Categories: Gujarat

આજથી પાવાગઢ-ચાંપાનેરમાં પંચ મહોત્સવ

અમદાવાદ: મધ્યકાલીન ગુજરાતની રાજધાનીનું ગૌરવ ધરાવતા પાવાગઢ- ચાંપાનેરને પ્રથમ પંચ મહોત્સવ માટે સુસજ્જ કરી દેવામાં આવ્યા છે. પાવાગઢ-ચાંપાનેરના ધાર્મિક અને ઈતિહાસ વારસા સ્થળને ભારતના અને વિશ્વના ટૂરિઝમ મેપમાં સ્થળ અપાવવાના ઉમદા હેતુ સાથે આ પંચ મહોત્સવનું ટીસીજીએલ તેમજ જિલ્લા પ્રશાસને ભારતીય પુરાતત્વ સર્વેક્ષણ સહિત સંબંધિત સંસ્થાઓના સહયોગથી આયોજન કર્યું છે અને તેને માત્ર એક વર્ષ પૂરતો મર્યાદિત ન રાખતા રણોત્સવ જેવી વાર્ષિક પરંપરા બનાવવાની રાજય સરકારની નેમ છે. પાંચ દિવસનો પંચ મહોત્સવ આજથી શરૂ થઈ રહ્યો છે.

પંચ મહોત્સવના આયોજનથી પ્રવાસીઓ અને પ્રવાસીઓની સુવિધાઓ બંનેમાં વધારો થશે તેવી લાગમી વ્યક્ત કરતા ભારતીય પુરાતત્વ સર્વેક્ષણના કન્ઝર્વેશન આસિસ્ટન્ટ એ. જે. પરમારે જણાવ્યું હતું કે મહાકાલી ધામ અને જામા મસ્જિદથી જાણીતા પાવાગઢ- ચાંપાનેર ૧૧૪ જેટલી સમૃધ્ધ હેરિટેજ સાઈટસ ધરાવે છે જે પૈકી કેટલીક તો ગાઢ જંગલમાં આવેલી છે. આમ, પાવાગઢ- ચાંપાનેર વાસ્તવમાં તો ધાર્મિક -ઐતિહાસિક વિરાસતોનું એક મહાનગર છે. જેના અંગે લોકજાગૃતિ ધણી ઓછી છે.

પંચ મહોત્સવનો એક આશય આ વિરાસત નગરની સર્વાંગી ઝાંખી કરાવવાનો છે. અહીં હિન્દુ, મુસ્લિમ, જૈન સહિત વિવિધ ધર્મો અને સંપ્રદાયોના પવિત્ર અને પુરાતન સ્થળો આવેલા છે. જે અહર્નીશ ભક્તિ અને બંદગીની સુવાસ પ્રસરાવે છે. આમ, પાવાગઢ -ચાંપાનેર કોમી એકતાનું ઈતિહાસ ધામ છે.

પ્રવાસીઓ સરળતાથી મહત્તમ હેરિટેજ સાઈટસ જોઈ શકે અને માણી શકે તે માટે ત્રણ હેરિટેજ પાથ નિર્ધારિત કરવામાં આવ્યા છે તેવી જાણકારી આપતા પરમારે વધુમાં જણાવ્યું હતું કે મીનાર મસ્જિદથી, વડાતલાવથી અને માંચી સ્થિત ખાપરા ઝવેરી મહેલથી આ પાથ શરૂ થશે. પ્રવાસીઓ માટે ઈતિહાસ દર્શન પ્રદર્શનનું આયોજન પણ કરવામાં આવ્યું છે. પુરાતત્વ સર્વેક્ષણ સ્થાનિક પ્રશાસનની મદદથી દર્શનીય ધરોહરના સ્થળોનું જરૂરી નવીનીકરણ કર્યું છે. એ પણ ઉલ્લેખનીય છે. જંગલમાં આવેલી સાઈટસ સુધી પ્રવાસીઓ જઈ શકે તેવી વ્યવસ્થા કરવામાં આવી છે.

