વિશ્વમાં પ્રથમ વાર ટેલસબોન ફીટ કર્યાનું ઓપરેશન સફળ, ડોક્ટરે ઝીલ્યો પડકાર

વડોદરાઃ ટેક્નોલોજીનો માનવ કલ્યાણ માટે ઉપયોગ થાય છે ત્યારે વિજ્ઞાનનો હેતુ સાર્થક થાય છે. ટેક્નોલોજીની શક્તિ અને માનવની ઈચ્છાશક્તિ જ્યારે ભેગાં થાય છે ત્યારે જનકલ્યાણ માટે નવા સર્જનનાં વધામણાં થાય છે. છોટા ઉદેપુરનાં એ દર્દીએ અકસ્માતમાં પગ તો ગુમાવ્યો પરંતુ એક ડોક્ટરની મહેનત અને બુદ્ધિએ દર્દીને પોતાનાં પગે ચાલતો કરી દીધો. એટલું જ નહીં આ ઘટનાએ તબીબી જગતમાં નવો આયામ ઊભો કરી દીધો.

આ છે વડોદરાની માજલપુર વિસ્તારમાં આવેલી ઓર્થોપેડિક હોસ્પિટલનાં ડોક્ટર અને તેમનાં હાથમાં જોવા મળી રહ્યું છે તે છે દર્દી માટે આશીર્વાદરૂપ ટેલસબોન. ડોક્ટર આ માનવ સર્જિત ટેલસબોન હાથમાં ગૌરવભેર દર્શાવી રહ્યાં છે. આ ટેલસબોનથી દર્દીને લાભ તો થયો જ છે ને સાથે તેમનાં માટે ગૌરવશાળી સફળતા પણ નોંધાઈ ચૂકી છે. ડોક્ટરની સિદ્ધિ અને ટેક્નોલોજીનાં આશીર્વાદને જાણવા ધટનાનાં મૂળ સુધી જવું પડશે.

શહેરનાં માજલપુરમાં આવેલી એક હોસ્પિટલમાં આજથી ત્રણ મહિના પહેલાં એક અજીબોગરીબ અકસ્માતની ઘટનામાં ઘાયલ દર્દી આવ્યો હતો. અકસ્માતમાં આ દર્દીનાં પગની ઘૂંટી વચ્ચે આવતો ટેલસબોન અલગ પડી ગયો હતો. વિશ્વમાં અત્યાર સુધી ક્યારે આ ટેલસબોનને ફીટ કરવાનું કોઈ ઓપરેશન થયું નથી. પરંતુ હિંમત હારે તે બીજા ડોક્ટર. રાજીવ શાહે પડકાર ઝીલી લીધો અને એક નવું સંશોધન કર્યું.

ડોક્ટરે થ્રીડી પ્રિન્ટનાં આધારે મેટલમાંથી ટેલસબોન બનાવ્યું અને તેને ઓપરેશન કરી અને દર્દીનાં પગમાં ફિટ કર્યું. છોટા ઉદેપુરથી દાખલ થયેલાં ઘાયલ દર્દી સરતાન રાઠવાનું સફળ ઓપરેશન થયું. આજે સરતાન રાઠવા પોતાનાં પગ ઉપર ચાલી શકે છે. આવા અકસ્માતમાં દર્દીનાં પગને ટૂંકો કરવો પડે છે અથવા તો કાપી નાખવો પડે છે જો કે વડોદરાનાં તબીબે વિશ્વમાં પ્રથમ વાર મેટલનો ટેલસબોન બનાવી સફળ રીતે દર્દીનાં પગમાં ફીટ કર્યો છે અને વૈશ્વિક કક્ષાએ આ અનોખા ઓપરેશનની નામના મેળવી છે.

પહેલાનાં સમયમાં આ પ્રકારનાં અકસ્માતમાં કાંતો દર્દીનો પગ કાપી નાખવો પડતો હતો. કાંતો દર્દીનાં પગને ટૂંકો કરવો પડતો હતો. સરતાન રાઠવાને જ્યારે અકસ્માત થયો ત્યારે ઘટના સ્થળે જ પગનાં ઘૂંટી ટેલસબોન સ્થળ પર જ છૂટો પડી ગયો હતો. જો કે દર્દીનાં સગા હાડકાંનો એ ટુકડો હોસ્પિટલ લઈ આવ્યાં અને ડોક્ટરને આ હાડકાંનો એ ટુકડો જોઈને નવું સંશોધન કરવાની પ્રેરણા મળી.

ડોક્ટરે એ હાડકાનાં ટુકડાનાં આધારે મુંબઈમાં થ્રીડી ટેલસબોન મોડલ બનાવ્યું અને મેટલનો ટેલસબોન બનાવવામાં આવ્યો. ત્યાર બાદ દાખલ થયેલાં ઘાયલ દર્દી સરતાન રાઠવાનું સફળ ઓપરેશન થયું.. ડોક્ટરનાં સંશોધન અને દર્દીની શ્રદ્ધાનાં કારણે આજે સરતાન રાઠવા પોતાનાં પગ ઉપર ચાલી શકે છે.

રાજીવ શાહની આ શોધનાં કારણે વિશ્વનાં અનેક દેશોએ તેમનું સંશોધન પોતાનાં દેશોમાં આવે તે માટે ડોક્ટર રાજીવ શાહને બોલાવવામાં આમંત્રણ આપવામાં આવી રહ્યું છે. જો કે રાજીવ શાહની આ નવી શોધ અને ઓપરેશનથી છોટા ઉદેપુરનાં એક આદિવાસી યુવકને પોતાનું અંગ પરત મળ્યું છે અને મેડિકલ ક્ષેત્રે એક નવો આયામ ઉમેરાયો છે.

Dhruv Brahmbhatt

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

9 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

9 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

9 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

10 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

10 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

10 hours ago