Categories: Gujarat

શાકભાજીના ભાવ તળિયે છતાં ઉત્તરાયણમાં તૈયાર ઊંધિયું મોંઘું પડશે

અમદાવાદ: ઉત્તરાયણ પર્વની આડે હવે ગણતરીના દિવસો બાકી રહ્યા છે. સ્વાદ રસિયા અમદાવાદીઓ ઉત્તરાયણમાં ઊંધિયું-જલેબી ખાવાની મોજ માણશે. શાકભાજીના ભાવ ગગડી જતાં ગૃહિણીઓ માટે ઊંધિયું બનાવવું પ૦ ટકા સસ્તું પડશે. જ્યારે તૈયાર ઊંધિયું ખરીદીને ખાનારા સ્વાદ રસિયાઓને કિલો દીઠ રૂ.ર૦થી ૩૦ વધુ ચૂકવવા પડશે. ગત વર્ષે રૂ.ર૪૦ પ્રતિ કિલો વેચાતું ઊંધિયું આ વર્ષે પ્રતિ કિલો રૂ.ર૬૦થી ર૮૦માં વેચાશે. જે ગૃહિણીઓને રૂ.૧પ૦ જેટલી કિંમતે પડશે.

ચાલુ વર્ષે શાકભાજીના ભાવ ભલે ઘટયા હોય છતાં દુકાનોમાં વેચાતા ઊંધિયુંનો ભાવ ગત વર્ષની સરખામણીએ વધ્યો છે. મજૂરી, સિંગતેલ સહિતના ખર્ચને કારણે ભાવ ગત વર્ષની સરખામણીએ નજીવા વધારા સાથેનો હોવાનો મત દુકાનદારો આપી રહ્યા છે. જોકે કેટલાક નાના વેપારીઓ ઊંધિયું રૂ.૧૮૦થી ર૦૦ જેટલી કિંમતે વેચાણના ઓર્ડર બુક કરી રહ્યા છે.

જોકે આ વર્ષે નોટબંધીએ પતંગ બજારનો પેચ કાપ્યો છે. ગત વર્ષના પ્રમાણમાં ઉત્તરાયણ નજીક હોવા છતાં પ૦થી ૬૦ ટકા માલ વેપારીઓ પાસે વેચાણ વગર પડી રહ્યો છે. પતંગ ઉદ્યોગ માટે જાણીતા ખંભાતના વેપારી મનુ ચૂનારાએ કહ્યું હતું કે, “ગત વર્ષે અમારી પાસે જે બિઝનેસ હતો તે માંડ આ વર્ષે ૪૦ ટકા થયો છે. રાજ્યભરના વેપારીઓ ખંભાતમાં પતંગની ખરીદી કરવા આવતા હોય છે. ખંભાતમાં દર વર્ષે ર.પ૦ લાખ પતંગ બને છે. જે આ વર્ષે માત્ર એક લાખ બનાવાયા છે.”

બજારમાં ઊંધિયાનો ભાવ જુદો જુદો હશે. સાદું ઊંધિયું રૂ.ર૬૦થી ૩૦૦ પ્રતિ કિલો, સ્પેશિયલ ઊંધિયું રૂ.ર૬૦થી ૩૬૦ પ્રતિ કિલો, સાદી જલેબી રૂ.૧૮૦થી ર૮૦ પ્રતિ કિલો, શુદ્ધ ઘીની જલેબી રૂ.૩૮૦થી ૪પ૦ પ્રતિ કિલો છે. સ્પેશિયલ ઊંધિયામાં ડ્રાયફ્રૂટ ઉમેરાય છે.

તલ, સિંગ અને મમરાની ચિકીમાં પણ ગત વર્ષની તુલનાએ ૧૦ ટકાનો ભાવ વધારો નોંધાયો છે. રૂ.૧પ૦માં મળતી ચિકીનો ભાવ રૂ.૧૭પથી ૧૮૦ કિલો દીઠ છે, પરંતુ ઉત્તરાયણમાં ખવાતાં બોર સસ્તા થયાં છે. બોરનો ભાવ રૂ.પ૦થી ઘટીને રૂ.૩૦ પ્રતિ કિલો થઇ ગયા છે.

ઊંધિયાના ભાવવધારા અંગે વેપારી મિનેશ દૂધિયાએ જણાવ્યું હતું કે, “આ વર્ષે લેબરના ભાવ વધી ગયા છે. કારીગરો મળતા નથી તેમજ મજૂરી મોંઘી હોવાના કારણે ગત વર્ષની તુલનાએ નજીવો ભાવ વધારો થયો છે.”
http://sambhaavnews.com/

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

11 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

11 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

12 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

12 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

12 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

12 hours ago