ભારત અને ન્યૂઝીલેન્ડ વચ્ચે કાંટે કી ટક્કર : દર્શકોમાં ઉત્સુકતા

અમદાવાદ : ભારત અને ન્યૂઝીલેન્ડ વચ્ચે ટી20 વર્લ્ડકપ – 2016ની પ્રથમ મેચ યોજાવા જઇ રહી છે. નાગપુર ખાતે 7.30થી આ મેચ શરૂઆત થશે. અત્રે નોંધનીય છે કે વર્લ્ડકપમાં ભારતની આ પહેલી મેચ હોઇ ભારે ઉત્સુકતા જોવા મળશે. બીજી તરફ ન્યૂઝીલેન્ડ અને ભારત બંન્ને ટીમો મજબુત અને હાલ ઇનફોર્મ છે. બંન્નેનાં ખેલાડીઓ એકબીજાને આકરી ટક્કર આપે તેવા છે. જો કે ખિતાબ માટે ભારતને જ દાવેદાર માનવામાં આવી રહ્યું છે.

સચિન તેંડુલકરનું માનવું છે કે એશિયા કપમાં ધોનીનાં શોટનો જે અવાજ આવી રહ્યો છે તે ટી-20 વર્લ્ડ કપ માટે સકારાત્મક છે. સચિને કહ્યું કે વિશ્વનો કોઇ પણ ખેલાડી પોતાની ક્રિકેટ કારકિર્દી દરમિયાન હંમેશા સારા ફોર્મમાં નથી રહેતો. કારણ કે તેને પણ થાક લાગતો હોય છે તે પણ માણસ છે મશીન નહી. મે ધોનીનાં બેટથી બોલ ટકરાવા દરમિયાન થયેલો અવાજ સાંભળ્યો હતો. તે અવાજ અનુભવીને મને લાગ્યું કે આ કોઇ અલગ જ અવાજ છે. આ અવાજ પરથી સંકેત મળી રહ્યા છે કે તેની માનસિકતા બદલાઇ ચુકી છે.

અત્રે નોંધનીય છે કે એશિયા કપ જીત્યા બાદ ભારતીય ટીમનાં મનોબળમાં વધારો થયો છે. તે ઉપરાંત વર્લ્ડ કપ ભારતમાં જ હોઇ સ્થાનિક પીચનો અનુભવ પણ કામ લાગશે. ધોનીની આગેવાની હેઠલ 2007નાં વર્લ્ડ કપમાં ભારતીય ટીમ વિજેતા બની હતી. આ વર્લ્ડ કપ દરમિયાન યુવરાજસિંહ, હરભઝન સિંહ અને રોહિત શર્માનો સારોએવો દેખાવ રહ્યો હતો.

You might also like