Categories: World

કાબુલમાં સ્યુસાઈડ એટેકઃ એરપોર્ટ પરના વિદેશી સૈનિકો હતા ટાર્ગેટ

કાબુલઃ અફઘાનિસ્તાનમાં આજે સવારે જબરજસ્ત ધડાકો થયો છે. કાબુલ એરપોર્ટના ઇસ્ટ ગેટને નિશાન બનાવીને આ બ્લાસ્ટ કરવામાં આવ્યો. તેમાં એક વ્યક્તિ મૃત્યુ પામી છે, જ્યારે ચાર વ્યક્તિ ઘાયલ થઈ છે. બ્લાસ્ટની જવાબદારી તાલિબાને લીધી છે.

આ સ્યુસાઇડ એટેકમાં વિદેશી સૈનિકોને ટાર્ગેટ કરવાની કોશિશ કરાઇ હતી. જાણકારી મુજબ એરપોર્ટથી ઇસ્ટ ગેટનો વધુ પડતો ઉપયોગ મોટા ભાગે નાટો અને અમેરિકી સૈનિકો આવવા જવા માટે કરે છે. અફઘાન ગૃહ મંત્રાલયના પ્રવક્તા સાદિક સિદ્દીકીએ જણાવ્યું કે હામિદ કરજાઇ એરપોર્ટના પૂર્વ ભાગમાં એક્સ્પ્લોઝન ભરેલી એક ગાડીમાં બ્લાસ્ટ થયો છે. એરપોર્ટની પાસેના એરિયામાં ફાયરિંગની પણ માહિતી છે. કારમાં બોમ્બ રાખવામાં આવ્યો હતો.

તાલિબાન સાથે વાતચીત શરૂ કરવા માટે પાકિસ્તાનના આર્મી ચીફ જનરલ રહિમ શરીફ રવિવારે કાબુલ પહોંચ્યા. જનરલ શરીફે પોતાની એક દિવસની યાત્રામાં રાષ્ટ્રપતિ ગની, અન્ય સિવિલ અને ફોજી અધિકારીઓ સાથે મિટિંગ કરી. કાબુલ ઇચ્છે છે કે પાકિસ્તાન પોતાનો પ્રભાવનો ઉપયોગ કરી તાલિબાની હુમલા કરતાં રોકે. સાથેસાથે તાલિબાનને રાજનીતિની મુખ્ય ધારામાં પરત ફરવા પણ રાજી કરે. અફઘાનિસ્તાન હાલમાં પાકિસ્તાનથી ખુશ નથી, કેમ કે તાલિબાન આતંકી અફઘાનિસ્તાનમાં હુમલા કરીને પાકિસ્તાનમાં છુપાઇ જાય છે.

અફઘાનિસ્તાનમાં નાટોના જનરલ જોન કેમ્બેલે કહ્યું કે તાજેતરમાં કાબુલ એરફોર્સ સહિત રાજધાનીની અંદર મોટા હુમલા થયા છે તેમાં સિવિલિયન સહિત ૧૦૦થી વધુ લોકો મૃત્યુ પામ્યા છે. કાબુલમાં એવી હાલત થઇ છે કે રોજ ૧૦ આતંકી હુમલા નિષ્ફળ કરવામાં આવે છે. તેમ છતાં પણ છેલ્લા છ મહિનામાં માત્ર કાબુલમાં ૧૨૦૦થી વધુ મૃત્યુ થયાં છે. આતંકીઓ હવે હાઇપ્રોફાઇલ હુમલાને અંજામ આપી રહ્યા છે.

યુનાઇટેડ નેશન્સ આસિસ્ટન્ટ મિશન ઇન અફઘાનિસ્તાન મુજબ ગયા વર્ષે શરૂઆતના છ મહિનામાં કાબુલમાં ૩૦૦થી વધુ મૃત્યુ થયા હતા. અફઘાનિસ્તાનની ડિફેન્સ મિનિસ્ટ્રીના જણાવ્યા મુજબ આખા દેશમાં આતંકી હુમલાઓને કારણે સિક્યોરિટી ફોર્સના જવાનોનાં મૃત્યુના આંકડામાં ૭૫ ટકાનો વધારો થયો છે. ૨૦૧૪માં ૪૬૩૪ અફઘાન જવાન આતંકી હુમલામાં શહિદ થયા હતા.

admin

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

1 day ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

1 day ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

1 day ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

1 day ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

1 day ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

2 days ago