પ્રવાસીઓના નિવાસ અને રોકાણ માટે ૮૦ અદ્યતન સુવિધા સુસજજ ટેન્ટસ બનાવવામાં આવ્યા છે એટલે પ્રવાસીઓ કેમ્પ કલ્ચરનો આનંદ માણી શકશે. યુનેસ્કોએ જેને ૨૦૦૪માં વિશ્વ વારસા સ્થળ જાહેર કર્યું છે તેવા ચાંપાનેર-પાવાગઢ પ્રવાસીઓને આવકારવા સંપૂર્ણ સુસજ્જ છે.

admin

Recent Posts

Whatsapp પર કોઇ બ્લોક કરે તો પણ કરી શકશો મેસેજ, બસ અપનાવો આ ટ્રિક

વોટ્સએપ આજે દુનિયાની સૌથી મોટી ઇસ્ટેંટ મેસેજિંગ એપ છે. વોટ્સએપનાં માત્ર ભારતમાં જ 20 કરોડથી પણ વધારે યૂઝર્સ છે. વોટ્સએપ…

3 hours ago

J&K: બાંદીપોરામાં આતંકીઓ અને સુરક્ષાદળો વચ્ચે અથડામણ શરૂ, 5 આતંકીઓનો ખાત્મો

જમ્મુ-કશ્મીરઃ સેના અને આતંકીઓ વચ્ચે ઉત્તરી કશ્મીરનાં બાંદીપોરામાં ગુરૂવારનાં રોજ બપોરથી સતત ચાલી રહેલી અથડામણમાં અત્યાર સુધીમાં 5 આતંકીઓ ઠાર…

4 hours ago

અમદાવાદમાં 22-23 સપ્ટે.નાં રોજ યોજાશે દેશની પ્રથમ “દિવ્યાંગ વાહન રેલી”

અમદાવાદઃ વિશ્વમાં પ્રથમ વખત દિવ્યાંગ વાહન રેલી યોજવામાં આવશે. શનિવારે અમદાવાદ અંધજન મંડળ વસ્ત્રાપુરથી સવારે આ રેલી 7.30 કલાકે શરૂ…

4 hours ago

UGCનો દેશની યુનિવર્સિટીઓને આદેશ, 29 સપ્ટે.નાં રોજ ‘સર્જિકલ સ્ટ્રાઇક ડે’ની કરાશે ઉજવણી

UGCએ એક પરિપત્ર જાહેર કર્યો છે. જેમાં દેશભરની તમામ યુનિવર્સિટીઓને 29 સપ્ટેમ્બરનાં રોજ 'સર્જિકલ સ્ટ્રાઈક દિવસ' મનાવવાનું ફરમાન જાહેર કર્યું…

5 hours ago

‘યુનાઇટેડ વૅ ઑફ બરોડા’નાં આયોજકો દ્વારા ગરબાની ફીમાં વધારો, ખેલૈયાઓનો ઉગ્ર વિરોધ

વડોદરાઃ શહેરમાં ગરબાનાં આયોજકો દ્વારા ફીમાં વધારો કરવામાં આવ્યો છે. "યુનાઈટેડ વે ઓફ બરોડા"નાં આયોજકો દ્વારા ગરબાની ફીમાં એકાએક વધારો…

5 hours ago

ગુજરાતનો વિકાસ ના થયો હોય તો હું, નહીં તો રાહુલ છોડી દે રાજકારણ: નીતિન પટેલ

બનાસકાંઠાઃ નાયબ મુખ્યમંત્રી નીતિન પટેલે રાહુલ ગાંધીને આ વખતે રાજકારણને લઇ ખુલ્લો પડકાર ફેંક્યો છે. ગુજરાતનાં વિકાસ મુદ્દે રાહુલ ગાંધીને…

7 hours ago