “વેમ્બે આવાસ” યોજનાનાં મકાનોને મહાનગરપાલિકા દ્રારા સિલ કરવાની કાર્યવાહી શરૂ કરવામાં આવી છે.

વડોદરાનાં દંતેશ્વરમાં વેમ્બે આવાસ યોજનાનાં આ મકાનો આવેલાં છે. જેમાંથી કેટલાક મકાનોને VMCનાં અધિકારીઓ દ્વારા આજે જ સીલ કરવામાં આવ્યાં છે. આ સમગ્ર કિસ્સાની વાત કરીએ તો આ સમગ્ર ઘટના એવી છે કે જ્યારે પોતાનાં હાઉસીંગનાં મકાન બીજાને ભાડે આપીને મકાન માલીકો બીજે રહેવાની વાત કરે છે તે વાત જ્યારે કોર્પોરેશનનાં ધ્યાને આવી.

ત્યારે કોર્પોરેશને આવાસ યોજના પર જઇને કેટલાંક ભાડુઆતોને મકાન ખાલી કરવા માટે પણ કહ્યું અને તાત્કાલિક તેમનાં સામાન અને ઘરવખરી મકાનની બહાર કરી દીધાં અને બાદમાં મકાનને સીલ કરી દીધું.

જેવો જ મકાનનો સામન બહાર ફેંકી દેવાયો કે તુરંત જ લોકો રસ્તા પર. હવે મહાનગરપાલિકાની આ કામગીરીથી આ મુળ મકાન માલીકો દોડતા તો થઇ ગયાં છે પણ સાથે-સાથે જે ભાડુઆતો છે તે પણ ચિંતામાં મૂકાઇ ગયાં છે કે આખરે હવે અમે ક્યાં જઈશું?

હવે જ્યારે આવાસ યોજનાની કાર્યવાહીની અસરથી લોકો રવાના થઇ રહ્યાં છે ત્યારે મકાન માલીકોએ મેળવેલા અત્યાર સુધીનાં ભાડાનું શું? અત્યાર સુધી કેમ તંત્રની નજર આટલાં મોટા આવાસ યોજનામાં રહેતા ભાડુઆતો પર ના પડી.

આજની આ કાર્યવાહી પછી બની શકે કે અહીંથી બધાં જ ભાડુઆતોને ખાલી કરાવીને કોર્પોરેશન પોતાની બહાદુરીની પીઠ થબથબાવે પણ આટલાં લોકોને એકાએક સામાન સાથે બેઘર કરવા એ કેટલું યોગ્ય? અહીં રહેતા તમામે તમામ ભાડુઆતોને જોતાં જ સમજી શકાય છે કે તેઓ છુટક મજુરીથી પોતાનું ગુજરાન ચલાવતા હશે.

જ્યારે અહીં ભાડે રહેવા આવ્યાં હશે એ વખતે તેમને સપનાનાં ઘર જેવું લાગ્યું હશે. એ વાત સાચી છે કે મકાન માલિકે આ રીતે મકાન ભાડે ના આપવા જોઈએ પરંતુ તેની સજા આ ભાડુઆતોને બેઘર થઇને ચુકવવી પડે તે આખરે કેટલું યોગ્ય?

You might also like