Categories: Sports

આ ટેસ્ટમેચથી રાજકોટમાં ઈતિહાસ સર્જાશે

સૌરાષ્ટ્રના આર્થિક પાટનગર ગણાતા રાજકોટના ખંઢેરી ક્રિકેટ સ્ટેડિયમ પર ૯ નવેમ્બર, ર૦૧૬ના રોજ ભારત અને ઈંગ્લેન્ડ વચ્ચે ટેસ્ટમેચનો પ્રથમ બૉલ પડશે ત્યારે સૌરાષ્ટ્રના ક્રિકેટ ઇતિહાસમાં પણ એક નવું છોગું ઉમેરાશે. રાજકોટ ખાતે આંતરરાષ્ટ્રીય કક્ષાની ટેસ્ટમેચ પ્રથમ વાર રમાઈ રહી છે. ક્રિકેટના ફોર્મેટમાં એકદિવસીય (વન-ડે) મેચ બાદ ઈન્ડિયમ પ્રીમિયર લીગની ટ્વેન્ટી-ર૦ મેચ રાજકોટમાં રમાઈ ચૂકી છે. હવે પહેલી વાર રાજકોટને આંતરરાષ્ટ્રીય ટેસ્ટ મેચનું સ્ટેટસ મળતા અમદાવાદના મોટેરા સ્ટેડિયમ પછી રાજ્યમાં ટેસ્ટમેચ રમાઈ હોય તેવું બીજું ક્રિકેટ ગ્રાઉન્ડ ખંંઢેરી મેદાન બન્યું છે.

સૌરાષ્ટ્રનો ક્રિકેટ સાથે દોઢ સદીનો નાતો રહ્યો છે. ૧૯ર૯માં ભારતીય ક્રિકેટ બોર્ડની થઈ એ પહેલાંથી સૌરાષ્ટ્રમાં ક્રિકેટ રમાતી હતી. સૌરાષ્ટ્રના રાજવીઓ ક્રિકેટના શોખીન હતા. ક્રિકેટના ઇતિહાસમાં જામનગરના જામ રણજીનું નામ  તો વિશ્વભરમાં ગૌરવથી લેવાઈ રહ્યું છે. રાજકોટ ખાતે હવે ઈંગ્લેન્ડ સામે પહેલી

ટેસ્ટમેચ રમાઈ રહી છે ત્યારે યોગાનુયોગ જામ રણજી ઈંગ્લેન્ડ ક્રિકેટ ટીમ વતી રમી ચૂક્યા છે તે સૌરાષ્ટ્ર માટે ગૌરવની વાત છે. જામ રણજીના નામે જ ભારતમાં ડોમેસ્ટિક ક્રિકેટમાં રણજી ટ્રોફી રમાડાય છે, ઉપરાંત પોરબંદરના લેજન્ડરી ક્રિકેટર દુલિપસિંહના નામે પણ દુલિપ ટ્રોફી રમાડવામાં આવે છે. સૌરાષ્ટ્રે ભારતીય ક્રિકેટને વિનુ માંકડ, કરશન ઘાવરી, ધીરજ પરસાણા, સલીમ દુરાની જેવા ખેલાડીઓ તથા નવી પેઢીમાં ચેતેશ્વર પૂજારા, રવીન્દ્ર જાડેજા જેવા દિગ્ગજ ખેલાડીઓ આપ્યા છે.

રાજકોટમાં પ્રથમ વન-ડે ૧૯૮૬માં રમાઈ
રાજકોટના રેસકોર્સ ગ્રાઉન્ડમાં પહેલી આંતરરષ્ટ્રીય વન-ડે મેચ ૭ ઓક્ટોબર, ૧૯૮૬ના રોજ ભારત અને ઓસ્ટ્રેલિયા વચ્ચે રમાઈ હતી. ત્યારથી અત્યાર સુધીમાં ૧૪ આંતરરાષ્ટ્રીય વન-ડે મેચો રમાઈ છે. ૧૯૩૪માં જામ રણજીના નામે રણજી ટ્રોફીની મેચો રમાવાની શરૂઆત થઈ ત્યારથી રપ૦થી વધુ મેચો સૌરાષ્ટ્ર રમી ચૂક્યું છે. એ સમયે સૌરાષ્ટ્રમાંથી નવાનગર (જામનગર એક સમયે નવાનગર તરીકે ઓળખાતું હતું) અને વેસ્ટર્ન ઈન્ડિયા ક્રિકેટ એસોસિયેશન (વિસ્કા)ના નામે બે ટીમો રમતી. ૧૯પ૦ના અરસામાં સૌરાષ્ટ્ર ક્રિકેટ એસોસિયેશનના નામે રણજી ટ્રોફીમાં ટીમ ઉતારવાની શરૂઆત થઈ હતી.

રાજકોટ નજીકના ખંઢેરી ખાતે કરોડોના ખર્ચે વિશ્વ સ્તરની આધુનિક સુવિધાયુક્ત સ્ટેડિયમનું નિર્માણ કરાયું છે. સૌરાષ્ટ્રમાંથી અનેક ખેલાડીઓ રાષ્ટ્રીય-આંતરરાષ્ટ્રીય સ્તરે ઉભરી રહ્યા છે. સૌરાષ્ટ્રની ટીમ ર૦૦૭માં રણજી ટ્રોફીમાં વન-ડે ટુર્નામેન્ટમાં ચેમ્પિયન પણ બની હતી.

હવે રાજકોટમાં પ્રથમ ટેસ્ટમેચ રમાઈ રહી હોવાથી સૌરાષ્ટ્રવાસીઓમાં આનંદ છે. આ અંગે સૌરાષ્ટ્રની રણજી ટીમના પૂર્વ કેપ્ટન અને હાલના કૉચ સિતાંશુ કોટક કહે છે, “રાજકોટ ખાતે આંતરરાષ્ટ્રીય ટેસ્ટમેચ રમાઈ રહી છે એ સૌરાષ્ટ્રના ક્રિકેટરો માટે એક ગૌરવની બાબત છે. અનેક નવા ખેલાડીઓને ભવિષ્યમાં આવી મેચ જોવાની તક મળશે, જે એક પ્રકારે બળ પૂરું પાડશે.”

રાજકોટમાં વન-ડે મેચ તથા આઈપીએલ ટ્વેન્ટી-ર૦ મેચો ખૂબ સુંદર રીતે રમાઈ છે અને ક્રિકેટ સંઘે તેની નોંધ લીધી છે. હવે રાજકોટને ટેસ્ટમેચ માટેનું સ્ટેટ્સ મળ્યું છે, જે વિશ્વ ક્રિકેટના નકશામાં રાજકોટે મજબૂત સ્થાન મેળવ્યું હોવાનું પ્રદર્શિત કરે છે.

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

5 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

6 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

6 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

6 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

6 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

6 hours ago