Categories: India

પુલવામામાં સુરક્ષા દળોએ આતંકીને ઠાર માર્યોઃ ત્રણ ત્રાસવાદી ફરાર

શ્રીનગર: જમ્મુ-કાશ્મીરના પુલવામા જિલ્લામાં રવિવારે રાત્રે શરૂ થયેલી આતંકીઓ અને સુરક્ષા દળો વચ્ચેની અથડામણ જારી છે. આ અથડામણ દરમિયાન પુલવામાના બામનુ વિસ્તારમાં એક આતંકીને ઢાળી પણ દેવામાં આવ્યો છે. આતંકીઓ વિરુદ્ધ આ લખાઇ રહ્યું છે ત્યારે ઓપરેશન જારી છે. આતંકીઓ એક ઘરમાં છુપાયેલા છે. સુરક્ષા દળો દ્વારા સમગ્ર વિસ્તારમાં સઘન સર્ચ ઓપરેશન જારી છે. આતંકીઓ વિરુદ્ધ આર્મી, પોલીસ અને સીઆરપીએફએ એક જોરદાર સંયુકત ઓપરેશન હાથ ધર્યું છે.

આ અગાઉ અવંતીપુરામાં સુરક્ષા દળોના ઘેરામાંથી હિઝબુલ કમાન્ડર રિયાઝ નાયકુ અને સાગરીત સૈફુલ્લા મીર સહિત ત્રણ આતંકીઓ અંધારાનો ફાયદો ઉઠાવીને ફરાર થઇ ગયા હતા. રવિવારે સાંજે પુલવામાના માલંગપુર વિસ્તારમાં બેથી ત્રણ આતંકીઓ હોવાના ઇનપુટ મળ્યા બાદ સુરક્ષા દળોએ તેમને ઘેરી લીધા હતા, જોકે આતંકીઓ અંધારા અને તકનો લાભ લઇ નાસી ગયા હતા.

સુરક્ષા દળોના ઓપરેશન દરમિયાન કેટલાક તોફાની તત્ત્વોએ પથ્થરમારો શરૂ કર્યો હતો, જેથી આતંકીઓ ભાગી શકે અને ખરેખર આવું જ થયું હતું. સુરક્ષા દળોની મુશ્કેલી એ છે કે તેઓ સામાન્ય લોકો પર ફાયરિંગ કરવાનું ટાળેે છે અને સામાન્ય લોકો પથ્થરમારો કરે છે તેની આડમાં આતંકીઓ ભાગી જાય છે. આ અગાઉ શનિવારે અનંતનાગમાં સુરક્ષા દળો અને આતંકીઓ વચ્ચેની અથડામણમાં બે આતંકીઓ ઠાર થયા હતા, જેમાં લશ્કર-એ-તોઇબાનો ટોચનો કમાન્ડર બશીર લશ્કરી માર્યો ગયો હતો.

આતંકીઓએ બશીરને બંદૂકથી સલામી આપી
શનિવારે સુરક્ષા દળોની અથડામણમાં માર્યા ગયેલ આતંકી બશીર લશ્કરીના રવિવારે સાંજે અંતિમ સંસ્કાર કરવામાં આવ્યા હતા અને તેના જનાજામાં ભારે ભીડ એકત્ર થઇ હતી. આ દરમિયાન કેટલાક આતંકીઓ પહોંચી ગયા હતા અને બશીરની કબીર પર બંદૂકથી ફાયરિંગ કરીને સલામી આપી હતી. આતંકી બશીરને દફનાવવા માટે હજારો લોકો એકત્ર થયા હતા. આ દરમિયાન કેટલાક આતંકીઓ પણ નજરે પડ્યા હતા અને આતંકીઓએ બશીરને દફનાવતી વખતે હવામાં ગોળીબાર કરીને સલામી આપી હતી.
http://sambhaavnews.com/

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

23 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

23 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

23 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

23 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

23 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

23 hours ago