Categories: Gujarat

શહેરના હેરિટેજ સ્મારકોને કાયમી ધોરણે હવે દબાણમુક્ત રખાશે

અમદાવાદ: અમદાવાદનો ૬૦૦થી વધુ વર્ષ જૂનો ભવ્ય ઇતિહાસ હોઇ આપણું શહેર મંદિર, મસ્જિદ અને જિનાલયોથી શોભી રહ્યું છે. કોટ વિસ્તારની પોળોનાં પરંપરાગત મકાનો, ચોરા, ચબૂતરા, વાવોથી શહેર સમૃદ્ધ બન્યું છે. યુનેસ્કોમાં દેશનું પ્રથમ વર્લ્ડ હેરિટેજ સિટી બનવાનો અમદાવાદે દાવો નોંધાવ્યા બાદ નાગરિકોમાં શહેરની ઐતિહાસિક ધરોહર પ્રત્યેની લાગણીમાં ઉલ્લેખનીય વૃદ્ધિ થઇ છે. ખુદ કોર્પોરેશન પણ હેરિટેજ સ્મારકોનાં કાયમી જતન માટે ગંભીર બન્યું છે. કમિશનર મૂકેશકુમારના આદેશથી તંત્રએ આ અંગે ખાસ મેનેજમેન્ટ પ્લાન બનાવવાની દિશામાં ચક્રો ગતિમાન કરી દીધાં છે.

શહેરનાં ઐતિહાસિક સ્થાપત્યો પ્રત્યેક શહેરની શાન છે. પરંતુ રાજાનો હજીરો, રાણીનો હજીરો, ભદ્ર વિસ્તાર જેવાં અનેક સ્થાપત્યો દબાણગ્રસ્ત છે. અમદાવાદના વર્લ્ડ હેરિટેજ સિટીના દાવાના સંદર્ભમાં ગત તા.ર૭ સપ્ટે., ર૦૧૬એ યુનેસ્કોની ટીમે શહેરની મુલાકાત લીધી હતી. યુનેસ્કોની ટીમે સતત ત્રણ દિવસ સુધી શહેરના હેરિટેજ સ્મારકોનું નિરિક્ષણ કર્યું હતું.

મ્યુનિ. સત્તાવાળાઓએ પુરાતત્ત્વ વિભાગ સહિતના અન્ય સરકારી વિભાગોના સહકારથી ભદ્ર પ્લાઝા સહિતના ઐતિહાસિક સ્થાપત્યો ફરતેનાં દબાણો હટાવ્યાં હતાં. યુનેસ્કોની ટીમની અમદાવાદ મુલાકાત દરમ્યાન આ તમામ ઐતિહાસિક સ્થાપત્યો કામચલાઉ દબાણમુક્ત બન્યાં હતાં ! જોકે યુનેસ્કોની ટીમ પરત ફરતાંની સાથે ફરીથી દબાણો યથાવત થઇ ગયાં છે !

જોકે કમિશનર મૂકેશકુમારે શહેરના હેરિટેજ વારસાનાં કાયમી જતન માટે તંત્રને આદેશ આપ્યો છે. કમિશનરના આદેશના પગલે હેરિટેજ વિભાગના ઉચ્ચ અધિકારીઓએ ‘મેનેજમેન્ટ પ્લાન’ બનાવવાની દિશામાં કવાયત આરંભી દીધી છે. તાજેતરમાં જ સેવા નિવૃત્ત થયેલા એક ડેપ્યુટી મ્યુનિ. કમિશનરને હેરિટેજ વિભાગના ઓફિસર ઓન સ્પેેશિયલ ડ્યૂટીની જવાબદારી સોંપાઇ છે. આ ઉચ્ચ અધિકારી ‘મેનેજમેન્ટ પ્લાન’ ઘડી રહ્યા છે.

