Categories: India

પ્રભુનું બજેટ સુવિધા, સંપર્ક, સહકાર અને સામર્થ્ય સભર હોવાની શક્યતા

નવી દિલ્હી: કેન્દ્રીય રેલવે પ્રધાન સુરેશ પ્રભુ આજે ર૦૧૬-૧૭ માટેનું રેલવે બજેટ રજૂ કરશે. સુરેશ પ્રભુએ જણાવ્યું હતું કે રેલવે બજેટ બધાને માટે સંતોષકારક હશે. સુરેશ પ્રભુ રેલવે પ્રવાસીઓને ખાસ કરીને રેલ ભાડામાં રાહત આપશે કે કેમ? અને બીજી કેવા પ્રકારની સુવિધાઓ આપશે તેના પર તમામની મીટ મંડાયેલી છે. ખાસ કરીને રેલ ભાડા વધારા અંગે સસ્પેન્સ પ્રવર્તે છે. એક વર્ગનું કહેવું છે કે સુરેશ પ્રભુ રેલ ભાડામાં વધારો કરશે. જ્યારે અન્ય એક વર્ગનું કહેવું છે કે સુરેશ પ્રભુ રેલ ભાડું વધાર્યા વગર પ્રવાસીઓને સવલતો અને સુવિધાઓની લહાણી કરશે.

જોકે અેક વાત એવી પણ છે કે રેલવે પ્રધાન ભાડામાં સીધો વધારો નહીં કરે, પરંતુ આડકતરી રીતે વિવિધ સુવિધાઓના દર બેક ડોર વધારીને રેલવે માટે આવક ઊભી કરવાનો પ્રયાસ કરશે. અા વખતે રેલવે બજેટમાં સૌથી વધુ ધ્યાન કસ્ટમર કેર અને સર્વિસ તેમજ રેલવે યાત્રાને હાઇટેક બનાવવા પર કેન્દ્રિત કરવામાં આવશે. રેલવે પ્રધાન બજેટમાં રૂ.૧.રપ લાખ કરોડની વાર્ષિક યોજના રજૂ કરશે. આ વખતે રેલવે બજેટમાં નીચે દર્શાવેલી મહત્ત્વની બાબતો પર ધ્યાન કેન્દ્રીત કરવામાં આવશે.

• રેલવે પ્રધાન ગરીબો માટે ઓછા ભાડાવાળી સમર્થ ટ્રેનની જાહેરાત કરી શકે છે. જોકે કેટલીક નવી ટ્રેનોની પણ જાહેરાત થઇ શકે છે.
• રેગ્યુલર મેઇલ-એકસપ્રેસ ટ્રેનોમાં જનરલ કોચની સંખ્યા વધારવામાં આવશે. અત્યાધુનિક સુવિધાઓ સાથે વર્તમાન ટ્રેનોનો વિસ્તાર કરવામાં આવશે.
• રેલવે યાત્રાને હવે વધુ હાઇટેક બનાવવા પર ધ્યાન કેન્દ્રિત કરવામાં આવશે. જેમાં વાઇફાઇ જેવી સુવિધાઓ આપવામાં આવશે.
• રેલવેમાં આઇટી પર વધુ ધ્યાન આપવામાં આવશે. ટ્રેનોના સુર‌િક્ષત સંચાલન માટે ટ્વિટર, ફેસબુક, વોટસએપ જેવા સોશિયલ મીડિયાને એક પ્લેટફોર્મ પર લાવનારી વેબસાઇટ બનાવવાની જાહેરાત કરવામાં આવશે. ભવિષ્યમાં આ વેબસાઇટો પર ટ્રેનો સાથે જોડાયેલી તમામ માહિતી, ફરિયાદ, સૂચનો, ઉકેલ પ્રવાસીઓ મેળવી શકશે.
• ટ્રેનોમાં ભોજન સેવાને શ્રેષ્ઠ બનાવવા માટે ઇ કેટરિંગનું વિસ્તરણ કરવામાં આવશે. અેડ્વાન્સ પેસેન્જર રિઝર્વેશનનો સમય ૧ર૦ દિવસથી ઘટાડીને ૬૦ કે ૩૦ દિવસનો કરવામાં આવશે.
• ઓન બોર્ડ હાઉસકિપિંગ માટે ૪૦૦ ટ્રેનનો સમાવેશ કરીને સફાઇ વ્યવસ્થા પર વધુ ધ્યાન આપવામાં આવશે.
• મહિલાઓની સુરક્ષા માટે નવી મોબાઇલ એપ, ટ્રેનોમાં સીસીટીવી કેમરા આરપીએફ, જીઆરપીએફની નિમણૂક જેવાં પગલાં લેવામાં આવશે.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

2 days ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

2 days ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

2 days ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

2 days ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

2 days ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

2 days ago