Categories: World

તુર્કીમાં પ્રચંડ કાર બોમ્બ વિસ્ફોટમાં ત્રણનાં મોત, ૪૦થી વધુ ઘાયલ

ઈસ્તંબુલ: ઈરાનની સરહદ નજીક તુર્કીના પૂર્વીય વાન પ્રાંતમાં એક પોલીસ સ્ટેશન નજીક પ્રચંડ કાર બોમ્બ વિસ્ફોટ થતાં ત્રણ નાગરિકોનાં મોત થયાં હતાં અને ઓછામાં ઓછા ૪૦ લોકો ઘવાયા હતા. ઘવાયેલા ૪૦ લોકોમાં બે પોલીસ અધિકારીઓનો પણ સમાવેશ થાય છે.

સ્ટેટ બ્રોડકાસ્ટર ટીઆરટીએ સ્થાનિક ગવર્નરે ટાકીને જણાવ્યું હતું કે પ્રચંડ કાર બોમ્બ વિસ્ફોટને કારણે ભારે અફરાતફરી મચી ગઈ હતી અને પોલીસ તેમજ એમ્બ્યુલન્સ સ્થળ પર તાત્કાલિક ઘસી જતી જોવા મળી હતી. આ કાર બોમ્બ વિસ્ફોટ દ્વારા પોલીસ સ્ટેશનને નિશાન બનાવવામાં આવ્યું હતું. સેન્ટ્રલ આઈપેક્યોલુ જિલ્લામાં આવેલ આઈકેઆઈ નિશાન પોલીસ સ્ટેશનને ઉડાવી દેવાની આ સાજિશ હતી. આ પોલીસ સ્ટેશન પોલીસ બેરેક તરીકે પણ કામ કરે છે.

આ પ્રચંડ કાર બોમ્બ વિસ્ફોટ પાછળ કોનો હાથ છે તે તાત્કાલિક જાણી શકાયું નથી, પરંતુ સામાન્યતઃ પ્રતિબંધિત કુર્દિસ્તાન વર્કસ પાર્ટી (પીકેકે) અવારનવાર કાર બોમ્બથી પોલીસ સ્ટેશન અને અન્ય સુરક્ષા દળોની ચોકીને નિશાન બનાવે છે.

પીકેકેએ જુલાઈ ૨૦૧૫માં તુર્કી સરકાર સાથે અઢી વર્ષના એક પક્ષીય યુદ્ધ વિરામનો ભંગ કર્યો છે અને પોતાની સશસ્ત્ર પ્રવૃત્તિઓ ચાલુ કરી છે જેના પગલે નાગરિકોને નિશાન બનાવવામાં આવે છે. પીકેકેના હુમલાઓમાં અત્યાર સુધીમાં સેંકડો પોલીસ અને લશ્કરી અધિકારીઓ તેમજ નાગરિકોના મોત થયાં છે.

બીજી બાજુ તુર્કી લશ્કર જ્યાં પીકેકેના વરિષ્ઠ કાર્યકરોનું વડુ મથક આવેલું છે તે ઉત્તરીય ઈરાકના પર્વતાળ પ્રદેશો તેમજ તુર્કીમાં તેમની વિરુદ્ધ અભિયાન હાથ ધરી રહી છે. ઉત્તરીય ઈરાક તેમજ દક્ષિણ પૂર્વ અને પૂર્વીય તુર્કીમાં કરવામાં આવેલા હવાઈ હુમલામાં અત્યાર સુધીમાં હજારો ત્રાસવાદીઓ માર્યા ગયા છે.

અમેરિકા, યુરોપિયન સંઘ અને તુર્કી દ્વારા પીકેકેને ત્રાસવાદી સંગઠન તરીકે ઓળખવામાં આવે છે. આ સંગઠનની ૧૯૭૮માં રચના થઈ હતી. આ સંગઠન ૨૦૦૦ના પ્રારંભ સુધી સ્વતંત્ર કુર્દીસ્તાનની માગણીના સમર્થનમાં તુર્કી સરકાર સામે લડી રહ્યું હતું. ત્યાર બાદ આ સંગઠને તુર્કીના કુર્દિશ વર્ચસ્વ ધરાવતા વિસ્તારોમાં સ્વાયત્તતા માટેની ઝુંબેશ શરૂ કરી છે.

આ કાર બોમ્બ વિસ્ફોટ અંગે માહિતી આપતા તુર્કીના વડા પ્રધાન બીનાલી યીલદીરીમે લાઈવ ટેલિવિઝન પર જણાવ્યું હતું કે વાનમાં એક પોલીસ સ્ટેશન પર હુમલો થયો છે.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

1 day ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

1 day ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

1 day ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

1 day ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

1 day ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

1 day ago