Categories: India

વાયુસેનામાં તેજસના પ્રવેશથી સેનાની તાકાતમાં વધારો થયો

તાજેતરમાં દેશમાં પ્રથમ વાર નિર્મિત બે લાઇટ કોમ્બેટ એરક્રાફ્ટ તેજસને બેંગલુરુ ખાતે એરફોર્સમાં વિધિવત્ સામેલ કરવામાં આવ્યાં હતાં. મેઇડ ઇન ઇન્ડિયા તેજસની પ્રથમ સ્ક્વોડ્રોનનું નામ ‘ફલાઇંગ ડેગર્સ-૪પ’ રાખવામાં આવ્યું છે. તેજસ અત્યાર સુધીમાં તમામ પરીક્ષણોમાંથી સફળતાપૂર્વક બહાર આવતાં આ બંને આધુનિક વિમાનોને એરફોર્સમાં સામેલ કરાયાં છે. આના કારણે સેનાની તાકાતમાં અનેકગણો વધારો થશે.

જાહેર ક્ષેત્રની કંપની હિંદુસ્તાન એરોનોટિક્સ લિમિટેડે બંને સ્વદેશી તેજસ બનાવ્યાં હતાં. તેજસ વિમાને રપ૦૦ કલાકની સફરમાં ૩,૦૦૦ વખત ઉડાન ભરી છે અને તેનું અત્યાર સુધીનું પ્રદર્શન સર્વશ્રેષ્ઠ રહ્યું છે. તેજસનાં પરીક્ષણ એર માર્શલ જસબીર વાલિયા અને એચએએલના અધિકારીઓની દેખરેખ હેઠળ હાથ ધરવામાં આવ્યાં હતાં. તેજસની પ્રથમ સ્ક્વોડ્રોનને બે વર્ષ સુધી બેંગલુરુમાં જ રાખવામાં આવશે અને ત્યાર બાદ તેને તામિલનાડુના સલુરમાં શિફ્ટ કરવામાં આવશે.

એરફોર્સને મળ્યા બાદ આ ફ્રન્ટલાઇન જેટ જેવાં કે સુખોઇ-૩૦-એમકેઆઇ, જગુઆર, મિરાજ-ર૦૦૦ની રેન્કમાં સામેલ થયું છે. ત્રીજું તેજસ એરક્રાફટ લગભગ તૈયાર છે, તેને પણ ટૂંક સમયમાં વાયુદળમાં સામેલ કરવામાં આવશે. એલસીએ પ્રોગ્રામને મેનેજ કરવા માટે ૧૯૮૪માં એરોનોટિક ડેવલપમેન્ટ એજન્સી બનાવવામાં આવી હતી. એલસીએ પ્રથમ ઉડાન ર૦૦૧માં ભરી હતી. અત્યાર સુધીમાં એલસીએ ૩૧૮૪ વખત ઉડાન ભરી ચૂક્યું છે.

તેજસ પ૦,૦૦૦ ફૂટની ઊંચાઇ સુધી ઉડાન ભરી શકે છે. તેજસની પાંખો ૮.ર૦ મીટર પહોળી છે અને તેેની લંબાઇ ૧૩.ર૦ મીટર અને ઊંચાઇ ૪.૪૦ મીટર છે. તેજસનું વજન ૬,પ૬૦ કિલોગ્રામ છે. તેજસ દુશ્મનોના વિમાન પર હુમલા કરવા માટે હવામાંથી હવામાં પ્રહાર કરી શકે તેવી ડર્બી મિસાઇલ્સ અને જમીન પર નિશાન માટે આધુનિક લેસર ડેઝિગ્નેટર અને ટાર્ગેટિંગ પોઇન્ટથી સજ્જ છે. તેજસની ફલાઇટ કંટ્રોલ સિસ્ટમ પણ જબરદસ્ત છે. તેજસનું માળખું કાર્બન ફાઇબરથી બનેલું છે, જે ધાતુની તુલનાએ અનેકગણું હળવું અને મજબૂત હોય છે. તેજસ સેન્સર વેવ રડારથી સજ્જ છે, જે દુશ્મનના વિમાન કે જમીન પરથી હવામાં છોડવામાં આવેલ મિસાઇલની તેજસને તાત્કાલિક જાણ કરે છે.

એર ચીફ માર્શલ અરુપ રહાએ ગત ૧૭ મેના રોજ ૩૦ મિનિટ સુધી તેજસનું ટ્રેનર વર્ઝન ઉડાડ્યું હતું. તેજસ એક્ટિવ ઇલેક્ટ્રોનિકલી સ્કેન્ડ એરે રડાર અને એડ્વાન્સ્ડ ઇલેક્ટ્રોનિક વોર ફેર ઇડબ્લ્યુ ફેસિલિટીથી સજ્જ છે. તેથી તેજસ આગામી દિવસોમાં વાયુસેનાની તાકાતમાં અનેકગણો વધારો કરશે. સ્વદેશી યુદ્ધવિમાન બનાવવાનો વિચાર ૧૯૭૦ના દાયકામાં આવ્યો હતો. ૧૯૮૫માં વાયુસેનાઅે આવાં વિમાનોની તેની અપેક્ષાની યાદી સોંપી દીધી હતી ત્યારે લાગતું હતું કે આ વિમાન ૧૯૯૪ સુધીમાં તૈયાર થઈ જશે અને ધીમે ધીમે જૂના મિગ વિમાન-૨૧ યુદ્ધવિમાનનું સ્થાન લેશે, પરંતુ પહેલું તેજસ વિમાન ૨૦૦૧માં ઉડાન ભરી શક્યું હતું. વાયુસેનાની જરૂ‌િરયાત મુજબ તેને ઢાળવામાં વધુ દોઢ દાયકો લાગી ગયો. છેવટે તાજેતરમાં આવાં બે વિમાન ભારતીય વાયુસેનાને સોંપી દેવામાં આવ્યાં છે.

