Categories: India

ઉસેન બોલ્ટ ‌બીફ ખાઇને નવ ગોલ્ડ મેડલ જીત્યોઃ ‌ઉદિત રાજ

નવી દિલ્હી: ઉત્તર-પશ્ચિમ દિલ્હીના ભાજપના સાંસદ અને પક્ષના સૌથી મોટા દલિત ચહેરા ઉદિત રાજે ઓલિમ્પિકમાં નવ ગોલ્ડમેડલ જીતનાર જમૈકાના દોડવીર ઉસેન બોલ્ટ અંગે એક નિવેદન કરીને વિવાદનો મધપૂડો છંછેડયો છે. ઉદિત રાજે ટ્વિટ કર્યું છે કે ઉસેન બોલ્ટ બીફ ખાઇને નવ ગોલ્ડ મેડલ જીત્યો છે.
ઉદિત રાજે જણાવ્યું છે કે બોલ્ટ ગરીબ હતો અને તેના ટ્રેનરે તેને બે વખત બીફ ખાવાની સલાહ આપી હતી અને બીફ ખાઇને તેને ગોલ્ડ મેડલ જીતવામાં સફળતા મળી છે. બીફ ખાનારા ભારતીયોનું સમર્થન કરતાં ઉદિત રાજે જણાવ્યું છે કે ભાજપે કયારેય એવું કહ્યું નથી કે કોઇ ચીજવસ્તુ ખાવી ન જોઇએ.

ઉદિત રાજના આ નિવેદનની સખત શબ્દોમાં ઝાટકણી કાઢતાં કોંગ્રેસ નેતા ટોમ વડક્કને ઉદિત રાજને આડે હાથ લેતાં જણાવ્યું હતું કે ભાજપે ખાનપાનની આદતોને લઇને લોકોમાં ભાગલા પડાવવાની કોશિશ કરવી જોઇએ નહીં. તેમણે પૂછયું હતું કે ઉદિત રાજને કેવી રીતે ખબર પડી કે ઉસેન બોલ્ટ બીફ ખાય છે? શું ઉદિત રાજ ઉસેન બોલ્ટના રસોઈયા હતા? તેમણે એવું પણ જણાવ્યું છે કે ઉદિત રાજે ઉત્તરપ્રદેશની ચૂંટણી પૂર્વે આવું નિવેદન કર્યું એ બતાવે છે કે તેમની નજર દલિતના મતો પર છે.

શરદ પવારના પક્ષ એનસીપીએ પણ આ નિવેદન બદલ ઉદિત રાજની ટીકા કરી હતી. એનસીપીના નેતા માજિદ મેમણે જણાવ્યું હતું કે ‌ઉદિત રાજે એવું કોઇ નિવેદન કરવું જોઇતું નહોતું કારણ કે કોઇ પણ ખેલાડી માત્ર બીફ ખાવાથી નવ ગોલ્ડ મેડલ જીતી શકતો નથી. તેમણે જણાવ્યું હતું કે આપણો દેશ રિયો ઓલિ‌મ્પિક એક પણ ગોલ્ડ મેડલ લાવી શકયો નથી.

Navin Sharma

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

9 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

9 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

9 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

10 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

10 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

10 hours ago