Categories: India

બાંદીપુરા: અથડામણમાં એક જવાન શહીદઃ બે ત્રાસવાદી ઠાર

જમ્મુ: જમ્મુ-કાશ્મીરમાં આજે સવારે બે વિસ્તારમાં આતંકીઓ અને સુરક્ષાદળો વચ્ચે થયેલી અથડામણમાં એક ભારતીય જવાન શહીદ થયો છે, જ્યારે સેનાના ફાયરિંગમાં બે આતંકી ઠાર થયા છે. સૂત્રોના જણાવ્યા અનુસાર હાલમાં પણ સોપારા અને બાંદીપુરા જિલ્લામાં આતંકીઓ અને સુરક્ષાદળો વચ્ચે સામસામે ફાયરિંગ ચાલુ છે.

દરમિયાન ગઈ કાલે મોડી સાંજે હંદવાડામાં એક પોલીસમથક પર આતંકીઓએ હુમલો કર્યો હતો. હંદવાડાના ક્રલગુંગ વિસ્તારમાં પોલીસમથક પાસે ફાયરિંગ કરીને આતંકીઓ ફરાર થઈ ગયા હતા. આ ઘટના બાદ સુરક્ષા દળોએ સમગ્ર વિસ્તારને ઘેરી લીધો હતો અને આતંકીઓની શોધખોળ શરૂ કરી હતી. બુધવારે ભારતીય સેનાએ પાકિસ્તાન સામે કરેલી કાર્યવાહીમાં પાકિસ્તાની સેનાના એક અધિકારી સહિત બે જવાન માર્યા ગયા હતા.

ગુપ્તચર વિભાગના અહેવાલ મુજબ પાકિસ્તાને ભારત સામે બદલો લેવાની ભાવનાથી હજુ પણ મોટા હુમલા કરવાની તૈયારી કરી હોવાનું જાણવા મળે છે. અને તેને ધ્યાનમાં લઈને સરહદ અને જમ્મુ-કાશ્મીર સહિત ભારતના અન્ય શહેરોમાં હુમલો થવાની દહેશત ગુપ્તચર વિભાગે વ્યકત કરી છે. તેથી સુરક્ષા દળોને એલર્ટ રહેવા આદેશ આપવામાં આવ્યો છે.

ગઈ કાલે રાતે બાંદીપુરા વિસ્તારમાં બે આતંકીઓ છુપાયા હોવાની માહિતી મળી હતી. એવું જાણવા મળે છે કે આતંકીઓ અંતરિયાળ વિસ્તારમાં છુપાઈ ગયા હતા. તેથી સુરક્ષાદળોએ આ સમગ્ર વિસ્તારને ઘેરી લઈ સર્ચ ઓપરેશન હાથ ધર્યું હતું અને સીઆરપીએફ અને પોલીસના જવાનોએ પણ આતંકીઓનો સામનો કર્યો હતો.

divyesh

Recent Posts

ક્રૂડમાં ઉછાળોઃ એક લિટર પેટ્રોલ રૂ. 100માં ખરીદવા તૈયાર રહો

નવી દિલ્હી: પેટ્રોલ અને ડીઝલની વધતી જતી કિંમતથી જો તમે પરેશાન હો તો હજુ પણ વધુ પરેશાની સહન કરવા તૈયાર…

4 mins ago

શાકભાજીમાં બેફામ નફાખોરીઃ હોલસેલ કરતાં છૂટક ભાવ ચાર ગણા વધારે

અમદાવાદ: ચોમાસાના વરસાદ બાદ નવાં શાકભાજીની આવકમાં વધારો થયો છે, પરંતુ પાણીના મૂલે માર્કેટયાર્ડમાં હોલસેલમાં હરાજીમાં વેચાતાં શાકભાજી બજારમાં આવતાં…

34 mins ago

પાણીજન્ય રોગચાળાના ભરડા વચ્ચે પાણીના નમૂૂના લેવાની કામગીરી ઠપ

અમદાવાદ: શહેરીજનોમાં પાણીજન્ય રોગચાળા ઝાડા-ઊલટી, કમળો, ટાઇફોઇડ અને કોલેરાના કેસ સતત વધી રહ્યા હોઇ ભયનો માહોલ ફેલાયો છે. તંત્ર પણ…

44 mins ago

બુટલેગરના ઘરમાં બોમ્બ-હથિયાર મૂકવા મામલે શકમંદના SDS ટેસ્ટ થશે

અમદાવાદ: રથયાત્રાના આગલા દિવસે રાજપુર ટોલનાકા પાસે રહેતા લિસ્ટેડ બુટલેગર રફીક સંધી ઉર્ફે ગુડ્ડુ હવાલદારના ઘરના ધાબા પરથી મળી આવેલા…

47 mins ago

સાબરમતી સેન્ટ્રલ જેલમાં કેદીએ અન્ય કેદી પર હુમલો કર્યો

અમદાવાદ: સાબરમતી સેન્ટ્રલ જેલમાં એક કેદીએ બીજા કેદી પર હુમલો કર્યો હોવાની ઘટના બહાર આવી છે. ઇજાગ્રસ્ત કેદીને સારવાર માટે…

57 mins ago

સ્કૂલના સંચાલકે IOCની પાઈપ પંચર કરી ઓઈલ ચોરી શરૂ કરી

અમદાવાદ: અમદાવાદ જિલ્લામાંથી પસાર થતી સલાયા-મથુરાની ઈન્ડિયન ઓઈલ કોર્પોરેશનની પાઈપલાઈનમાં પંચર કરી અન્ય પાઈપલાઈન જોડી અને ઓઈલ ચોરીનું કૌભાંડ સામે…

1 hour ago