મેરઠ બાદ આજે સવારે દિલ્હી-એનસીઆરમાં ભૂકંપના આંચકા

નવી દિલ્હી: ઉત્તર પ્રદેશના મેરઠ જિલ્લા બાદ દિલ્હી સહિત સમગ્ર એનસીઆર રિજિયનમાં ભૂકંપના આંચકા અનુભવાયા છે. આજે સવારે ૬.ર૮ કલાકે ભૂકંપના આંચકા અનુભવાતાં લોકોમાં અફરાતફરી મચી ગઇ હતી. લોકો વહેલી સવારે મીઠી નીંદર માણી રહ્યા હતા ત્યારે ઊંઘમાંથી સફાળા જાગીને ઘરની બહાર રસ્તા પર આવી ગયા હતા.

ન્યૂ કેપિટલ રિજિયનમાં છેલ્લા ર૪ કલાકમાં બીજી વાર ભૂકંપના આંચકા અનુભવાયા છે. જોકે સદ્નસીબે જાનમાલની ખુવારી થઇ હોવાના અહેવાલ નથી. આ અગાઉ રવિવારે સાંજે ૪.૩૭ કલાકે હરિયાણાના ઝઝર જિલ્લામાં ભૂકંપના આંચકા અનુભવાયા હતા, જેની તીવ્રતા રિકટર સ્કેલ પર ૩.૮ની આંકવામાં આવી હતી. દિલ્હી ભૂકંપની દૃષ્ટિએ સંવેદનશીલ ઝોન માનવામાં આવે છે. ભૂતકાળમાં પણ એનસીઆરમાં અનેક આંચકા આવી ચૂક્યા છે.

આજે દિલ્હીમાં વહેલી સવારે અનુભવાયેલા ભૂકંપના આંચકાની તીવ્રતા રિકટર સ્કેલ પર ૩.૭ની માપવામાં આવી હતી. મેરઠમાં પણ ભૂકંપના આંચકા અનુભવાયા હતા. હરિયાણાના ઝઝર ખાતે ભૂકંપનું એપી સેન્ટર હોવાનું જણાવાય છે.

ભૂકંપ જ્યારે આવે ત્યારે સાવધાની દાખવવા નેશનલ ડિઝાસ્ટર મેનેજમેન્ટ દ્વારા જણાવવામાં આવે છે. જો તમે ઘરની બહાર હો તો ગગનચુંબી ઇમારતો, વીજળીના થાંભલા વગેરેથી દૂર રહો અને જ્યાં સુધી ભૂકંપના આંચકા બંધ ન થાય ત્યાં સુધી બહાર રહો.

જો તમે ડ્રાઇવિંગ કરી રહ્યા હો તો વાહનને જલદી રોકી દો અને વાહનમાં જ બેઠા રહો. ઘરમાં હો તો તમે જમીન પર બેસી જાવ અથવા કોઇ મજબૂત ટેબલ કે ફર્નિચર નીચે આશ્રય લો.

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

12 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

12 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

12 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

12 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

12 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

13 hours ago