મ્યુનિ. સત્તાવાળા દ્વારા હેરિટેજ સ્મારકોને કાયમી દબાણમુક્ત કરવા માટે એક વિશેષ ટીમનું ગઠન કરવામાં આવશે. આ વિશેષ ટીમને ફક્ત અને ફક્ત હેરિટેજ સ્મારકોની અંદરનાં કે આસપાસનાં દબાણોને ખસેડવાની કામગીરી સોંપાશે.  દરમ્યાન યુનેસ્કોની ટીમ સપ્ટેમ્બરના અંતમાં અમદાવાદનો ત્રણ દિવસનો પ્રવાસ ખેડી ચૂક્યા બાદ ફરી આગામી ફેબ્રુઆરી, ર૦૧૭માં અમદાવાદ આવી રહી છે. હેરિટેજ વિભાગના ટોચનાં સૂત્રોનાં જણાવ્યા મુજબ, યુનેસ્કોમાં અમદાવાદના વર્લ્ડ હેરિટેજ સિટીના દાવાના જ સંદર્ભમાં યુનેસ્કોની ટીમ ફરી અમદાવાદની મુલાકાત લેવાની છે. યુનેેસ્કોની પહેલી મુલાકાત પાછળ મ્યુનિ. તિજોરીમાંથી આશરે રૂ.પપ લાખ ખર્ચાયા હતા. હવે આગામી બીજી મુલાકાત પણ કોર્પોરેશન માટે ખર્ચાળ પુરવાર થશે. જોકે યુનેસ્કોમાં અમદાવાદના દેશના પ્રથમ વર્લ્ડ હેરીટેજ સિટીના દાવાની માન્યતા અંગે તો જુલાઇ, ર૦૧૭માં નિર્ણય લેવાશે.

divyesh

Recent Posts

Whatsapp પર કોઇ બ્લોક કરે તો પણ કરી શકશો મેસેજ, બસ અપનાવો આ ટ્રિક

વોટ્સએપ આજે દુનિયાની સૌથી મોટી ઇસ્ટેંટ મેસેજિંગ એપ છે. વોટ્સએપનાં માત્ર ભારતમાં જ 20 કરોડથી પણ વધારે યૂઝર્સ છે. વોટ્સએપ…

5 hours ago

J&K: બાંદીપોરામાં આતંકીઓ અને સુરક્ષાદળો વચ્ચે અથડામણ શરૂ, 5 આતંકીઓનો ખાત્મો

જમ્મુ-કશ્મીરઃ સેના અને આતંકીઓ વચ્ચે ઉત્તરી કશ્મીરનાં બાંદીપોરામાં ગુરૂવારનાં રોજ બપોરથી સતત ચાલી રહેલી અથડામણમાં અત્યાર સુધીમાં 5 આતંકીઓ ઠાર…

6 hours ago

અમદાવાદમાં 22-23 સપ્ટે.નાં રોજ યોજાશે દેશની પ્રથમ “દિવ્યાંગ વાહન રેલી”

અમદાવાદઃ વિશ્વમાં પ્રથમ વખત દિવ્યાંગ વાહન રેલી યોજવામાં આવશે. શનિવારે અમદાવાદ અંધજન મંડળ વસ્ત્રાપુરથી સવારે આ રેલી 7.30 કલાકે શરૂ…

6 hours ago

UGCનો દેશની યુનિવર્સિટીઓને આદેશ, 29 સપ્ટે.નાં રોજ ‘સર્જિકલ સ્ટ્રાઇક ડે’ની કરાશે ઉજવણી

UGCએ એક પરિપત્ર જાહેર કર્યો છે. જેમાં દેશભરની તમામ યુનિવર્સિટીઓને 29 સપ્ટેમ્બરનાં રોજ 'સર્જિકલ સ્ટ્રાઈક દિવસ' મનાવવાનું ફરમાન જાહેર કર્યું…

7 hours ago

‘યુનાઇટેડ વૅ ઑફ બરોડા’નાં આયોજકો દ્વારા ગરબાની ફીમાં વધારો, ખેલૈયાઓનો ઉગ્ર વિરોધ

વડોદરાઃ શહેરમાં ગરબાનાં આયોજકો દ્વારા ફીમાં વધારો કરવામાં આવ્યો છે. "યુનાઈટેડ વે ઓફ બરોડા"નાં આયોજકો દ્વારા ગરબાની ફીમાં એકાએક વધારો…

7 hours ago

ગુજરાતનો વિકાસ ના થયો હોય તો હું, નહીં તો રાહુલ છોડી દે રાજકારણ: નીતિન પટેલ

બનાસકાંઠાઃ નાયબ મુખ્યમંત્રી નીતિન પટેલે રાહુલ ગાંધીને આ વખતે રાજકારણને લઇ ખુલ્લો પડકાર ફેંક્યો છે. ગુજરાતનાં વિકાસ મુદ્દે રાહુલ ગાંધીને…

9 hours ago