Categories: Gujarat

Sugarfree Cyclothon 2016: 3,000થી વધુ સાઈકલસવારે લીધો ભાગ

અમદાવાદ: પોતાની ગિયર્ડ સાઈકલ્સ અને સ્પોર્ટસ એસેસરીઝ દર્શાવતા ૩,૦૦૦થી વધુ ઉત્સાહી સાઈકલસવારે સુગરફ્રી સાઈક્લોથોન અમદાવાદ ૨૦૧૬માં ભાગ લીધો હતો. જેપી સ્પોર્ટસ એન્ડ ઈવેન્ટ્સ દ્વારા યોજાયેલી આ ઈવેન્ટને ગુજરાતના પ્રવાસન પ્રધાન સૌરભભાઈ પટેલે લીલીઝંડી આપી હતી. આ ઈવેન્ટમાં વિવિધ કેટેગરીઝ હેઠળ કુલ રૂ. ૧૨.૫ લાખના ઈનામો આપવામાં આવ્યા હતા.

રવિવારે વહેલી સવારે યોજાયેલી આ ઈવેન્ટમાં વિવિધ વર્ગ અને વયજૂથના સાઈકલસવારો મોટી સંખ્યામાં ઊમટી પડ્યા હતા. પ્રોફેશનલ રાઈડર્સ ઉપરાંત અનેક ગૃહિણીઓ, બાળકો, વરિષ્ઠ નાગરિકો વિવિધ સ્પર્ધાઓમાં ભાગ લેવા માટે ખૂબ જ ઉત્સુક જણાતા હતા. સાઇકલસવાર માટે સુગરફ્રી સાઇક્લોથોન અમદાવાદ ૨૦૧૬માં પાંચ કેટેગરી હતી – ચેમ્પિયન્સ રાઇડ (૧૦૦ કિમી), ચેલેન્જર્સ રાઇડ (૫૦ કિમી), ગ્રીન રાઇડ (૧૪ કિમી), ફેશન રાઇડ (૫ કિમી) અને કિડ્સ રાઇડ (૨ કિમી). ૧૦૦ કિમીની ચેમ્પિયન્સ રાઈડના વિજેતાને રૂ. એક લાખનું ઈનામ આપવામાં આવ્યું હતું.

સુગરફ્રી સાઇક્લોથોન અમદાવાદ ૨૦૧૬માં દેશની પ્રથમ મહિલા બ્લેડ રનર હૈદરાબાદની કિરણ કનોજિયા પણ સામેલ હતા જેમણે ૫૦ કિમીની ચેલેન્જર્સ રાઇડ માટે નામ નોંધાવ્યું હતું. સામાજિક કલ્યાણ યોગદાન માટે પ્રતિબદ્ધતાના ભાગરૂપે કાર્યક્રમમાં એકત્ર કરવામાં આવેલા ભંડોળનો મોટો હિસ્સો સામાજિક હેતુ માટે ફાળવવામાં આવશે.

ગુજરાત સરકારના પ્રવાસન પ્રધાન સૌરભ પટેલે જણાવ્યું હતું કે “અમદાવાદના લોકોએ સાઇક્લિંગને પસંદ કરવાનું શરૂ કરી દીધું છે. ગુજરાત સરકાર હંમેશાથી દરેક પ્રકારની રમત ગમતને ઉત્તેજન આપતી રહી છે પછી તે સાઇક્લિંગ હોય, તરણ સ્પર્ધા હોય કે સ્કેટિંગ હોય. તેથી આ કાર્યક્રમનો હિસ્સો બનવો એ આનંદની બાબત છે.”

આ પ્રસંગે જેપી સ્પોર્ટસ એન્ડ ઈવેન્ટ્સના સ્થાપક જીગર પટેલે જણાવ્યું હતું કે “સુગરફ્રી સાઇક્લોથોનને મળેલા પ્રચંડ અને ઉત્સાહવર્ધક પ્રતિસાદથી અમે ખરેખર આનંદિત થયા છીએ. ૩,૦૦૦ કરતા વધારે નોંધણી થઇ તે ખરેખર મોટી સંખ્યા છે. તે દર્શાવે છે કે યુવાનોમાં ફીટનેસ, રમતગમત અને સાઇક્લિંગ અંગે જાગૃત્તિ, ઉત્સાહ અને રસમાં વધારો થયો છે. સાઇક્લિંગ એ ખરેખર સારી રમત છે અને આપણા પ્રદૂષિત વિશ્વમાં સાઇક્લિંગને પર્યાવરણ માટે ઉમદા કાર્ય તરીકે જોવામાં આવે છે. આ કાર્યક્રમ દ્વારા અમે સાઇક્લિંગને એક રમત તરીકે પ્રોત્સાહિત કરીને હરિયાળા શહેર, સ્વચ્છ શહેર અને તંદુરસ્ત શહેરને ઉત્તેજન આપીએ છીએ.”

