Categories: India

ચાલતી કારનો કાચ તોડી ઘોડો અંદર ઘૂસી ગયો, રસ્તામાં ભાગદોડ

જયપુર: શહેરમાં કાલે બપોરે બનેલી ઘટનામાં બેકાબૂ ઘોડો દોડતો સામે અાવી રહેલી કારના બોનેટ સાથે ટકરાયો. પહેલાં તો કાર ચલાવી રહેલી વ્યક્તિ કંઈ સમજી ન શકી. ઘોડો કારનો અાગળનો કાચ તોડી કારની અંદરની સીટ પર અાવી ગયો. અા ઘટનામાં કારમાં સવાર વ્યક્તિના હાથ અને પગ ઘોડાની નીચે દબાઈ ગયા, જોકે તેને ગંભીર ઇજા થઈ ન હતી.
શહેરના એક વિસ્તારમાં કોઈ ઘોડાગાડીવાળાઅે પોતાનો ઘોડો રસ્તાની એક બાજુ બાંધ્યો હતો. ઘોડાના મોં પર ચારાની પોટલી બાંધેલી હતી. બપોરના સમયે ૪૨.૪ ડિગ્રી ગરમીમાં બાંધેલો ઘોડો ગરમી સહન ન કરી શકતાં દોરડું તોડી ભાગી છૂટ્યો. ચારાની પોટલી મોં પર બાંધેલી હતી. તેથી ભાગવાના કારણે અાંખો પર ચઢી ગઈ. ગરમીના કારણે કંટાળી ગયેલા ઘોડાને દેખાતું પણ ન હતું. તેથી તે વધારે ગુસ્સે થયો. રસ્તા પર અામતેમ ભાગવા લાગ્યો. અા દરમિયાન બે બાઈકસવાર સાથે પણ ટકરાઈ ગયો. બાઈકસવાર જખમી થયા.

તેમ છતાં પણ ઘોડો રોકાયો નહીં. બાઈક સાથે ટકરાવાના કારણે તે વધુ ગભરાઈને ભાગવા લાગ્યો. ઘોડાની અાંધળી દોડ જોઈને રસ્તા પર ચાલતા લોકો ગભરાઈ ગયા. રસ્તા પર બૂમાબૂમ થવા લાગી. લોકો ઘોડા પર પાણી ફેંકવા લાગ્યા, પરંતુ તે કાબૂમાં ન અાવ્યો. એટલામાં શહેરની એક વ્યક્તિની કાર સાથે ભાગતો ઘોડો બોનેટ પર અાવીને ટકરાયો. તે કાંઈ સમજી શકે તે પહેલાં ઘોડો કારના વિન્ડસ્ક્રીન તોડીને કારની અંદરની સીટ પર અાવી ગયો. ત્યાં હાજર લોકોઅે ખૂબ જ મુશ્કેલીથી કારની લેફ્ટ સાઈટનો દરવાજો તોડીને ખેંચતાણ કરીને ઘોડાને કારમાંથી બહાર કાઢ્યો. કારને ખાસ્સું એવું નુકસાન થયું અને ઘોડો પણ જખમી થયો. ઇજા થયા બાદ ઘોડો એકદમ શાંત થઈ ગયો. લોકોઅે તેને પકડ્યો, બાંધ્યો અને પોલીસને બોલાવ્યા. લોકોઅે ખૂબ જ મુશ્કેલીથી ઘોડા અને કારચાલકને બહાર કાઢ્યાં.

http://sambhaavnews.com/

Navin Sharma

Recent Posts

સુરતઃ ગણેશ વિસર્જન દરમ્યાન ચાલુ બોટે મૂર્તિએ ખાધી પલ્ટી, બોટસવારો કુદ્યાં નદીમાં

સુરતઃ શહેરમાં ગણેશ વિસર્જન દરમ્યાન બોટમાં રાખેલી ગણપતિની એક વિશાળ મૂર્તિ અચાનક ઢળી પડી હતી. મગદલ્લા ઓવારા પર વિસર્જન દરમ્યાન…

5 mins ago

IT રિટર્ન ભરવાની તારીખમાં કરાયો વધારો, 15 ઓક્ટોમ્બર સુધી ભરી શકાશે

સરકારે સોમવારનાં રોજ નાણાંકીય વર્ષ 2017-18ને માટે આયકર રિટર્ન અને ઓડિટ રિપોર્ટ દાખલ કરવાની તારીખ 15 દિવસ વધારીને 15 ઓક્ટોમ્બર…

18 mins ago

ખેડૂતો આનંદો…, ગુજરાતની જીવાદોરી સમાન નર્મદા ડેમની પાણીની સપાટીમાં વધારો

નર્મદા: મધ્યપ્રદેશનાં ઉપરવાસમાંથી પાણીની આવક વધતા સરદાર સરોવર નર્મદા ડેમની સપાટીમાં એકાએક વધારો થયો છે. ઉપરવાસમાંથી 33249 ક્યુસેક પાણીની આવક…

2 hours ago

ઇન્દ્રનીલ રાજ્યગુરૂનું નિવેદન,”મને ભાજપમાં જોડાવાની મળી છે ઓફર”, પક્ષે વાતને નકારી

રાજકોટઃ કોંગ્રેસ નેતા ઈન્દ્રનિલ રાજ્યગુરુનું ખૂબ મોટું નિવેદન સામે આવ્યું છે. ઈન્દ્રનિલ રાજ્યગુરુને ભાજપ તરફથી ઓફર મળી હોવાનું જણાવ્યું હતું.…

3 hours ago

ભાજપમાં જોડાવા મામલે અલ્પેશ ઠાકોરનો ખુલાસો,”હું કોંગ્રેસ સાથે જોડાયેલો છું અને રહીશ”

અલ્પેશ ઠાકોરનાં ભાજપમાં જોડાવા મામલે ખુલાસા કરવા મામલે કોંગ્રેસ નેતાઓએ સંયુક્ત પ્રેસ યોજી. અમિત ચાવડા, પરેશ ધાનાણી અને અલ્પેશ ઠાકોરે…

5 hours ago

હાર્દિક ફરી આંદોલનનાં મૂડમાં, ગાંધી જયંતિથી સમગ્ર ગુજરાતમાં કરશે પ્રતિક ઉપવાસ

અમદાવાદઃ પાટીદાર અનામત આંદોલન સમિતિ દ્વારા છેલ્લાં કેટલાંય સમયથી અનામતની માંગને લઈને આંદોલન કરવામાં આવી રહ્યું છે. ત્યારે હજી પણ…

6 hours ago