Categories: Gujarat

દેશના સૌથી મોટા કોલ સેન્ટર રેકેટનો માસ્ટરમાઈન્ડ અમદાવાદી!

અમદાવાદ: સમગ્ર દેશમાં ખળભળાટ મચાવનાર અત્યાર સુધીના સૌથી મોટા મનાતા કોલ સેન્ટર રેકેટનો રેલો અમદાવાદ સુધી પહોંચ્યો છે. રોજના રૂ. એક કરોડની ધિકતી કમાણી કરતાં અા કૌભાંડનો માસ્ટરમાઈન્ડ અમદાવાદનો હોવાનું ખુલતા થાણે ક્રાઈમબ્રાન્ચ અને મુંબઈ પોલીસે શહેરના પ્રહ્લાદનગર વિસ્તારમાં અાવેલા પિનેકલ બિઝનેસ પાર્કમાં ચાલતા પાંચ કોલ સેન્ટર પર દરોડાની કાર્યવાહી હાથ ધરી હતી.

મુંબઇના મીરાં રોડ પર ચાલતાં 9 કોલ સેન્ટર દ્વારા અમેરિકનોને અહીં બેઠાં બેઠાં ઇન્ટર્નલ રેવન્યૂ સર્વિસ વિભાગના અધિકારીઓના નામે ધમકી આપીને રૂપિયા કમાણી કરવાનો પર્દાફાશ થાણે પોલીસે કરતાં 700 કર્મચારીઓની ધરપકડ કરી છે. સમગ્ર રેકેટનો માસ્ટર માઇન્ડ અમદાવાદનો સાગર ઠક્કર હોવાનું થાણે ક્રાઇમ બ્રાંચની તપાસમાં સામે આવ્યું છે. છેલ્લા ચાર દિવસથી થાણે ક્રાઇમ બ્રાંચની ટીમે સાગર ઠક્કર અને અન્ય 9 માસ્ટર માઇન્ડને શોધવા માંટે શહેરમાં ધામા નાખ્યા છે. શહેરના પ્રહ્લાદનગર વિસ્તારમાં આવેલા પિનેકલ બિઝનેસ પાર્કમાં 5 કોલ સેન્ટર પર થાણે ક્રાઇમ બ્રાંચે રેડ કરી હતી.

પ્રાપ્ત માહિતી અનુસાર મુંબઇના મીરાં-ભાયંદર રોડ પર આવેલા કોલ સેન્ટરમાં વિદેશમાં ખાસ કરીને યુએસમાં રહેતા લોકોને ફોન કરીને ઇન્ટર્નલ રેવન્યૂ ડિપાર્ટમેન્ટના અધિકારીઓના નામે ધાકધમકીઓ આપીને લાખો રૂપિયા પડાવવાના કૌભાંડનો પર્દાફાશ થાણે ક્રાઇમ બ્રાંચે કર્યો હતો. જુદા જુદા 9 કોલ સેન્ટરમાં 700 કર્મચારીઓની ધરપકડ કરી હતી. પકડાયેલા કર્મચારીઓએ થાણે ક્રાઇમ બ્રાંચ સમક્ષ કેટલાક ચોંકાવનારા ખુલાસા કર્યા છે, જેમાં આખા રેકેટનો માસ્ટર માઇન્ડ અમદાવાદનાે સાગર ઉર્ફે શેગી ઠક્કર હોવાનું સામે આવ્યું છે. કર્મચારીઓએ ખુલાસો કર્યો છે કે અમદાવાદના પિનેકલ બિઝનેસ પાર્કમાં આવેલા પાંચ કંપનીઓના કોલ સેન્ટરના માસ્ટર માઇન્ડ સાગર ઠક્કરના નેજા હેઠળ મુંબઇમાં કોલ સેન્ટર ચાલતા હતા.

