દેશનાં દુશ્મન જેવો હાર્દિક સાથે વ્યવહાર, લોકતંત્રમાં સરકારની તાનાશાહીઃ હરીશ રાવત

અમદાવાદઃ હાર્દિક પટેલની ઉપવાસ છાવણી પર આજે ઉત્તરાખંડનાં પૂર્વ મુખ્યપ્રધાન હરીશ રાવતે મુલાકાત લીધી છે. આ મુલાકાત બાદ ઉત્તરાખંડનાં પૂર્વ મુખ્યપ્રધાન હરીશ રાવતે સરકારને આડેહાથ લીધી હતી. આજે હાર્દિક પટેલનાં ઉપવાસનો 18મો દિવસ છે. રાવતે જણાવ્યું હતું કે, લોકતંત્રમાં કેન્દ્ર સરકારની તાનાશાહી જોવાં મળી રહી છે. હાર્દિક પટેલ છેલ્લાં ઘણા લાંબા સમયથી અનામત અને ખેડૂતોનાં દેવા માફી મુદ્દે સંઘર્ષ કરી રહેલ છે.

ત્યારે સરકાર હજી જાણી જોઇને આ મામલે કોઈ જ નિર્ણય નથી કરતી. કારણ કે સરકાર ઈચ્છે છે કે, હાર્દિકની કિડની ખરાબ થાય અને ભવિષ્યમાં તેની સામે અવાજ ના ઉઠાવે. હરિશ રાવતની સાથે ગુજરાત પ્રદેશ કોંગ્રેસનાં ધારાસભ્યો પણ જોવાં મળ્યાં હતાં. હરીશ રાવતે હાર્દિકનાં વખાણ કરતા જણાવ્યું હતું કે, હાર્દિક જેવાં યુવાનોની દેશને જરૂર છે. હું હાર્દિકને પારણાં કરવાની અપીલ કરું છું. તો ખેડૂતોનાં દેવાં માફી મુદ્દે હરીશ રાવતે જણાવ્યું હતું કે, કોંગ્રેસે ખેડૂતોનાં દેવા માફ કર્યા છે. પંજાબ અને કર્ણાટકમાં પણ દેવા માફી કરવામાં આવી છે.

ઉપવાસને લઇને તેને પારણાં કરવા માટે હરીશ રાવતે સમજાવ્યો હતો. વીટીવી સાથે થયેલી વાતચીતમાં તેઓએ કહ્યું કે, જો જીવીશું તો લડી શકીશું. આ સરકાર લોકતંત્રનું હનન કરી રહી છે. અમે લોકતંત્રને બચાવવા પ્રયાસ કરીશું.

હાર્દિક સાથેની મુલાકાત બાદ ઉત્તરાખંડનાં પૂર્વ CM રાવતે પ્રેસ કોન્ફરન્સ પણ યોજી હતી. જેમાં તેઓએ જણાવ્યું કે, કેન્દ્ર સરકારની તાનાશાહી લોકતંત્રમાં જોવાં મળી રહી છે. હાર્દિક પટેલ ઘણા લાંબા સમયથી સંઘર્ષ કરે છે. કોંગ્રેસ પાર્ટીએ દેશનાં ખેડૂતો માટે દેવા માફીની માગ કરી છે.

રાજ્ય સરકાર પર આરોપ લગાવતાં તેઓએ કહ્યું કે, હાર્દિકની કિડની પર પણ અસર થાય તેવી રાજ્ય સરકારની ઇચ્છા છે. સરકાર જાણી જોઇને કોઇ જ પગલાં ભરતી નથી. જાણે કે દેશનાં દુશ્મન હોય તેવો વ્યવહાર હાર્દિક સાથે થાય છે. હાર્દિક દેશનો સૌથી મોટો દુશ્મન હોય તેવો છાવણીમાં માહોલ જોવાં મળી રહ્યો છે. આંદોલન કરવાથી કોઇને રોકી ન શકાય. હાર્દિકનું જીવન લોકતંત્ર માટે જરૂરી છે.

Dhruv Brahmbhatt

Recent Posts

અહીં મળશે બેસ્ટ ક્વોલિટીવાળા જેકેટ એ પણ માત્ર રૂ.180માં, આ છે દુનિયાનું સૌથી સસ્તું માર્કેટ

હવે સમગ્ર દેશભરમાં ઠંડીની ઋતુ એવી શિયાળાની શરૂઆત થઇ ગઇ છે. ત્યારે ધીમે-ધીમે સવાર-સાંજનાં તાપમાનમાં પણ ઘટાડો થવા લાગ્યો છે.…

8 hours ago

PM મોદીએ વારાણસીને અર્પણ કરી કરોડોની ભેટ, કહ્યું,”દેશે જે સપનું જોયું તે સાકાર થયું”

પ્રધાનમંત્રી નરેન્દ્ર મોદી આજે વારાણસીની મુલાકાતે છે. ત્યારે પ્રધાનમંત્રી નરેન્દ્ર મોદીએ પોતાનાં સંસદીય ક્ષેત્રમાં 2413 કરોડ રૂપિયાની પરિયોજનાઓનું લોકાર્પણ-શિલાન્યાસ કર્યો.…

9 hours ago

આ છે એવાં શાનદાર કપલ ટેટૂ, જે બન્યાં છે એકબીજાનાં પ્રેમની નિશાની માટે

ન્યૂ દિલ્હીઃ "કપલ ટેટૂ" ખાસ તરીકે તેવાં લોકો માટે છે કે જે કાં તો કોઇ રિલેશનશિપમાં હોય અથવા તો પૂરી…

10 hours ago

અરે આ શું! જાડેજાનો મેન ઓફ ધ મેચ પુરસ્કાર મળી આવ્યો કચરામાંથી!

ક્રિકેટ મેચ નિહાળતી વખતે તમે જોયું હશે કે મેચ પૂરી થયા બાદ જ્યારે પણ કોઈ ખેલાડીને કોઈ પુરસ્કાર આપવામાં આવે…

11 hours ago

રિવરફ્રન્ટનાં પૂર્વ છેડા પરનાં દધિચી બ્રિજની નીચે બનાવાશે ફૂડ કોર્ટ

અમદાવાદઃ મ્યુનિસિપલ સત્તાવાળાઓ દ્વારા કરોડો રૂપિયાના ખર્ચે સાબરમતી રિવરફ્રન્ટને નયનરમ્ય બનાવાયા બાદ સહેલાઈઓ માટે એક પછી એક નવી સુવિધાઓ ઉભી…

11 hours ago

રૂ.1.50 લાખમાં મકાન વેચાણ નહીં આપતાં પાડોશીએ આધેડનું ઢીમ ઢાળ્યું

વડોદરાઃ આજવા રોડ પર આવેલ એકતાનગરમાં મકાન વેચાણમાં લેવાના મામલે એક આધેડને પાઇપના ફટકા મારીને મોતને ઘાટ ઉતારી દેતાં સમગ્ર…

11 hours ago