Categories: India

સુપ્રીમે વિશેષાધિકાર વાપરીને દંપતીના છૂટાછેડા મંજૂર કર્યા

નવી દિલ્હી: સુપ્રીમ કોર્ટે પોતાના બંધારણીય વિશેષાધિકારનો ઉપયોગ કરીને એક દંપતીને તાત્કાલિક છૂટાછેડા માટેની મંજૂરી આપી દીધી છે. એક સીમાચિહ્ન ચુકાદામાં સુપ્રીમ કોર્ટે છૂટાછેડા માટે અરજી કરનાર દંપતીને સમજૂતીની શક્યતા માટે આપવામાં આવતી છ મહિનાની મુદત (વેઈટિંગ પિરિયડ) સંબંધિત વૈધાનિક જોગવાઈને રદ કરીને દંપતીને તાત્કાલિક છૂટાછેડા માટે મંજૂરી આપી દીધી હતી.
છૂટાછેડા માટે અરજી કરનાર પતિ અને પત્ની બંને શિક્ષિત હતાં અને તેઓ પારસ્પારિક સમજૂતીથી છૂટાછેડા ઈચ્છતાં હતાં. સુપ્રીમ કોર્ટના ન્યાયમૂર્તિ કુરિયન જોસેફ અને ન્યાયમૂર્તિ રોહિગ્ટન ફલી નરિમનની બનેલી બેન્ચે બંધારણના અનુચ્છેદ ૧૪૨નો ઉપયોગ કરીને આ વૈધાનિક જોગવાઈ હેઠળ આપવામાં આવેલા વેઇટિંગ પિરિયડને રદ કર્યો હતો.
ડિવિઝન બેન્ચને એવું જણાવ્યું છે કે વેઇટિંગ પિરિયડ રદ કરવો એ અરજદાર પતિ-પત્ની બંને માટે યોગ્ય રહેશે, કારણ કે લગ્નના પ્રથમ િદવસથી બંને વચ્ચે અણબનાવ રહ્યો છે. સુપ્રીમ કોર્ટે એ પણ જણાવ્યું હતું કે અરજદાર પતિ-પત્ની બંને શિક્ષિત છે અને કોઈ પણ જાતનાં દબાણ વગર અલગ થવાનો પારસ્પારિક સમજૂતીથી નિર્ણય કર્યો છે અને એટલા માટે તેઓ પોતાના નિર્ણયનાં પરિણામો અંગે સારી રીતે વાકેફ હશે.
આ કેસમાં અરજદાર પત્નીએ અદાલતને જણાવ્યું હતું કે તેઓ લગ્ન જીવનના ખરાબ અનુભવોથી બચવા માટે ન્યૂયોર્ક જવા માટે અને ત્યાં તે પોતાના જીવનની નવી શરૂઆત સાથે નોકરીની શક્યતા પણ શોધશે. મહિલાના જણાવ્યા અનુસાર છ મહિનાની અંદર કે નજીકના ભવિષ્યમાં તેમના ભારત પરત આવવાની કોઈ પણ શક્યતા નથી. આ પરિસ્થિતિને ધ્યાનમાં રાખીને સુપ્રીમ કોર્ટે પોતાના વિશેષાધિકારનો ઉપયોગ કરીને અરજદાર દંપતીને છૂટાછેડા માટે મંજૂરી આપી દીધી હતી.

Navin Sharma

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

22 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

22 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

22 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

22 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

22 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

23 hours ago