IPL-11: મુંબઇની પાંચમી હાર, હૈદરાબાદની ચોથી જીત

સનરાજર્સ હૈદરાબાદની ટીમે મંગળવારે આઇપીએલ-2018ની રોમાંચક 23મી મેચમાં પોતાના બોલરના શાનદાર પ્રદર્શન પર મુંબઇ ઇન્ડીયન્સને 31 રને પરાજય આપ્યો છે. વાનખેડે મેદાનમાં રમાયેલ મેચમાં હૈદરાબાદની ટીમે પહેલા બેટિંગ કરતાં 18.4 ઓવરમાં 118 રન પર ઓલઆઉટ થઇ ગઇ હતી.


જવાબમાં મુંબઇ ઇન્ડિયન્સની ટીમનું પ્રદર્શન ઘણું ખરાબ રહ્યું હતુ. મુંબઇની ટીમ 18.5 ઓવરમાં 87 રન પર ઓલઆઉટ થઇ ગઇ હતી. આ મેચ શાનદાર બોલિંગના કારણે યાદ રાખવામાં આવશે કારણ કે આ ટી-20 મેચમાં બંને ટીમ ઓલઆઉટ થઇ ગઇ હતી. ઓછા સ્કોરની મેચમાં હૈદરાબાદની ટીમના બોલરે શાનદાર પ્રદર્શન બતાવ્યું હતું.

હૈદરાબાદની ટીમની 6 મેચમાંથી આ ચોથી જીત હતી જ્યારે મુંબઇ ઇન્ડિયન્સનો 6 મેચમાંથી આ પાંચમો પરાજય હતો. 119 રનના લક્ષ્યનો પીછો કરવા ઉતરેલી મુંબઇ ઇન્ડીયન્સ ટીમની શરૂઆત ઘણી ખરાબ રહી હતી. હૈદરાબાદની ટીમ તરફથી સિદ્ધાર્થ કૌલે ચાર ઓવરમાં 23 રન આપી સૌથી વધું ત્રણ વિકેટ ઝડપી હતી.

રાશિદ ખાન અને બેસિલ થંપીએ બે-બે વિકેટ ઝડપી હતી. મુંબઇ તરફથી સૌથી વધારે 34 રન સૂર્યકુમાર યાદવે કર્યા હતા. આ પહેલા મુંબઇ ઇન્ડિયન્સની ટીમના બોલરોના શાનદાર પ્રદર્શનના કારણે હૈદરાબાદની ટીમ 118 રન પર ઓલઆઉટ થઇ ગઇ હતી. મુંબઇ તરફથી હાર્દિક પંડયા, મેકલેનાધન અને મયંક માર્કેંડેએ બે-બે વિકેટ ઝડપી હતી.

You might also like