થાણેના પોલીસ કમિશનર પરમબીરસિંહે ‘સમભાવ મેટ્રો’ સાથેની વાતચીતમાં જણાવ્યું છે કે સાગર ઠક્કર વિદેશી નાગ‌િરકો સાથે અંગ્રેજીમાં વાતચીત કરી શકે તેવા યુવકની ભરતી કરતો હતો. મોડી રાતે આ કોલ સેન્ટર ચલાવતો હતો, જેમાં તમામ કર્મચારીઓને 40 હજાર કરતાં વધુ પગાર આપવામાં આવતાે હતાે કોઇપણ દસ્તાવેજી પુરાવો રહે તે માટે સાગર ઠક્કર તમામ કર્મચારીઓને રોકડમાં જ પગાર ચૂકવતો હતો બેંક એકાઉન્ટમાં કોઇપણ રૂપિયા જમા કરવાતો નહીં. જે કોઇપણ સારું કામકાજ કરે તે કર્મચારીને પ્રમોશન આપીને અમદાવાદ બોલાવી દેતો હતો.

થાણે પોલીસે વધુમાં જણાવ્યું છે કે રૂપિયા હવાલા મારફતે મંગાવવામાં આવતા જ્યારે પગાર આપવાનો આવે તે દિવસે હવાલા મારફતે રૂપિયાનો થેલો ભરીને આવતો હતો અને પગાર ચુકવાતાે હતાે. જો કોઇ કર્મચારીઓ વિદેશીઓને ઠગવામાં સારી કામગીરી કરી હોય તો તેમને બે થી 20 હજાર રૂપિયા સુઘીનું ઇન્સેટિવ આપવામાં આવતું હતું. મેજિક બોક્સ દ્વારા આ સમગ્ર કૌભાંડ ઓપરેટ થતું ભારતમાં પ્રતિબંધિત આ બોક્સ લાવીને ફોન સાથે લગાવી દેવામાં આવતું હતું. જેથી કોઇપણ વ્યકિત વિદેશમાં ફોન કરે તે વિદેશીઓને ત્યાંનો લોકલ જ નંબર દેખાતો હતો, વિદેશમાં બેઠેલા ઓપરેટર દ્વારા વિદેશી નાગરિકોના ડેટા અમદાવાદ મોકલવામાં આવતાે હતાે ત્યાર બાદ તમામ લોકોને ફોન કોલ્સ થતા હતા.

અધિકારીએ જણાવ્યું છે કે આરોપી સાગર ઠક્કર સહિત અન્ય 9 અમદાવાદીઓનાં નામ ખુલ્યાં છે. જેમને પકડવા માટે થાણે ક્રાઇમ બ્રાંચની એક ટીમ અમદાવાદમાં આવી છે. છેલ્લા ઘણા દિવસથી આરોપીઓને પકડવા માટેની તજવીજ ચાલી રહી છે ત્યારે પ્રહ્લાદનગર વિસ્તારમાં આવેલા પિનેકલ બિઝનેસ સેન્ટરમાં ચાલતાં પાંચ કોલ સેન્ટર પર દરોડા પાડવામાં આવ્યા હતા. જોકે સાગર ઠક્કર તમામ કોલ સેન્ટર બંધ કરીને ફરાર થઇ ગયો છે. આ કેસમાં હાલ તો સાગર ઠક્કરની ધરપકડ કરવા માટે પોલીસ તનતોડ મહેનત કરી રહી છે.

અમદાવાદના પોશ વિસ્તારમાં ચાલતા ૫૦ કરતા વધુ ઈન્ટરનેશનલ કોલ સેન્ટર રાતોરાત બંધ થઈ ગયા હોવાનું જાણવા મળ્યું છે. થાણે ક્રાઈમ બ્રાંચની ટીમે અમદાવાદમાં ધામા નાંખતા તમામ કોલ સેન્ટરોને બંધ કરી દેવાયા છે. કોલ સેન્ટર ચલાવતા એક સંચાલકે નામ નહીં અાપવાની શરતે જણાવ્યું છે કે અમદાવાદ શહેરમાં તમામ જગ્યાએ જે કોલ સેન્ટરો ચાલે છે તેની તમામ વિગતો પોલીસને જાણ છે. પોલીસની રહેમ નજર હેઠળ જ આ કોલ સેન્ટરો ચાલે છે. આનંદનગર, નવરંગપુરા જેવા વિસ્તારોમાં અગાઉ પોલીસે આવા ગેરકાયદે કોલ સેન્ટરો પર દરોડા પાડ્યા હતા.

Navin Sharma

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

15 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

15 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

15 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

15 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

15 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

15 hours ago