પાકિસ્તાન બોર્ડર પર લાગેલ ત્રિરંગાને નાનો કરશે ભારત : જાણો કારણ

નવી દિલ્હી : દેશની આન બાન અને શાન ગણાતો ત્રિરંગો થોડા દિવસ પહેલા જ અટારી બોર્ડ પર લગાવવામાં આવ્યો હતો. જો કે સૌથી ઉંચા ત્રિરંગાને હવે થોડો નીચો કરવો પડી શકે છે. જો કે તેના કારણે કોઇ દુશ્મન કે પાડોશી દેશ પાકિસ્તાન નથી. પરંતુ તેનું કારણ હવા છે. જે પોતાની પુરી તાકાતથી આ ત્રિરંગાને નુકસાન પહોંચાડે છે. ઝડપી હવાનાં કારણે દેશનો ઝંડો ઘણી વખત ફાટી ચુક્યો છે. ત્યાર બાદ અધિકારીઓએ તેને નીચો કરવાનો નિર્ણ લીધો છે.

આ ત્રિરંગો 120 ફૂટ લાંબો અને 80 મીટર પહોળો છે. ઝંડાના પોલનું વજન 55 ટન છે અને તેનાં નિર્માણ પર 3.5 કરોડ રૂપિયાનો ખર્ચ કરવામાં આવ્યો છે. કહેવાય છે કે 355 ફુટ ઉંચો આ ઝંડો લાહોરથી પણ જોઇ શકાય છે. અમૃતસર સુધાર ટ્રસ્ટ આ ઝંડાને 72 ફીટથી 48 ફૂટ કરવા માંગે છે. નાના ઝંડાનું વઝન ઓછુ થશે અને તેની કિંમત પણ ઓછી થશે. પહેલા જે ઝંડો લાગ્યો હતો તેનું વજન 100 કિલોથી વધારે હતો અને તેની કિંમત 1 લાખથી વધારે હતી. ફ્લેગ કોડ ઓફ ઇન્ડિયાનાં અનુસાર ઝંડાની લંબાઇ 3 : 2 રાખવાની હોય છે.

આ ધ્વજને સ્થાપિત કર્યે એક મહિના કરતા પણ ઓછો સમય થયો છે. 1.25 લાખનાં આ ઝંડાને ત્રણ વખત બદલવામાં આવી ચુક્યો છે. ઝડપી હવાનાં કારણે આ ઝંડો વારંવાર ફાટી જાય છે. સમાચારો અનુસાર જ્યારે આ રાષ્ટ્રીય ધ્વજ ચોથીવાર ફાટ્યો ત્યારે રફૂ કરીને તેને બીજીવખત ફરકાવવામાં આવ્યો હતો. આ ત્રિરંગો 5 માર્ચે તત્કાલીન મંત્રી અનિલ જોશીએ ફરકાવ્યો હતો.

You might also like