વાયુસેનાના પાઈલટનું માનવું છે કે ભલે તેમની પાસે આ વિમાન મોડેથી આવ્યાં, પરંતુ તે સારી હાલતમાં આવ્યાં હોવાથી તેમાં ઉડાન ભરવાનો ફ્રાન્સમાં બનેલા મિરાજ-૨૦૦૦ વિમાન કરતાં સારો અનુભવ છે, તેમાં વિદ્યુત સંચાલિત રડાર, ઈલેક્ટ્રોનિક યુદ્ધ ઉપકરણ, આકાશમાં ઈંધણ ભરવાની સુવિધા છે. આ ઉન્નત મિસાઈલ સાથે જોડાઈ શકે છે, જોકે તેજસના પ્રવેશ માટે લાંબો ઈંતેજાર કરવો પડ્યો તેના પરથી સબક શીખવાની જરૂર છે. નોંધપાત્ર અે છે કે હાલ જે વિમાન વાયુસેનાને મળ્યું છે તે તેજસનું અેમકે-૧ સંસ્કરણ છે. વર્તમાન સંરક્ષણની બાબતો સામેના પડકારની દૃષ્ટિએ વધુ ઉપયુક્ત સંસ્કરણ અેમકે-૨ આવવામાં હજુ ત્રણથી પાંચ વર્ષ લાગી શકે તેમ છે.

મે-૨૦૧૫માં રજૂ થયેલા અહેવાલમાં સીઅેજીઅે અનેક ખામીઓ તરફ સંકેત વ્યક્ત કરતાં અેમકે-૧ની યુદ્ધ સંબંધી તૈયારીઓ અંગે કેટલાક ગંભીર સવાલ કર્યા હતા. અેમકે-૧ સંભવતઃ બે દાયકા પહેલાંની જરૂરિયાતને અનુરૂપ હતું. યોજના અેવી હતી કે સમય જતાં તેજસનાં વધુ સક્ષમ સંસ્કરણ આવતાં રહેશે, તેમાં વિલંબ કેમ થયો તે વિવાદાસ્પદ બાબત છે. વિમાન બનાવનારી કંપનીનો દાવો છે કે વાયુસેનાઅે વારંવાર ફેરફાર કર્યા હતા તેથી આમ થયું હતું.

divyesh

Recent Posts

ઘેર બેઠા બનાવો ટેસ્ટી અને પૌષ્ટિક આઇટમ ફ્રૂટ લસ્સી

સૌ પ્રથમ તમારે ફ્રુટ લસ્સી બનાવવા માટે આપે ઢગલાબંધ સિઝનેબલ ફળોનો ઉપયોગ કરવો પડશે. તમને આજે અમે ફ્રૂટ લસ્સી કઈ…

8 hours ago

ભગવાન શિવ બાદ રામની શરણે રાહુલ ગાંધી, જઇ શકે છે ચિત્રકૂટ

ન્યૂ દિલ્હીઃ તાજેતરમાં જ થોડાંક દિવસો પહેલાં જ માનસરોવર યાત્રાએથી પરત ફરેલ કોંગ્રેસનાં અધ્યક્ષ રાહુલ ગાંધી હવે ભગવાન રામની શરણે…

9 hours ago

રાજકોટ ખાતે વડોદરા PSIનાં આપઘાત મામલે કરણીસેનાનો ઉગ્ર વિરોધ

રાજકોટઃ વડોદરાનાં પોલીસ સબ ઈન્સ્પેક્ટર અજયસિંહ જાડેજાનાં આપઘાત મામલે કરણીસેનાએ ઉગ્ર વિરોધ કર્યો હતો. ગ્રીનલેન્ડ ચોકડી પાસે ચક્કાજામ કરીને કરણીસેનાએ…

10 hours ago

અમદાવાદ સહિત રાજ્યભરમાં મેઘરાજાનું ધમાકેદાર આગમન, લોકોને ગરમીથી રાહત

ગુજરાતઃ ઓરિસ્સામાં હાહાકાર મચાવ્યાં બાદ 'ડેઈ તોફાને' હવે દેશનાં અન્ય રાજ્યોને પણ પોતાની લપેટમાં લઇ લીધાં છે. ત્યારે ડેઈ તોફાનને…

11 hours ago

સુરતઃ પાકિસ્તાનનાં PM ઇમરાન ખાનનાં પુતળાનું કોંગ્રેસ દ્વારા જાહેરમાં દહન

સુરતઃ શહેરમાં પાકિસ્તાન પીએમ ઈમરાન ખાનનાં પુતળાનું દહન કરવામાં આવ્યું છે. કોંગ્રેસ દ્વારા પૂતળાનાં દહનનું આયોજન કરવામાં આવ્યું હતું. સુરતનાં…

12 hours ago

વડોદરાઃ ડભોઇ ખાતે બે ટ્રકો સામસામે અથડાતાં એકનું મોત, ત્રણને બહાર કઢાયાં

વડોદરાઃ ડભોઈ તાલુકા અંબાવ ગામ નજીક બે ટ્રકો સામસામે ભટકાતાં ઘટના સ્થળે જ એકનું મોત નિપજ્યું હતું જ્યારે અન્ય ૩…

13 hours ago