UP ચુંટણી LIVE: 15 જિલ્લાની 73 સિટો માટે વોટિંગ શરૂ, 839 ઉમેદવાર મેદાનમાં

લખનઉઃ ઉત્તરપ્રદેશ વિધાનસભા ચૂંટણીના પ્રથમ તબક્કાનું મતદાન શનિવારે સવારથી શરૂ થઇ ગયું છે. શાંતિપૂર્ણ મતદાન માટે પ્રસાશન તરફથી તૈયારી કરવામાં આવી છે. કેટલાક સંવેદનશીલ બુથ પર વીડિયોગ્રાફીની વ્યવસ્થા પણ કરવામાં આવી છે. પહેલા ચરણમાં પશ્ચિમી ઉત્તર પ્રદેશના 15 જિલ્લાની 73 વિધાનસભા સીટો પર સવારથી વોટિંગ શરૂ થઇ ગયું છે.


મથુરાના બીજેપી ઉમેદવાર શ્રીકાંત શર્માએ વોટિંગ કર્યું છે. બાગપતના બારોતમાં વોટિંગ કરવા આવનાર લોકોને ગુલાબ આપવામાં આવી રહ્યાં છે. આ બધાની વચ્ચે કેટલીક જગ્યા પર ઇવીએમ મશીન ખરાબ હોવાના સમાચાર પણ સામે આવ્યાં છે. મથુરાના ગોવર્ધન વિસ્તારમાં બુથ નંબર 42, બાગપથની બુથ નંબર 119 અને 120 તથા હાપુડના ફ્રી ગંજ રોડ બુથ નંબર 110 પર ઇવીએમ મશીન ખરાબ હોવાને કારણે વોટિંગ શરૂ કરી શકાયું નથી. આ ઉપરાંત આગરામાં હોમ સાયન્સ ઇન્સ્ટિટ્યુટ પોલિંગ સ્ટેશન પર બુથ નંબર 184માં લાઇટ ન હોવાને કારણે વોટિંગમાં સમસ્યા આવી રહી છે.

બુથમાં નાના બલ્બ હોવાને કારણે સમગ્ર રૂમમાં અંધારૂ છે. તેવામાં વોટિંગ લિસ્ટમાં મતદાતાઓને ઉમેદવારની ઓળખ કરવામાં મુશ્કેલી પડી રહી છે. એક તરફ બુથ પર વોટિંગ માટે લાઇનો લાગી છે. તો બીજી તરફ વિવિધ પક્ષના ઉમેદવારો મંદિરમાં જઇને પૂજા કરી રહ્યાં છે. મેરઠના બીજેપી પ્રત્યાક્ષી લક્ષ્મીકાંત વાજપઇ પરિવાર સાથે સવારે મંદિરમાં પૂજા કરવા ગયા હતા. આજે 839 ઉમેદવારો ચૂંટણીના મેદાનમાં છે. જેમાં 77 મહિલાઓ પણ છે. સુરક્ષાને લઇને અહીં ચુસ્ત બંદોબસ્ત કરવામાં આવ્યો છે.

http://sambhaavnews.com/

You might also like