Ahmedabad: છારાનગરમાં પોલીસ-પબ્લિક વચ્ચે ઘમસાણઃ PSI સહિત અનેક ઘાયલ

અમદાવાદ: શહેરના કુબેરનગર વિસ્તારમાં આવેલા છારાનગરમાં મોડી રાતે ધમધમતા દારૂના અડ્ડાને બંધ કરાવવા માટે ગયેલા સરદારનગર પોલીસ સ્ટેશનના ડી-સ્ટાફ પીએસઆઇ તેમજ અન્ય પોલીસ કર્મચારીઓ પર કેટલાંક અસામા‌િજક તત્ત્વોએ હુમલો કરતાં તંગદિલીભર્યો માહોલ ઊભો થયો હતો.

પોલીસ કર્મચારીઓ પર થયેલા હુમલા બાદ એક હજાર કરતાં વધુ પોલીસ કર્મચારીનો કાફલાએ છારાનગરમાં પહોંચી જઇ કો‌મ્બિંગ કર્યું હતું. પોલીસે સમગ્ર છારાનગરમાં કોમ્બિંગ કરી પોલીસ પર હુમલો કરનાર અસામાજિક તત્ત્વોને ઝડપવાની તજવીજ શરૂ કરી હતી. પોલીસે ૩૫ જેટલા શખસોની અટકાયત કરી હોવનું જાણવા મળ્યું છે.

સ્થાનિકોએ આક્ષેપ કર્યો હતો કે પોલીસે પ૦ કરતાં વધુ ગાડીઓ તેમજ વાહનોની તોડફોડ કરી હતી અને લોકોના ઘરમાં ઘૂસીને મહિલા સહિત લોકો પર લાઠીચાર્જ કર્યો હતો. આ ઘટનામાં કેટલાક વકીલો તેમજ પ્રેસ ફોટોગ્રાફર પણ પોલીસદમનનો શિકાર બન્યા હોવાની વિગતો સામે આવી છે.

વહેલી પરોઢે પાંચ વાગ્યા સુધી ચાલેલા પોલીસના કો‌મ્બિંગ બાદ છારાનગર તેમજ કુબેરનગર પોલીસ છાવણીમાં ફેરવાઇ ગયાં છે. ગત રાત્રે છારાનગરમાં પોલીસ દમનના મામલે આજે સવારે છારા સમાજના લોકોએ પોલીસની કામગીરી સામે સખત વિરોધ કર્યો હતો અને મોટી સંખ્યામાં ભીડ પોલીસ સ્ટેશનમાં ઊમટી પડી હતી, જ્યાં પોલીસ વિરુદ્ધ ભારે સૂત્રોચ્ચાર કર્યા હતા. આજે સવારથી છારાનગર, કુબેરનગરમાં તંગ‌િદલીનો માહોલ સર્જાયો હતો

કુબેરનગર અને છારાનગરમાં ઘણા સમયથી ચાલી રહેલા દારૂ-જુગારના અડ્ડા પર પોલીસે લાલ આંખ કરીને સંખ્યાબંધ કેસ બુટલેગર સામે કર્યા છે. પોલીસ રોજેરોજ છારાનગર અને કુબેરનગરમાં ધમધમી રહેલા દારૂ અને જુગારના અડ્ડા પર દરોડા પાડી રહ્યા છે.

ગઇ કાલે પણ સરદારનગર પોલીસ સ્ટેશનના ડી-સ્ટાફ પીએસઆઇ શક્તિસિંહ મોરી અને તેમનો સ્ટાફ છારાનગરમાં દારૂના અડ્ડા પર દરોડા પાડવા માટે તેમજ ફૂટ પેટ્રો‌િલંગ માટે ગયા તે સમયે બે યુવકો ટ્રાફિકને અડચણ થાય તે રીતે રોડ પર એ‌િકટવા લઇને ઊભા હતા.

પીએસઆઇએ બન્ને યુવકોને સાઇડમાં ઊભા રહેવાનું કહ્યું હતું. પીએસઆઇએ તેમના એ‌િકટવાની ડેકી ખોલવા માટે કહ્યું હતું અને યુવકોએ પીએસઆઇ સાથે બબાલ શરૂ કરી હતી. દરમિયાનમાં છારાનગરમાં રહેતા અન્ય લોકો પણ ત્યાં આવી ગયા હતા અને પીએસઆઇ તેમજ તેમની ટીમ પર હુમલો શરૂ કરી દીધો હતો.

છારાનગરમાં રહેતા લોકોએ પીએસઆઇ અને અન્ય પોલીસ કર્મચારીઓ પર પથ્થરમારો પણ કર્યો હતો અને જીપ પણ તોડી નાખી હતી. લોકોએ પોલીસ કર્મચારીઓને એ હદે માર્યા હતા કે પીએસઆઇના હાથમાં ફ્રેક્ચર થઇ ગયું હતું જ્યારે એસઆરપીના જવાનનું માથું ફાટી ગયું હતું અને બીજા બે પોલીસ કર્મચારીઓને પણ ઇજા થઇ હતી.

