સાબરમતી જેલમાં કેદી સુરંગ તો ઠીક ખાડો પણ ખોદશે તોય પકડાઈ જશે

અમદાવાદ: સાબરમતી સેન્ટ્રલ જેલ સુરક્ષાને લઇને અનેક વખત વિવાદોમાં આવી છે તેમાં પણ ખાસ કરીને પાંચ વર્ષ પહેલાં થયેલા સુરંગકાંડને અત્યાર સુધીનો સૌથી મોટો વિવાદ ગણવામાં આવે છે. જેલની સુરક્ષાને લઇને હવે કોઇ વિવાદ ના સર્જાય તે માટે જેલને સિક્યોરિટી મામલે હાઇટેક બનાવી રહ્યા છે.

જેલ સત્તાધીશો છ કિલોમીટરમાં ફેલાયેલી સાબરમતી જેલમાં ૧૫ ફૂટ નીચે જમીનમાં ટનલ વાઇબ્રેશન કેબલ નાખશે. આ કેબલની ખાસિયત એ છે કે કોઇ પણ કેદી ભાગવા માટે સુરંગ બનાવાની કોશિશ કરશે તે તેની તમામ જાણ કંટ્રોલ રૂમમાં થઇ જશે.

સાબરમતી સેન્ટ્રલ જેલમાં કેદીઓ મોબાઇલ ફોનનો ઉપયોગ ના કરે તે માટે 4જી જામર લગાવી દીધાં છે તો બીજી તરફ કેદીઓને ઇમર્જન્સીના સમયે મદદ મળી રહે તે માટે જેલની તમામ બેરેકમાં પેનિક બટન (ઇમર્જન્સી બટન) પણ લગાવવામાં આવ્યાં છે.

કેદીઓ જેલમાં પ્રતિબંધીત ચીજવસ્તુઓ સંતાડીને ના લઇ જાય તે માટે બોડી સ્કેનર મશીન પણ વસાવ્યું છે ત્યારે હાઇડેફિનેશનના સીસીટીવી કેમેરાથી જેલને સજ્જ કરવામાં આવી છે.

છ કિલોમીટરમાં ફેલાયેલી સાબરમતી સેન્ટ્રલ જેલમાં ૧૦૦ કરતાં વધુ બેરેક છે. જેમાં ૨૬૦૦ કરતાં વધુ કાચા કામ તેમજ પાકા કામના કેદીઓ છે. સેન્ટ્રલ જેલ અધિક્ષક સહિત ૪૦૦ જેલ સિપાહી, હવાલદાર, સુબેદાર તમામ કેદીઓની સુરક્ષા કરતા હોય છે અને તેમની ગતિવિધિ પર નજર રાખતા હોય છે.

૨૬ જુલાઇ સિરિયલ બોમ્બ બ્લાસ્ટ કેસના આતંકવાદીઓએ વર્ષ ૨૦૧૩માં જેલમાંથી ભાગવા માટે ૨૧૪ ફૂટ લાંબી સુરંગ ખોદી હતી. હાઇસિક્યોરિટી હોવા છતાંય આતંકવાદીઓએ આ ઘટનાને અંજામ આપ્યો હતો.

આવી ઘટના ફરી બને નહીં તે માટે ટનલ વાઇબ્રેટ કેબલ લગાવવા માટે જેલ સત્તાધીશોએ નિર્ણય લીધો છે. ટનલ વાઇબ્રેશન કેબલની વિશિષ્ટતા એ છે કે જમીનની અંદર ચાલતી કોઇપણ ગતિવિધિની જાણ જેલમાં આવેલા કંટ્રોલ રૂમમાં થઇ શકે છે.

ટનલ વાઇબ્રેટ કેબલમાં એક ખાસ પ્રકારનું સેન્સર હોય છે કે કોઇ પણ જગ્યાએ ખાડો ખોદવામાં આવે તો સેન્સર દ્વારા તેની જાણ સીધી કંટ્રોલ રૂમમાં થઇ જાય છે. જમીનથી ૧૫ ફૂટ નીચે આ કેબલ નાખવામાં આવશે. જે કુલ ૩૦ ફૂટનો એરિયા કવર કરશે. રાજ્ય સરકારે આ પ્રોજેક્ટ પર અંદાજિત ત્રણ કરોડ રુપિયા ફાળવ્યા છે.

જેલના ડીવાયએસપી વી.એચ.ડિંડોરે જણાવ્યું છે કે છ કિલોમીટરમાં ફેલાયેલી જેલમાં ટનલ વાઇબ્રેટ કેબલ નાખવાનો પ્રોજેક્ટ શરૂ કરવામાં આવશે. કોઇ પણ કેદી સુરંગ બનાવીને ભાગવાની કોશિશ કરશે તેની જાણ તાત્કાલીક કંટ્રોલ રૂમમાં એલાર્મ વાગશે.

divyesh

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

4 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

4 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

4 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

5 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

5 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

5 hours ago