OMG! આ સમુદ્રમાં નથી કોઇ ડૂબતુ, નહાવાથી થશે બિમારીઓ દૂર…

 

કેટલાક લોકોને સમુદ્રી વિસ્તારમાં ફરવું બહુ ગમતું હોય છે. જે લોકોને તરતા આવડતુ હોય તેઓ આવી જગ્યાનો ખૂબ ફાયદો ઉઠાવતા હોય છે અને જેને તરતા નથી આવડતું તેઓ સમુદ્રને જોઇ ખુશ થઇને પરત ફરી જતાં હોય છે. પરંતુ આજે તમને એવા સમુદ્ર વિષે જણાવીશુ,જેમાં કોઇ ડુબતા નથી. જો તમને તરતા આવડતુ હોય કે ન આવડતું હોય. તે સિવાય આ સમુદ્રમાં નહાવા પર ઘણી બિમારીઓની સારવાર થાય છે.

આ સમુદ્રનુ નામ છે ડેડ સી. જે ઇઝરાયલ અને જૅાર્ડનની વચ્ચે આવેલો છે. આને સૅાલ્ટ સી પણ કહેવામાં આવે છે. આમાં ઝહેરીલા ખનીજ દ્રવ્યો જેવાકે મેગ્નીશિયમ ક્લોરાઇડ,કેલ્શિયમ ક્લોરાઇડ, પોટેશિયમ ક્લોરાઇડ વગેરે ભરપુર માત્રામાં જોવા મળે છે.

આ સમુદ્રને ડેડસી કહેવાનુ મુખ્ય કારણ છે કે આમાં કોઇ પણ પ્રકારની વનસ્પતિ કે જીવ નથી.  સૅાલ્ટ સી કહેવાનુ કારણ આમાં રહેલું વધારે પડતી માત્રામાં રહેલું મીઠું છે. આ સમુદ્રનુ પાણી ખારૂ હોવાના કારણે કોઇ જીવ જંતુઓ અને વનસ્પતિ  હોતી નથી.

હવે તમે વિચારી રહ્યા હશો કે પાણી આટલું ખારું હોવાને કારણે તે સ્વાસ્થ્ય માટે હાનિકારક છે પણ તેવું કઇ નથી. આ પાણીમાં અનેક પ્રકારના મિનરલ્સ છે જે હ્યુમન બોડી માટે ફાયદાકારક છે.

આ સમુદ્રમાં કોઇ ડૂબતું ના હોવાને કારણે આ જગ્યા લોકોનુ આકર્ષણનુ ક્રેંદ્ર બની રહ્યુ છે. આમાં લોકો ડૂબકી મારવાની મજા ખૂબ લે છે. આ સમુદ્રમાં મીઠાના ઢગલાને સ્પષ્ટ જોઇ શકીયે છે.જેનો લોકો ખૂબ આનંદ લેતા હોય છે.

અહીંની ખાસ વાતએ છેકે તમે પાણીમાં બેસીને કોઇ પણ કામ કરી શકો છો અથવા ખાઇ પણ શકો છો. પાણીમાં તરતા તમે પેપર (છાપુ), મેગેઝિન અથવા કોઈ બુક્સ પણ વાંચી શકો છો.

You might also like