Categories: Gujarat

થલતેજના રેસ્ટોરાંમાં દારૂ અને હુક્કાની મહેફિલમાં પોલીસ ત્રાટકી

અમદાવાદ: શહેરના થલતેજ વિસ્તારમાં ઝાયડસ હોસ્પિટલ પાછળ આવેલી અર્બન કલબ રેસ્ટોરન્ટમાં ચાલતી હુક્કા-દારૂની મહ‌ેફિલ પર સોલા પોલીસે દરોડો પાડ્યો હતો. પોલીસે મહ‌ેફિલ માણતા રેસ્ટોરન્ટના માલિક, વિદ્યાર્થી, હોટલ માલિકો અને એનઆરઆઇ સહિત પાંચની ધરપકડ કરી હતી. રેસ્ટોરન્ટમાં મોડી રાત્રે જામેલી મહ‌ેફિલમાં હુક્કો મળી આવ્યો હોવા છતાં પોલીસે હુક્કો મુદ્દામાલ તરીકે દર્શાવ્યો નથી. ઉપરાંત ૧૦ થી વધુ શખસ મહ‌ેફિલમાં હાજર હોવા છતાં માત્ર પાંચ લોકો જ મહ‌ેફિલ માણતા હોવાનું ચોપડે નોંધાયું છે. સૂત્રોના જણાવ્યા મુજબ કેસને રફેદફે કરવા તેમજ અગાઉની જેમ પણ છોડી મૂકવા ભલામણ કરવા કેટલાક શખસ પોલીસ સ્ટેશને પણ દોડી  ગયા હતા.

મળતી માહિતી મુજબ ગત રાત્રે સોલા પોલીસ સ્ટેશનની વન ગાડીને પોલીસ કંટ્રોલ રૂમમાંથી મેસેજ મળ્યો હતો કે ઝાયડસ હોસ્પિટલ પાછળ આવેલી અર્બન કલબ એન્ડ રેસ્ટોરન્ટમાં હુક્કા અને દારૂની મહેફિલ ચાલે છે. જેના આધારે સોલા પીએસઆઇ એમ.એલ. રાજપૂત અને તેમની ટીમે રેસ્ટોરન્ટ પર દરોડો પાડ્યો હતો. દરોડા દરમ્યાન રેસ્ટોરન્ટમાં ૧૦ થી વધુ લોકો હાજર હતા.

પોલીસે રેસ્ટોરન્ટના માલિક પ્રતીક ગજ્જર સહિત એનઆરઆઇ, વિદ્યાર્થી અને બે હોટલ માલિકોને દારૂ પીધેલી હાલતમાં ઝડપ્યા હતા. રેસ્ટોરન્ટમાં આવેલી કાચની કેબિનમાં બેસી તેઓ દારૂની મહ‌ેફિલ માણી રહ્યા હતા. સોલા પોલીસ દ્વારા રેસ્ટોરન્ટમાં ચાલતી મહ‌ેફિલ પર દરોડો પડતાં સોલા પોલીસ સાથે ઘરોબો ધરાવતા કેટલાક લોકો પોલીસ સ્ટેશન દોડી આવ્યા હતા અને અગાઉ દારૂની મહ‌ેફિલના કેસમાં પતાવટ કરી જવા દીધા હતા તેમ જવા દેવા ભલામણો કરી હતી. જોકે પોલીસે કેસ ન બતાવીએ તો અમારા પર આક્ષેપ થાય છે તેમ જણાવી દીધું હતું.

ઉપરાંત પોલીસને રેસ્ટોરન્ટમાંથી એક દારૂની બોટલ, બે સોડાની ખાલી બોટલ, ખાણી-પીણીનો સામાન અને હુક્કો મળી આવ્યો હતો. જોકે પોલીસે હુક્કાને મુદ્દામાલ તરીકે દર્શાવ્યો ન હતો. સોલા પોલીસે પાંચ લોકોની ધરપકડ કરી મુદામાલ જપ્ત કરી કાર્યવાહી હાથ ધરી છે.
http://sambhaavnews.com/

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

2 days ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

2 days ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

2 days ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

2 days ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

2 days ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

2 days ago