ઇજાગ્રસ્ત તમામ પોલીસ કર્મચારીઓને હોસ્પિટલમાં સારવાર માટે ખસેડવામાં આવ્યા હતા. પોલીસ પર હુમલો થયો હોવાની જાણ પોલીસ કંટ્રોલ તેમજ ઉચ્ચ અધિકારીઓ થતાં તેઓ તાત્કા‌િલક એક્શન મોડમાં આવી ગયા હતા અને અંદા‌િજત એક હજાર કરતાં વધુ પોલીસનો કાફલો છારાનગર અને કુબેરનગરમાં ખડકી દીધો હતો.

સ્થાનિકોએ આક્ષેપ કર્યો હતો કે પોલીસે મોડી રાતના ૧૧ વાગ્યા પછી છારા સમાજના લોકો પર દમન ગુજારવાનું શરૂ કર્યું હતું. પોલીસે પ૦ કરતાં વધુ ગાડીઓ તેમજ અન્ય વાહનોના કાચ તોડ્યા હતા અને છારાનગરમાં ઘૂસીને મહિલાઓ સહિત સંખ્યાબંધ લોકો પર રીતસરનો લાઠીચાર્જ કર્યો હતો.

આ ઘટનાથી સમગ્ર વિસ્તારમાં તંગ‌િદલીનો માહોલ સર્જાયો હતો. છારા સમાજના આગેવાનો પણ પોલીસને સમજાવવા જતાં તેમની પણ અટકાયત કરી હતી. પોલીસે વહેલી પરોઢના પાંચ વાગ્યા સુધી છારાનગર અને કુબેરનગરમાં કો‌િમ્બંગ હાથ ધરીને ૩પ કરતાં વધુ લોકોની અટકાયત કરી હતી અને ૩ હજાર કરતાં વધુ લોકો વિરુદ્ધમાં રાયો‌િટંગનો ગુનો દાખલ કર્યો હતો.

સેક્ટર-રના જોઇન્ટ કમિશનર ઓફ પોલીસ અશોક યાદવે જણાવ્યું છે કે છેલ્લા ઘણા સમયથી છારાનગરમાં દારૂ-જુગારના અડ્ડાઓ બંધ કરાવવા માટે પોલીસે અ‌ભિયાન હાથ ધર્યું છે. રોજેરોજ છારાનગરમાં પોલીસ રેડ કરી રહી છે ત્યારે પોલીસને સબક ‌િશખવાડવા માટે પૂર્વ આયો‌જિ ત કાવતરું ઘડીને ગઇ કાલે પીએસઆઇ અને અન્ય પોલીસ કર્મચારીઓ પર હુમલો કરાયો તેવું લાગી રહ્યું છે. પીએસઆઇએ યુવકોને એ‌ક્ટિવાની ડેકી ખોલવાનું કહેતાં લોકોએ પથ્થરમારો કર્યો છે.

સ્થાનિકોએ આક્ષેપ કર્યો છે કે ફાઇનાન્સનો ધંધો કરતા શ‌િન માથુભાઇ ગાંરગેના ઘરમાં ગઇ કાલે પીએસઆઇ મોરી અને તેમનો સ્ટાફ દારૂનો ધંધો કરો છો તેમ કહીને ઘૂસી ગયા હતા, જ્યાં શ‌િન અને પીએસઆઇ વચ્ચે માથાકૂટ થતાં સ્થાનિકોએ તેમના પર હુમલો કર્યો હતો. હુમલો કર્યા બાદ શ‌િનએ પોલીસ કંટ્રોલરૂમમાં ફોન કરીને દારૂ પીને આવેલા પોલીસ કર્મચારીઓ પર હુમલો કર્યો છે તેવી ફરિયાદ કરી હતી.

છારાનગરમાં ઘણા વર્ષથી દારૂનો ધંધો કરતી મહિલા બુટલેગર સુનીતાની દારૂ ભરેલી કાર બંગલા એ‌િરયાથી આવવાની છે તેવી બાતમી પીએસઆઇને મળી હતી. બાતમીના આધારે પોલીસે વોચ ગોઠવી હતી, જ્યાં દારૂ ભરેલી કાર આવી હતી. પીએસઆઇએ તેને રોકવાની કોશિશ કરતાં ડ્રાઇવરે કાર પુરઝડપે ચલાવી હતી. પીએસઆઇ પર કાર ચઢાવે તે પહેલાં તેમણે રિવોલ્વર કારચાલક સામે તાકી દીધી હતી. રિવોલ્વર જોતાં કારચાલકે સ્ટિયરિંગ પરનો કાબૂ ગુમાવ્યો હતો અને પાંચ-છ લારીઓને અડફેટમાં લીધી હતી.

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

22 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

22 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

22 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

22 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

22 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

23 hours ago