VIDEO: જનેતા જ બની ડાકણ, પોતાનાં માસુમ પુત્રને માર્યો ઢોર માર

સુરતઃ માતા હંમેશા પોતાનાં પુત્રનાં માટે કોઇ પણ હદે રક્ષા કરતી હોય છે. પરંતુ સુરતનાં ડીંડોલી વિસ્તારમાં માતાની મમતાને શર્મસાર કરી મૂકે તેવી એક ઘટના સામે આવી છે. જેમાં માતાનો જ પુત્રની મારઝૂડ કરતો એક વીડિયો સામે આવ્યો છે.

જેમાં માતૃત્વને લાંછન લાગી રહ્યું છે તેમ કહી શકાય. આ સમગ્ર ઘટના એવી છે કે જેમાં એક દંપતિનાં છૂટાછેડા થયાં હતાં. જેમાં છૂટાછેડા પછી પત્નીએ પોતાનાં પતિ પાસે ભરણપોષણ માટે રૂપિયાની માંગણી કરી હતી.

જેનાં માટેનાં મામલે માતાએ પોતાનાં જ માસુમ પુત્રને માર મારવાનું શરૂ કર્યું. માતાએ પોતાનાં 4 વર્ષનાં પુત્રનો વીડિયો બનાવીને બાદમાં પોતાનાં જ પતિને બ્લેકમેલ કર્યો હતો. આ વીડિયોમાં જોવા મળે છે કે, માતા પોતાનાં જ પુત્રનાં હાથને દોરી વડે બાંધીને તેને માર મારી રહેલ છે. આ વીડિયોમાં પુત્રનો જોર શોરથી રડવાનો અને ચિચીયારીઓ સાંભળવા મળી રહી છે.

માતા આ વીડિયોનાં માધ્યમથી પોતાનાં પતિને બ્લેકમેલ કરવા માંગે છે. એટલું જ નહીં આ સમગ્ર ઘટના પોલીસ સામે પહોંચી ત્યારે સામે આવ્યું કે, પતિએ પત્નીને ભરણપોષણ માટેનાં પૈસા ન આપવાનાં કારણે પુત્ર પર અત્યાચાર કરી રહી છે તેમજ તેને પુત્રને મારી નાખવાની પણ ધમકી આપી છે. આ વીડિયો સામે આવ્યાં પછી પોલીસે આ સમગ્ર મામલે વધુ તપાસ હાથ ધરી છે.

ત્યારે અહીં અનેક સવાલો પણ ઉભા થાય છે કે, રૂપિયા પડાવવા આખરે માતાએ દીકરાને કેમ બંધક બનાવ્યો? મા-બાપનાં છુટાછેડામાં આ માસૂમનો શું વાંક છે? પૈસા પડાવવા દીકરાને પીડા કેમ? રૂપિયા માટે દીકરાને મારી નાખવાની ધમકી કેમ? જેવાં અનેક પ્રકારનાં સવાલો ઉભા થઈ રહ્યાં છે.

You might also like