Categories: Business Trending

Stock Market: સેન્સેક્સ અને નિફ્ટીમાં સતત આગેકૂચ જારી રહી

અમદાવાદ: શેરબજારમાં આજે પણ આગેકૂચ જારી રહેલી જોવા મળી હતી. આજે શરૂઆતે બીએસઇ સેન્સેક્સ ૧૦૬ પોઇન્ટના સુધારે ૩૭,૪૪૩, જ્યારે એનએસઇ નિફ્ટી ૨૪ પોઇન્ટના સુધારે ૧૧,૩૦૩ પોઇન્ટની સપાટીએ ખૂલી હતી. સેન્સેક્સ અને નિફ્ટી ફરી એક વખત ઇન્ટ્રાડે ટ્રેડિંગમાં ઐતિહાસિક ઊંચી સપાટીએ જોવા મળ્યા હતા. જોકે ઉપલા મથાળેથી બજારમાં સાધારણ ઘટાડો જોવા મળ્યો હતો. સેન્સેક્સ અને નિફ્ટીમાં અનુક્રમે ચાર અને સાત પોઇન્ટનો ઘટાડો જોવા મળ્યો હતો.

બેન્ક નિફ્ટીમાં પણ આગેકૂચ જારી રહેલી જોવા મળી હતી. આજે શરૂઆતે બેન્ક નિફ્ટી ૧૧૫ પોઇન્ટના સુધારે ૨૭,૭૪૯ પોઇન્ટની સપાટીએ ખૂલી હતી. ઓઇલ એન્ડ ગેસ, મેટલ સેક્ટરમાં આજે સુધારાની ચાલ જોવા મળી હતી. આજે શરૂઆતે જાહેર ક્ષેત્રની અગ્રણી બેન્ક એસબીઆઇનાે શેર ચાર ટકાનો ઉછાળો નોંધાઇ ૨૯૮ની સપાટીએ ટ્રેડિંગમાં જોવા મળ્યો હતો.

આઇસીઆઇસીઆઇ બેન્કમાં પણ મજબૂત સુધારાની ચાલ જોવા મળી હતી. આ શેરમાં ૩.૨૦ ટકાનો સુધારો જોવાયો હતો. દરમિયાન ક્રૂડના ભાવમાં જોવા મળેલા ઘટાડાના પગલે એચપીસીએલમાં ૧.૭૩ ટકાનો સુધારો નોંધાયો હતો. રિલાયન્સ અને એનટીપીસીમાં પણ સુધારાની ચાલ જોવા મળી હતી.

આજે શરૂઆતે રિલાયન્સનાે શેર ૧.૪૫ ટકાના સુધારે ૧,૧૪૬ની સપાટીએ ટ્રેડિંગમાં જોવા મળ્યો હતો. કોટક મહિન્દ્રા, સિપ્લા, આઈશર મોટર, ભારતી એરટેલ, એચડીએફસી બેન્કના શેરમાં ૦.૮૭થી ૧.૧૯ ટકાનો શરૂઆતે ઘટાડો નોંધાતો જોવાયો હતો.

બેન્ક શેરમાં ઉછાળો
એસબીઆઈ ૩.૪૫ ટકા
બેન્ક ઓફ બરોડા ૫.૭૨ ટકા
પીએનબી ૨.૯૯ ટકા
ICICI બેન્ક ૧.૧૩ ટકા
ફેડરલ બેન્ક ૧.૦૫ ટકા
યસ બેન્ક ૦.૧૨ ટકા

આવતી કાલે પરિણામ પૂર્વે આ કંપનીના શેરના ભાવમાં વધ-ઘટ
બ્લ્યુ ડાર્ટ એક્સપ્રેસ ૦.૪૩ ટકા
બેન્ક ઓફ ઇન્ડિયા ૨.૯૧ ટકા
ડાબર ૧.૦૫ ટકા
ટાટા મોટર્સ ૧.૧૮ ટકા
વી ગાર્ડ ઈન્ડ. ૨.૧૦ ટકા

મેટલ સ્ટોક્સમાં તોફાની ઊછાળો
વેદાન્તા ૨.૪૬ ટકા
ટાટા સ્ટીલ ૧.૧૭ ટકા
સેઈલ ૦.૮૦ ટકા
કોલ ઇન્ડિયા ૧.૨૨ ટકા
હિંદુસ્તાન ઝિંક ૦.૦૨ ટકા
એનએમડીસી ૧.૮૩ ટકા

શેરબજારમાં સતત સુધારાનાં કારણો
પાછલા સપ્તાહે બજારમાં સતત આગેકૂચ જારી રહેલી જોવા મળ્યા બાદ સપ્તાહની શરૂઆતે આજે પણ ઉછાળો જોવા મળ્યો હતો. આજે સૌપ્રથમ વાર નિફ્ટીએ ૧૧,૩૦૦ની સપાટી ક્રોસ કરી દીધી હતી. વૈશ્વિક અને સ્થાનિક સકારાત્મક પરિબળોની અસરથી બજારમાં આગેકૂચ જોવા મળી હતી.

  • વિદેશી સંસ્થાગત રોકાણકારોની ફરી એક વખત જોરદાર ખરીદી
  • પ્રથમ ક્વાર્ટરના કોર્પોરેટ કંપનીઓનાં અપેક્ષા કરતાં સારાં પરિણામો
  • ચીન અને અમેરિકા વચ્ચે ઊભી થયેલી તંગદિલી બાદ હાલ જોવા મળી રહેલી રાહત
  • જીએસટીમાં સરકારે વેપારીઓને આપેલી મોટી રાહતની બજાર પર સકારાત્મક અસર
  • ગુજરાત સહિત દેશભરનાં મોટા ભાગનાં રાજ્યમાં અપેક્ષા કરતાં સારો વરસાદ
  • વર્ષ ૨૦૧૯ની ચૂંટણીમાં પણ નરેન્દ્ર મોદીની આગેવાની હેઠળની એનડીએ સરકારની જીતનો આશાવાદ
divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

3 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

3 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

3 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

3 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

3 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

4 hours ago