UPમાં અનાજ દળવાની ઘંટી ફાટતાં બાળક સહિત ત્રણનાં મોતઃ છને ઈજા

એટા: ઉત્તર પ્રદેશના એટાના ઝિનવારી ગામમાં અનાજ દળવાની ઘંટી ફાટતાં એક ૧૦ વર્ષના બાળક સહિત ત્રણ વ્યકિતનાં મોત થયાં છે. જ્યારે આ દર્દનાક ઘટનામાં અન્ય છ લોકોને ગંભીર ઈજા થતાં આ ગામમાં ભારે અરેરાટી વ્યાપી ગઈ છે.
બનાવની જાણ થતા ઘટનાસ્થળે દોડી ગયેલી પોલીસે મૃતદેહોને પી.એમ. માટે મોકલી આપ્યા હતા.

જ્યારે ઘવાયેલાઓને નજીકની હોસ્પિટલમાં સારવાર માટે ખસેડાયા છે. આ ઘટનાની વિગતો એવી છે કે ગામના રહીશ મુવિન પાસે ટ્રેકટરથી ચાલતી અનાજ દળવાની ઘંટી છે. ગઈ કાલે મુવિનનો પુત્ર કરૂખાન આ ઘંટી ચલાવી રહ્યો હતો ત્યારે અચાનક જ આ ઘંટી ફાટતાં તેની ચપેટમાં આવી ગયેલાં ૧૦ વર્ષના બાળક અનકેશ પપ્પુ ઉર્ફે ભૂરે, કૃષ્ણાદેવી(ઉ.વ. ૫૫) અને બબલુ ભરતસિંહ(ઉ.વ. ૨૮) (તમામ રહે. ઝિનવારી) ના ઘટનાસ્થળે જ મોત થયાં હતાં. આ બનાવથી ગામમાં ભારે દોડધામ મચી જવા પામી હતી.બાદમાં આ અંગે પોલીસને જાણ થતાં તમામ સ્ટાફ ઘટના સ્થળે દોડી આવ્યો હતો.

આ દર્દનાક ઘટનાથી બનાવ સ્થળે ગામનાં અનેક લોકો એકત્ર થઈ ગયા હતા. અને આ ઘટનામાં માર્યા ગયેલા લોકો અને ઘવાયેલા અન્ય છ લોકોને સારવાર માટે ખસેડવાની કામગીરી કરી હતી. બનાવથી ગામમાં ભારે અરેરાટી અને શોકની લાગણી ફેલાઈ જવા પામી છે.

પોલીસે આ અંગે અકસ્માત મોતનો ગુનો દાખલ કરી આ ઘટના કેવી રીતે બની તેનાં કારણો જાણવા માટે હાલ ઘંટીના માલિકની પણ પૂછપરછ હાથ ધરી છે. તેથી તેની વિગતો બહાર આવ્યા બાદ આ ઘટના કેવી રીતે બની હતી તે જાણવા મળશે.

divyesh

Recent Posts

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

15 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

15 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

16 hours ago

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

16 hours ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

17 hours ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

17 hours ago