IRCTC સર્વે: દેશના સૌથી સ્વચ્છ 5 રેલ્વે સ્ટેશનોમાં સૂરત નંબર 1

અમદાવાદ: ભારતીય રેલવેએ તાજેતરમાં મુસાફરો માટે ઘણા પ્રકારે સુવિધાજનક બનાવવાના પ્રયત્ન થઇ રહ્યાં છે, પરંતુ સ્ટેશનની સફાઇનું શું?

એટલું જ નહી તાજેતરમાં જ ભારતીય રેલવેએ દેશના સૌથી સ્વચ્છ રેલવે સ્ટેશન વિશે જાણકારી પ્રાપ્ત કરવા માટે આઇઆરસીટીસીની સાથે મળીને એક સર્વે કર્યો. આ સર્વેમાં સમગ્ર દેશના 400થી વધુ રેલવે સ્ટેશનનો સમાવેશ કરવામાં આવ્યો અને જે આંકડા સામે આવ્યા, તે તમને થોડા આશ્વર્યજનક લાગશે. જો કે સફાઇની કસોટી પર વધુ સ્ટેશનો ખરા ઉતર્યા નથી.

જો આ યાદીમાં સૌથી સ્વચ્છ સ્ટેશનમાં ટોપ પર રહ્યું ગુજરાતનું સૂરત જંક્શન, બીજા નંબર પર રાજકોટનું રેલવે સ્ટેશન. છત્તીસગઢનું બિલાસપુર સ્ટેશન ત્રીજા સ્થાને રહ્યું હતું તો મહારાષ્ટ્રના સોલાપુરનું સ્ટેશને ચોથું સ્થાન પ્રાપ્ત કર્યું હતું. સૌથી સ્વચ્છ રેલવે સ્ટેશનની યાદીમાં પાંચમું સ્થાન સપનાની નગરી મુંબઇના સેંટ્રલ સ્ટેશનને મળ્યું છે. જ્યાં દરરોજ લાખો લોકો અવરજવર કરે છે.

રેલવેએ ‘સ્વચ્છ રેલ-સ્વચ્છ ભારત’ અભિયાનના પ્રારંભિક પરિણામ જાહેર કર્યા અને ‘એ1’ અને ‘એ’ શ્રેણીના 407માંથી 13 સ્ટેશનોએ 75 ટકાથી વધુ અંક પ્રાપ્ત કરીને વિશિષ્ટ પ્રથમ શ્રેણી તથા 92 સ્ટેશનોએ 60 ટકાથી વધુ અંક મેળવીને પ્રથમ શ્રેણી પ્રાપ્ત કરી. રેલવે મંત્રી સુરેશ પ્રભુએ રેલ ભવનમાં આ પરિણામો જાહેર કર્યા હતા.

You might also like