US નેવીનું જહાજ સિંગાપોર પાસે અન્ય શિપ સાથે ટકરાતાં ૧૦ નૌ સૈનિક લાપતા

સિંગાપોર: અમેરિકાનું એક વોરશિપ અાજે ઇસ્ટ સિંગાપોર પાસે એક માલવાહક જહાજ સાથે ટકરાઈ ગયું છે. અા ઘટનામાં પાંચ ક્રૂ મેમ્બર ઘાયલ થયા છે અને ૧૦ લાપતા છે. અમેરિકી નેવી તરફથી અા જાણકારી અાપવામાં અાવી છે. અમેરિકી વોરશિપ અકસ્માતનો શિકાર થયું તેવી બે મહિનામાં અા બીજી ઘટના છે. અા વર્ષની અા ચોથી ઘટના છે જ્યારે અમેરિકી જહાજ દુર્ઘટનાનો શિકાર બન્યું હોય. અા પહેલાં ૧૭ જૂનના રોજ અમેરિકી નેવીનું જહાજ યુઅેસ ફિટ્જગેરાલ્ડ જાપાન પાસે એક માલવાહક જહાજને ટકરાયું હતું.

અા ઘટનામાં બે સૈનિકો મૃત્યુ પામ્યા હતા. અમેરિકી નેવીઅે જણાવ્યું કે સ્ટેટ્સ અોફ મલક્કામાં ગાઈડેડ મિસાઈલ ડિસ્ટ્રોયર યુઅેસઅેસ ઝોનની અા ટક્કર એલ્નીક એમસી સાથે થઈ હતી. શરૂઅાતની તપાસમાં જાણવા મળ્યું કે ઝોન એસ. મેક્કેનના પાછલા ભાગને નુકસાન પહોંચ્યું છે. નેવીના જણાવ્યા મુજબ અા દુર્ઘટના બાદ રાહત અને બચાવ કાર્ય શરૂ કરી દેવાયું છે.
અા દુર્ઘટનાથી મોટા નુકસાનની શક્યતા છે. નિવેદનમાં કહેવાયું છે કે નુકસાન અને સ્ટાફના ઘાયલ થવાની જાણકારી મેળવવામાં અાવી રહી છે. નેવીના જણાવ્યા મુજબ શિપ સિંગાપોર કોર્ટની પોતાની રૂટિન ટ્રિપ પર હતું. અમેરિકી સેનેટર જ્હોન મેક્કેને ટ્વિટ કર્યું કે તેઅો અને તેમનાં પત્ની શિપ પર રહેલા લોકોની સલામતી માટે પ્રાર્થના કરી રહ્યાં છે.

તેમણે રેસ્ક્યૂ અોપરેશનનાં પણ વખાણ કર્યાં છે. રેસ્ક્યૂ અોપરેશનમાં ટગ બોટ્સ, હેલિકોપ્ટર, પોલીસ કોસ્ટગાર્ડ અને જહાજ તેમજ અમેરિકી એરક્રાફ્ટ પણ લગાવાયાં છે. અમેરિકી નેવીના નિવેદનમાં જણાવાયું છે કે અા ઘટના ભારતીય સમય મુજબ સવારે ત્રણ વાગ્યે બની.

ઉલ્લેખનીય છે કે ૧૬ જૂનના રોજ અમેરિકી નેવીનું વોરશિપ યુઅેસ ફિટ્જગેરાલ્ડ જાપાનમાં યોકોસુકાનના સાઉથ વેસ્ટમાં ફિલિપાઈન્સના એક કાર્ગો સાથે ટકરાઈ ગયું હતું.

You might also like