જે પી સ્પોર્ટ્સ એન્ડ ઇવન્ટ્સ વિશે
જે પી સ્પોર્ટ્સ એન્ડ ઇવન્ટ્સ એક વિશિષ્ટ સ્ટાર્ટ-અપ છે જે ગુજરાતભરમાં રમતગમતને પ્રોત્સાહન આપવાનું મિશન ધરાવે છે. રમતગમતના ચાહક અને રાષ્ટ્રીય સ્તરના બાસ્કેટબોલ ખેલાડી જિગર પટેલ દ્વારા સ્થાપવામાં આવેલી કંપની રમતગમતની પહોંચ વધારીને તેને નવી ઊંચાઇએ લઇ જવા માટે સક્રિય છે. જે પી સ્પોર્ટ્સ એન્ડ ઇવન્ટ્સ વિવિધ સાઇક્લિંગ સ્પર્ધાઓ, કોમ્યુનિટી રાઇડ્સ, વિખ્યાત નાઇટ રાઇડ્સ તથા અમદાવાદમાં પ્રથમ ક્રોસ કન્ટ્રી રેસ યોજવા સહિતની વિવિધ સિદ્ધિ ધરાવે છે. આ સાહસની સ્થાપના નવોદિત ખેલાડીઓ, કોર્પોરેટ કર્મચારીઓ તથા અમદાવાદના રમતગમત પ્રેમી નાગરિકોની આકાંક્ષાઓ સંતોષવા કરવામાં આવી હતી જેનાથી તેમને કામના સ્થળના તણાવથી દૂર હળવાશમાં હળવામળવા માટે એક મંચ પૂરું પાડી શકાય.

admin

Recent Posts

ગોવા સરકારનું નેતૃત્વ મનોહર પર્રિકર જ કરશેઃ અમિત શાહ

ન્યૂ દિલ્હીઃ તમામ વિવાદો પર વિરામ લગાવતા ભાજપનાં રાષ્ટ્રીય અધ્યક્ષ અમિત શાહે આખરે સ્પષ્ટ કરી દીધું છે કે, મનોહર પર્રિકર…

2 hours ago

મોઢેરા સૂર્યમંદિરમાં પ્રવેશ ફીનો ચાર્જ વધારતા પર્યટકોમાં રોષ

મહેસાણા: મોઢેરાનું ઐતિહાસિક સૂર્યમંદિર એ એક ઐતિહાસિક વારસો ધરાવે છે તેમજ દરેક નાગરિક આ વારસાથી પરિચિત છે. તેને જોવા માટે…

2 hours ago

આતંકવાદ અને વાતચીત એક સાથે ક્યારેય શક્ય ના બનેઃ બિપીન રાવત

ન્યૂ દિલ્હીઃ ભારતનાં આર્મી ચીફ જનરલ બિપીન રાવતે પાકિસ્તાનને સણસણતો જવાબ આપ્યો છે. આર્મી ચીફ બિપીન રાવતે નિવેદન આપતાં કહ્યું…

3 hours ago

ગણેશ વિસર્જન યાત્રાનાં નામે સુરતમાં PAAS અને SPGનું શક્તિપ્રદર્શન

સુરતઃ ગણેશ વિસર્જનની આડમાં SPG અને PAASએ સુરતમાં શક્તિ પ્રદર્શન કર્યું છે. અલ્પેશ કથીરિયાની જેલ મુક્તિની મુખ્ય માંગ સાથે હજારો…

5 hours ago

વિઘ્નહર્તાની અશ્રુભીની વિદાય, વિસર્જનને લઇ બનાવાયાં ભવ્ય કૃત્રિમ તળાવો

વડોદરાઃ આજે ઠેર-ઠેર ભગવાન ગણેશજીનું વિસર્જન થશે અને બાપ્પાને આવતા વર્ષે જલ્દી આવવા માટેની ભક્તો દ્વારા વિનંતી પણ કરાશે. ત્યારે…

6 hours ago

વિશ્વની સૌથી મોટી હેલ્થ સ્કીમ લોન્ચ, મોદીએ કહ્યું,”હવે ગરીબ પણ કરાવી શકશે મોંઘી સારવાર”

ઝારખંડઃ પ્રધાનમંત્રી નરેન્દ્ર મોદીએ ઝારખંડની રાજધાની રાંચીથી કેન્દ્ર સરકારની મહત્વાકાંક્ષી આયુષ્માન ભારત-રાષ્ટ્રીય સ્વાસ્થ્ય સુરક્ષા મિશનનું શુભારંભ કરાવાયું. આ યોજના અંતર્ગત…

6 hours ago