Categories: Gujarat

ડબ્બો ગરમ થાય એટલે બંગડીઅો કાઢીને બ્રશથી સાફ કરી દેજો

અમદાવાદ: શહેરના ઘોડાસર વિસ્તારમાં વાસણ ધોવાના લિક્વિડથી દાગીના ચમકાવવાનું કહીને બે ગઠિયાઓ 62 હજાર રૂપિયાની 6 સોનાની બંગડી નજર ચુકવીને લઇ ગયા છે. બે મહિના પહેલા મણિનગર વિસ્તાર તેમજ ખોખરા વિસ્તારમાં પણ દાગીના ચમકાવવાનું કહીને ગઠિયાઓ સોનાની બંગડીઓ લઇને જતા રહ્યા હતા.

ઘોડાસર વિસ્તારમાં આવેલ ભગવતીકૃપા સોસાયટીમાં રહેતા રૂપલબહેન દીપકભાઇ ત્રિવેદીએ ઇસનપુર પોલીસ સ્ટેશનમાં બે ગઠિયાઓ વિરુદ્ધમાં છેતરપિંડીની ફરિયાદ કરી છે. ગઇ કાલે સવારે સાડા દસેક વાગ્યાની આસપાસ રૂપલબહેન અને તેમનાં માતા ચંદનબહેન ઘરમાં હતાં તે સમયે વિદ્યાર્થી બનીને આવેલા બે અજાણ્યા યુવકો તેમના ઘર પાસે આવ્યા હતા અને કંપનીમાંથી આવીએ છીએ તેમ કહ્યુ હતું. યુવકોએ રૂપલબહેનને જણાવ્યું હતુંકે અમે ફ્રીમાં વાસણ સાફ કરવાનાં સેમ્પલ આપીએ છીએ તમે ઘરમાંથી પિત્તળનાં વાસણો લઇને આવો. યુવકોની વાતનો વિશ્વાસ કરીને ચંદનબહેન પિત્તળની દીવી લઇને આવ્યા હતા અને પાઉડરથી તેને સાફ કરીને ચમકાવી દીધી હતી.

ત્યારબાદ બંને યુવકોએ બેગમાંથી સોનું સાફ કરવાનો પાઉડર કાઢ્યો હતો. રૂપલબહેને 62 હજાર રૂપિયાની 6 બંગડી કાઢીને એક વાટકીમાં મૂકી દીધી હતી તે સમયે બંને યુવકો જતા રહ્યા હતા. થોડાક સમય પછી બંને યુવકો પરત આવ્યા હતા અને રૂપલબહેન પાસેથી સ્ટીલનો ડબ્બો માગ્યો હતો. જેમાં બંગડી મૂકી હતી. યુવકોએ રૂપલબહેન અને તેમનાં માતાની નજર ચુકવીને ડબ્બા માંથી બંગડીઓ કાઢી લીધી હતી અને તેમાં શેમ્પૂવાળું પાણી ભરીને ગેસ પર ગરમ કરવા માટે મુક્યો હતો. યુવકોએ રૂપલબહેનને કહ્યું હતુંકે ગેસ પર ડબ્બો થોડોક ગરમ થાય ત્યારે તેમાંથી બગડીઓ કાઢીને બ્રશથી સાફ કરી દેજો. તેમ કહીને યુવકો બાઇક લઇને જતા રહ્યા હતા થોડાક સમય પછીરૂપલબહેને ડબ્બો ખોલ્યો તો તેમાં સોનાની બંગડી ગાયબ હતી. રૂપલબહેન સાથે થયેલી છેતરપિંડી મામલે પોલીસે ગુનો દાખલ કરીને તપાસ શરૂ કરી છે.
http://sambhaavnews.com/

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

12 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

12 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

12 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

12 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

12 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

12 hours ago