Categories: Gujarat

દર્દીઓના નામે તપન હોસ્પિટલના સંચાલકોએ ૧.૨૮ કરોડની લોન મેળવી હતી

અમદાવાદ: શહેરના ઓઢવ વિસ્તારમાં આવેલી તપન હોસ્પિટલના સંચાલક તથા મેનેજમેન્ટ દ્વારા દર્દીઓ સાથે લાખો રૂપિયાની ઠગાઇ આચરવાનું કૌભાંડ બહાર આવ્યું છે. ૧૪પ દર્દીઓના નામે તપન હોસ્પિટલે લાખો રૂપિયાની લોન બારોબાર લઇને કૌભાંડ આચર્યું છે.

ઓઢવ પોલીસે હોસ્પિટલના સંચાલક અને હો‌સ્પિટલનું મેનેજમેન્ટનું કામ સંભાળતા યુવકની ધરપકડ કરી છે. ઓઢવ પોલીસ સ્ટેશનના પીઆઇ સી.બી. ટંડેલે જણાવ્યું છે કે છેલ્લા એક મહિનાથી તપન હોસ્પિટલના સંચાલક વિરુદ્ધમાં સંખ્યાબંધ લોકોએ અરજી કરી હતી. અરજીના આધારે તપાસ કરતાં જાણવા મળ્યું હતું કે તપન હોસ્પિટલના સંચાલક નરેશ વાવડિયાએ દર્દીઓના નામે લાખો રૂપિયાની લોન લઇને ઠગાઇ કરી છે.

નરેશ વાવડિયા અને હોસ્પિટલનું મેનેજમેન્ટ સંભાળતા પ્રદીપ પંચાલ કોઇ પણ દર્દી હોસ્પિટલમાં દાખલ થાય ત્યારે તેને હોસ્પિટલનું બિલ ચૂકવવા માટે બજાજ ફાઇનાન્સની પર્સનલ લોન મળશે તેવી વાત કરતા હતા. દર્દી અને તેમનાં પરિવારજનો નરેશની વાત પર ભરોસો કરી બજાજ ફાઇનાન્સની લોન લેવા માટે તૈયાર થઇ જતાં હતાં, જેનો લાભ લઇને નરેશ અને પ્રદીપ લોનની એમાઉન્ટ વધારી દેતા હતા.

સમગ્ર મામલો ત્યારે સામે આવ્યો જ્યારે દર્દીઓના ખાતામાંથી હોસ્પિટલના બિલ કરતાં વધુ હપ્તા કપાવા લાગ્યા. પીઆઇએ વધુમાં જણાવ્યું છેે કે કોઇ પણ દર્દીનું હોસ્પિટલનું બિલ રપથી ૩૦ હજાર થતું હોય તો તેમાં નરેશ દોઢથી બે લાખની લોન લઇ લેતો હતો. નરેશે હોસ્પિટલમાં સારવાર માટે આવેલા ૧૪પ દર્દીઓ સાથે ઠગાઇ આચરી છે.

બંને જણાએ મળીને બજાજ ફાઇનાન્સ પાસેથી ૧.ર૮ કરોડની લોન દર્દીઓના નામે લઇ લીધી છે. બજાજ ફાઇનાન્સ દ્વારા નરેશ પાસેથી ઉઘરાણી કરાતાં રૂ.ર૮ લાખ ચૂકવી દીધાનું પણ સામે આવ્યું છે. હાલ નરેશ અને પ્રદીપની ધરપકડ કરી તપાસનો ધમધમાટ શરૂ કરાયો છે.

હાલ બજાજ ફાઈનાન્સના કર્મચારીએ ઓઢવ પોલીસ સ્ટેશનમાં ફરિયાદ કરી છે. પોલીસ સૂત્રોના જણાવ્યા અનુસાર કૌભાંડનો આંકડો હજુ વધે તેવી શક્યતાઓ છે. આ કેસમાં બજાજના ફાયનાન્સના કર્મચારીની સંડોવણી હોય તેવી શક્યતા છે.

divyesh

Recent Posts

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

8 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

8 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

8 hours ago

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

9 hours ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

10 hours ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

10 hours ago