Categories: Business Trending

સીએનજી-વીજળી અને યુરિયાની કિંમતમાં ઓક્ટોબરથી વધારો થશે

નવી દિલ્હી: સામાન્ય લોકોને મોંઘવારીમાંથી રાહત મળવાની હાલ તુરત કોઇ આશા નજરે પડતી નથી. કેન્દ્ર સરકાર ઓક્ટોબરથી નેચરલ ગેસ, રાંધણ ગેસ અને સીએનજી, વીજળી અને યુરિયાના ભાવમાં વધારો કરનાર છે. સરકાર ઓક્ટોબરથી ડોમેસ્ટિક નેચરલ ગેસના ભાવમાં ૧૪ ટકા વધારો ઝીંકી શકે છે.

આ નિર્ણયના પગલે દેશમાં સીએનજી મોંઘો થઇ જશે અને સાથેસાથે વીજળી અને યુરિયા ઉત્પાદનનો ખર્ચ પણ વધી જશે. માહિતગાર સૂત્રોના જણાવ્યા પ્રમાણે ઓક્ટોબરથી નેચરલ ગેસની કિંમત પ્રતિ મિલિયન બ્રિટિશ થર્મલ યુનિટ (એમએમબીટીયુ) ૩.૫ ડોલર થવાનું અનુમાન છે, જે હાલ ૩.૦૬ ડોલર છે.

અમેરિકા, રશિયા અને કેનેડા જેવા ગેસ સરપ્લસ ધરાવતા દેશોના એવરેજ રેટના આધારે નેચરલ ગેસની કિંમત દર છ મહિને નક્કી કરવામાં આવે છે. આ કિંમતની જાહેરાત ૨૮ સપ્ટેમ્બરના રોજ થનાર છે.

આથી કિંમત વધારાના પગલે ૧ ઓક્ટોબરથી નેચરલ ગેસની કિંમત છ મહિના માટે પ્રતિ એમએમબીટીયુ ૩.૫૦ થવાનું અનુમાન છે, જે ઓક્ટોબર ૨૦૧૫ અને માર્ચ ૨૦૧૬ બાદ સર્વાધિક સ્તરે હશે.

કિંમતમાં વધારાનો લાભ ઓએનજીસી, રિલાયન્સ ઇન્ડસ્ટ્રી જેવી ગેસ ઉત્પાદક કંપનીઓને મળશે. તેના પગલે સીએનજીના પણ ભાવ વધશે, કેમ કે સીએનજીમાં નેચરલ ગેસનો ઇનપુટ તરીકે ઉપયોગ થાય છે. નેચરલ ગેસના ભાવવધારાના કારણે દેશમાં યુરિયા અને વીજળી ઉત્પાદનનો ખર્ચ પણ વધી જશે.

એટલું જ નહીં પેટ્રો કેમિકલ્સના ઉત્પાદનોની કિંમતમાં પણ વધારો થશે. સરકારે ડોમેસ્ટિક સેક્ટરમાં ઉત્પાદિત નેચરલ ગેસની કિંમત નિર્ધારિત કરવા માટે એક નવી ફોર્મ્યુલાને મંજૂરી આપી પણ દીધી છે. ફર્ટિલાઇઝર અને વીજળી કંપનીઓ લિક્વિફાઇડ નેચરલ ગેસ ઇમ્પોર્ટ કરે છે.

divyesh

Recent Posts

ગોવા સરકારનું નેતૃત્વ મનોહર પર્રિકર જ કરશેઃ અમિત શાહ

ન્યૂ દિલ્હીઃ તમામ વિવાદો પર વિરામ લગાવતા ભાજપનાં રાષ્ટ્રીય અધ્યક્ષ અમિત શાહે આખરે સ્પષ્ટ કરી દીધું છે કે, મનોહર પર્રિકર…

8 hours ago

મોઢેરા સૂર્યમંદિરમાં પ્રવેશ ફીનો ચાર્જ વધારતા પર્યટકોમાં રોષ

મહેસાણા: મોઢેરાનું ઐતિહાસિક સૂર્યમંદિર એ એક ઐતિહાસિક વારસો ધરાવે છે તેમજ દરેક નાગરિક આ વારસાથી પરિચિત છે. તેને જોવા માટે…

8 hours ago

આતંકવાદ અને વાતચીત એક સાથે ક્યારેય શક્ય ના બનેઃ બિપીન રાવત

ન્યૂ દિલ્હીઃ ભારતનાં આર્મી ચીફ જનરલ બિપીન રાવતે પાકિસ્તાનને સણસણતો જવાબ આપ્યો છે. આર્મી ચીફ બિપીન રાવતે નિવેદન આપતાં કહ્યું…

9 hours ago

ગણેશ વિસર્જન યાત્રાનાં નામે સુરતમાં PAAS અને SPGનું શક્તિપ્રદર્શન

સુરતઃ ગણેશ વિસર્જનની આડમાં SPG અને PAASએ સુરતમાં શક્તિ પ્રદર્શન કર્યું છે. અલ્પેશ કથીરિયાની જેલ મુક્તિની મુખ્ય માંગ સાથે હજારો…

11 hours ago

વિઘ્નહર્તાની અશ્રુભીની વિદાય, વિસર્જનને લઇ બનાવાયાં ભવ્ય કૃત્રિમ તળાવો

વડોદરાઃ આજે ઠેર-ઠેર ભગવાન ગણેશજીનું વિસર્જન થશે અને બાપ્પાને આવતા વર્ષે જલ્દી આવવા માટેની ભક્તો દ્વારા વિનંતી પણ કરાશે. ત્યારે…

12 hours ago

વિશ્વની સૌથી મોટી હેલ્થ સ્કીમ લોન્ચ, મોદીએ કહ્યું,”હવે ગરીબ પણ કરાવી શકશે મોંઘી સારવાર”

ઝારખંડઃ પ્રધાનમંત્રી નરેન્દ્ર મોદીએ ઝારખંડની રાજધાની રાંચીથી કેન્દ્ર સરકારની મહત્વાકાંક્ષી આયુષ્માન ભારત-રાષ્ટ્રીય સ્વાસ્થ્ય સુરક્ષા મિશનનું શુભારંભ કરાવાયું. આ યોજના અંતર્ગત…

12 hours ago