Categories: Gujarat

ચૂંટણી ઇફેક્ટઃ દારૂના કારોબાર પર ચાંપતી નજરઃ પોલીસના ભયથી બુટલેગરો ભૂગર્ભમાં

અમદાવાદ: અમદાવાદ મ્યુનિસિપલ કોર્પોરેશનની ચૂંટણી આડે હવે ગણતરીના દિવસો બાકી રહ્યા હોઇ મતદારોને રીઝવવા દેશી-વિદેશી દારૂનો બેફામ ઉપયોગ કરાતો હોવાની ફરિયાદોના કારણે ચૂંટણી પંચના આદેશથી શહેર પોલીસે દેશી-વિદેશી દારૂના કારોબાર પર ચાંપતી નજર રાખી ઠેર ઠેર દરોડા પાડવાનું શરૂ કરી હજારો ‌િલટર દેશી-વિદેશી દારૂનો જથ્થો કબજે કર્યો છે.

પ્રાપ્ત માહિતી પ્રમાણે આગામી તા.રર નવેમ્બરે અમદાવાદ મ્યુનિસિપલ કોર્પોરેશનની ચૂંટણી યોજાનાર છે. ભૂતકાળમાં ચૂંટણીઓ વખતે મતદારોને રીઝવવા અથવા અન્ય કારણસર દેશી-વિદેશી દારૂની રેલમછેલ કરાતી હતી. આ અંગે અગાઉ પણ અનેક ફરિયાદો સત્તાવાળાઓને મળી હતી. આ ચૂંટણીમાં આ પ્રકારની આવી કોઇ અસામાજિક પ્રવૃત્તિ ન થાય તે હેતુસર ચૂંટણીપંચે શહેર પોલીસને કડક પગલાં ભરવા તાકીદ કરતાં પોલીસતંત્ર દારૂ-જુગારના અડ્ડા પર તૂટી પડ્યું છે. જેના કારણે બુટલેગરો ભૂગર્ભમાં ચાલ્યા ગયા છે.

જેના ભાગરૂપે તાજેતરમાં ચિલોડા સર્કલ નજીકથી, દહેગામ નજીકના આંત્રોલી નજીકથી અને બાવળા નજીકથી પોલીસે દેશી-વિદેશી દારૂનો જંગી જથ્થો કબજે કર્યો હતો. ગઇ કાલે પણ શહેર પોલીસે જુદા જુદા વિસ્તારમાં છાપા મારી ૯૯ લિટર દેશી દારૂ, ૪ર૮ વિદેશી દારૂની બોટલ, ૧૧૪ બિયરનાં ટીન સાથે એક કાર અને રિક્ષાને ઝડપી લીધાં હતાં અને દેશી-વિદેશી દારૂના ધંધામાં સંડોવાયેલા ૯૯ શખ્સની ધરપકડ કરી હતી. દારૂ-જુગારના અડ્ડા જે જે વિસ્તારમાં ચાલે છે તેવાં તમામ શંકાસ્પદ સ્થળો પર ગુપ્ત વોચ ગોઠવી રાઉન્ડ-ધ-કલોક પેટ્રોલિંગ શરૂ કરવામાં આવ્યું છે.

admin

Recent Posts

પુલવામામાં ફરી આતંકીઓ ઘૂસ્યાઃ સુરક્ષાદળો સાથે અથડામણ જારી

શ્રીનગર: દ‌િક્ષણ કાશ્મીરના પુલવામા અને કુપવાડાના તંગદર વિસ્તારમાં ફરી એક વાર આતંકીઓની પ્રવૃત્તિ જોવા મળી છે. આ વિસ્તારમાં આતંકીઓ ઘૂસી…

9 mins ago

H. L. કોમર્સ કોલેજમાં રેગિંગ વિદ્યાર્થીનો આપઘાતનો પ્રયાસ

અમદાવાદ: શહેરના નવરંગપુરા વિસ્તારમાં આવેલ એચ.એલ. કોમર્સ કોલેજમાં એફવાય બીકોમમાં પ્રથમ સેમેસ્ટરમાં અભ્યાસ કરતા વિદ્યાર્થી સાથે રેગિંગનો બનાવ સામે આવ્યો…

31 mins ago

Audaની જૂની લિ‌મિટના નોન ટીપી વિસ્તારમાં પાણી-ગટરનાં કામ કરાશે

અમદાવાદ: ગત વર્ષ ર૦૦૬માં ઔડાની જૂની લિમિટના વેજલપુર, રાણીપ, બોડકદેવ જેવી કુલ ૧૭ નગરપાલિકાનો મ્યુનિસિપલ કોર્પોરેશનમાં સમાવેશ કરાયો હતો. જોકે…

43 mins ago

મ્યુનિસિપલ ટેક્સ માટે ટેરિફ પંચની રચનાનો મામલો 20 વર્ષથી અધ્ધરતાલ

અમદાવાદ: શહેરી વિકાસ વિભાગ હસ્તક કાર્યરત રાજ્યનાં તમામ મ્યુનિસિપલ કોર્પોરેશન માટે ટેક્સની આવક એ બહુ જ મહત્ત્વનો સ્રોત ગણાય છે,…

44 mins ago

Ahmedabad શહેરમાં આગામી 48 કલાકમાં હળવો વરસાદ પડવાની શક્યતા

અમદાવાદ: શહેર સહિત સમગ્ર રાજ્યમાં લોકો વરસાદની ચાતકડોળે રાહ જોઇ રહ્યા છે, પરંતુ આના બદલે ગરમીએ માઝા મૂકી છે, જોકે…

56 mins ago

ટ્રેનની લાંબા રૂટની ટિકિટ પણ મોબાઈલ એપથી બુક થઈ શકશે

અમદાવાદ: વેસ્ટર્ન રેલવે દ્વારા વડા પ્રધાન નરેન્દ્ર મોદીના જન્મદિવસ ૧૭ સપ્ટેમ્બરે લોન્ચ થયેલી અનરિઝર્વ ટિકિટિંગ સિસ્ટમને જબ્બર પ્રતિસાદ મળતાં હવે…

1 hour ago